Civil.ge-ს შესახებ
Eng | ქარ | Рус
ბოლო განახლება: 18:28 - 23 აპრ.'18
RSS
Mobile
Twitter
Facebook
საპარლამენტო უმრავლესობა და უმცირესობა რუსეთთან დაკავშირებულ რეზოლუციაზე შეთანხმდნენ
Civil Georgia, Tbilisi / 16 მარ.'18 / 15:31

საპარლამენტო უმრავლესობა და უმცირესობა დღეს იმ რეზოლუციაზე შეთანხმდნენ, რომელიც რუსეთის საოკუპაციო ძალების მიერ საქართველოს მოქალაქეთა სიცოცხლის ხელყოფის ფაქტებს, მათ შორის, 2016 წელს მომხდარ გიგა ოთხოზორიას მკვლელობას და სამი კვირის წინ არჩილ ტატუნაშვილის გარდაცვალებას, გმობს.

შეთანხმებას წინ ორკვირიანი კონსულტაციები უძღოდა, რომლის ფარგლებშიც ქართული ოცნება და ევროპული საქართველო მათ მიერ ინიცირებული რეზოლუციის ორი პროექტის შეჯერებაზე და ურთიერთმისაღებ ტექსტზე მუშაობდნენ. რეზოლუციის მიღება მომდევნო ოთხშაბათს, პლენარულ სხდომაზე იგეგმება. 

კონსულტაციების დასრულების შემდეგ, საპარლამენტო უმრავლესობის ლიდერმა არჩილ თალაკვაძემ განაცხადა, რომ ოპოზიციასთან შეთანხმება „ყველა პრინციპულ საკითხზე“ მოხდა. „ამ რეზოლუციაში იქნება როგორც მკაცრი შეფასებები მომხდართან დაკავშირებით, ასევე მოთხოვნილი [იქნება] კონკრეტული ქმედებები, მათ შორის, გამოძიების ჩატარება საერთაშორისო აქტორების მონაწილეობით, ოკუპირებულ ტერიტორიებზე მონიტორინგის საერთაშორისო მექანიზმების დაშვება და სპეციალური სიის ფორმირება, სადაც საქართველოს მთავრობამ შესაძლოა შეიყვანოს ჩვენი მოქალაქეების მიმართ ჩადენილი მძიმე დანაშაულების გამო ბრალდებული და მსჯავრდებული პირები“, - განაცხადა არჩილ თალაკვაძემ.  

საპარლამენტო უმცირესობის წევრმა, ევროპული საქართველოს წარმომადგენლმა სერგი კაპანაძემ ასევე დაადასტურა, რომ მმართველ გუნდსა და ოპოზიციას აქვთ „საერთო პოზიცია“ და რომ პარლამენტი მიიღებს ერთიან რეზოლუციას, რომელიც „შექმნის ოთხოზორია-ტატუნაშვილის სიას, შეაფასებს რუსეთის ფედერაციის პასუხისმგებლობას ოკუპირებულ ტერიტორიებზე და დააწესებს სხვა ტიპის შეზღუდვებს იმ ადამიანებზე, რომლებიც არიან პასუხისმგებელი იმ დარღვევებზე, რომელიც ეხება ადამიანის უფლებებს, მათ შორის, მკვლელობებს“.

ოკუპირებულ ტერიტორიებზე საქართველოს მოქალაქეთა გატაცებასა და მკვლელობაში ეჭვმიტანილ პირთა სიის ფორმირება და მათ მიმართ სანქციების დაწესება ევროპულმა საქართველომ 23 თებერვალს მოითხოვა, მას შემდეგ რაც ცნობილი გახდა ოკუპირებულ ცხინვალის რეგიონში არჩილ ტატუნაშვილის უკანონო დაკავებისა და გაურკვეველ ვითარებაში მისი გარდაცვალების შესახებ.

ევროპულ საქართველოსთან ერთად, ტატუნაშვილი-ოთხოზორიას სიის შექმნა საპარლამენტო და არასაპარლამენტო ოპოზიციური პარტიების ჯგუფმაც მოითხოვა, რომელმაც ერთობლივი განცხადებით საქართველოს ხელისუფლებას გუშინ მიმართა.

უახლესი ამბები
23 აპრ.'18 18:28
სასამართლომ ბაჩო ახალაია გადამდგარი პოლკოვნიკის საქმეში დამნაშავედ სცნო
საქართველოს თავდაცვის ყოფილ მინისტრს საქალაქო სასამართლო 9 წლით თავისუფლების აღკვეთა მიუსაჯა.
23 აპრ.'18 17:59
ფინანსთა მინისტრი ვაშინგტონში საფინანსო ინსტიტუტების წარმომადგენლებს შეხვდა
მამუკა ბახტაძე ამერიკის შეერთებულ შტატებში 19 აპრილს გაემგზავრა, სადაც თვის ბოლომდე დარჩება.
23 აპრ.'18 15:42
წითელი ჯვარი: აფხაზეთის კონფლიქტისას გაუჩინარებული 22 ადამიანის ნეშტი იდენტიფიცირებულია
იდენტიფიკაცია იმ სააკოორდინაციო მექანიზმის ფარგლებში განხორციელდა, რომელიც წითელი ჯვრის მხარდაჭერით 2010 წელს ჩამოყალიბდა.
23 აპრ.'18 15:34
რუსეთის საგარეო უწყება აფხაზეთის და სამხრეთ ოსეთის მიმართ თბილისის პოლიტიკას აკრიტიკებს
მარია ზახაროვას თქმით, საქართველომ უნდა მიიღოს ახალი პოლიტიკური რეალობა და აღიაროს მათი დამოუკიდებლობა.
20 აპრ.'18 19:09
ევროპის საბჭომ საქართველოში კონფლიქტის შესახებ ანგარიში გამოაქვეყნა
ანგარიში აფხაზეთსა და ცხინვალის რეგიონში უსაფრთხოების და ადამიანის უფლებათა დაცვის კუთხით არსებულ ვითარებას აფასებს.
20 აპრ.'18 16:04
პარლამენტმა პარტიების დაფინანსების წესში ცვლილებები მიიღო
ცვლილებების შედეგად, მრეწველთა პარტია 600 000 ლარის ოდენობის ყოველწლიურ საბიუჯეტო დაფინანსებას მიიღებს.
20 აპრ.'18 12:57
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
ევროკავშირის დელეგაციამ ევროპის საბჭოში საქართველოს შესახებ გენერალური მდივნის ანგარიშის საპასუხოდ განცხადება გამოაქვეყნა.
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
89