Civil.ge-ს შესახებ
Eng | ქარ | Рус
ბოლო განახლება: 16:47 - 26 აპრ.'18
RSS
Mobile
Twitter
Facebook
საქართველო და შვედეთი მსჯავრებულთა დაბრუნების შესახებ შეთანხმებას მოაწერენ ხელს
Civil Georgia, Tbilisi / 15 მარ.'18 / 18:03


მორგან იოჰანსონი და გიორგი გახარია, სტოკჰოლმი, შვედეთი. 13 მარტი, 2018. ფოტო: police.ge

საქართველოს და შვედეთის სამართალდამცავი სტრუქტურები გააძლიერებენ თანამშრომლობას ორგანიზებულ დანაშაულთან ბრძოლის საქმეში და ხელს მოაწერენ შეთანხმებას, რომლის თანახმადაც შვედეთში მსჯავრდებული საქართველოს მოქალაქეები სამშობლოში მოიხდიან სასჯელს, იტყობინება საქართველოს შინაგან საქმეთა სამინისტრო 14 მარტს.

განცხადება მას შემდეგ გაკეთდა, რაც ერთი დღით ადრე საქართველოს შინაგან საქმეთა მინისტრი, გიორგი გახარია თავის შვედ კოლეგას, მორგან იოჰანსონს შეხვდა, ხოლო რამდენიმე კვირით ადრე ევროპის რამდენიმე ქვეყანამ, მათ შორის შვედეთმა, წუხილი გამოთქვა საქართველოს მოქალაქეთა მხრიდან დანაშაულის ჩადენის ზრდაზე და თავშესაფრის მინიჭების შესახებ მოთხოვნების მატებაზე, რამაც ეჭვები აღძრა იმასთან დაკავშირებით, რომ ევროკავშირმა შესაძლოა უვიზო რეჟიმის შეჩერების მექანიზმი აამოქმედოს.

„ჩვენ გავმართეთ შეხვედრები შვედეთის იუსტიციის მინისტრთან. ჩვენი ძირითადი ამოცანა გახლდათ იმ საკითხების გადაწყვეტა, რომელიც რამდენიმე ხნის წინ შვედეთის იუსტიციის სამინისტროში წამოიჭრა... ჩვენ შევთანხმდით რამდენიმე ღონისძიებაზე, ასევე შევთანხმდით იმაზე, რომ თანამშრომლობა ოპერატიულ დონეზე სამართალდამცავებს შორის გაღრმავდება“, - განაცხადა მინისტრმა გახარიამ შეხვედრის შემდეგ და დასძინა, რომ „ფაქტობრივად მივაღწიეთ იმ გადაწყვეტილებას, რომ უახლოეს პერიოდში შვედეთის მთავრობის მხრიდან მსგავსი საკითხი, უკვე როგორც პრობლემური, აღარ დაისმევა“.

გახარიამ ასევე აღნიშნა, რომ მისი შვედი კოლეგა დაინტერესდა საქართველოს მოქალაქეების ქართულ ციხეებში გადმოყვანის შესაძლებლობით. მორგან იოჰანსონმა ამასთან დაკავშირებით აღნიშნა, რომ ქართულმა მხარემ შვედეთის თხოვნაზე თანხმობა განაცხადა. შვედური მედიის ინფორმაციით, შესაბამის სახელმწიფოთაშორის შეთანხმებას ორ თვეში მოეწერება ხელი.

შვედეთის წუხილებზე მორგან იოჰანსონმა 8 მარტსაც ისაუბრა, ბრიუსელში საშინაო საქმეთა საბჭოს სხდომამდე, სადაც ევროკავშირის წევრი ქვეყნების იუსტიციისა და საშინაო საქმეთა მინისტრები შეიკრიბნენ. მინისტრმა განაცხადა, რომ მას თბილისთან საუბარი სურდა საქართველოდან თავშესაფრის მაძიებელთა გაზრდილ რაოდენობასთან, ასევე საქართველოს მოქალაქეების მიერ ჩადენილ დანაშაულებთან დაკავშირებით.

მინისტრმა აღნიშნა, რომ შვედეთში ჩადენილი ძარცვების თითქმის ნახევრის უკან უცხოური კრიმინალური ქსელები იდგა. „ოთხი ქვეყანა დავადგინეთ, რომლებთანაც ვმუშაობთ - ესენია რუმინეთი, ლიტვა, პოლონეთი და საქართველო; ამრიგად, გვინდა, რომ საქართველოს ხელისუფლებამ მიიღოს ზომები ამ ტიპის ქმედებებთან საბრძოლველად“, - განაცხადა იოჰანსონმა.

იგივე თემას იოჰანსონი მოგვიანებითაც შეეხო და განუცხადა Radio Sweden-ს, რომ ქვეყანა ვეღარ აიღებს პასუხისმგებლობას საქართველოს მოქალაქეებზე მას შემდეგ, რაც მათ გაასამართლებდნენ. „ჩვენი საკუთარი კრიმინალებისთვისაც გვჭირდება სივრცე შვედეთში“, - განაცხადა მინისტრმა და დასძინა, რომ თბილისმა ადრე უარი განაცხადა საკუთარი მსჯავრდებულების წაყვანაზე და ამის მიზეზად ციხეებში ადგილის ნაკლებობა დაასახელა.

9 მარტს, გიორგი გახარია ჰააგაში ევროპოლის შტაბბინას ესტუმრა, სადაც „საქართველოსა და ევროპის კავშირის სამართალდაცვით სფეროში თანამშრომლობის სააგენტოს შორის უსაფრთხო კომუნიკაციის არხის თაობაზე“ ურთიერთგაგების მემორანდუმს მოაწერა ხელი. მხარეებმა ასევე მოაწერეს ხელი „საქართველოსა და ევროპის კავშირის სამართალდაცვით სფეროში თანამშრომლობის სააგენტოს შორის მეკავშირეობის შესახებ“ შეთანხმებას, რომელიც საშუალებას მისცემს საქართველოს ხელისუფლებას, რომ მეკავშირე ოფიცერი წარგზავნოს ევროპოლის შტაბბინაში.

ამავე თემაზე
უახლესი ამბები
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.
23 აპრ.'18 18:28
სასამართლომ ბაჩო ახალაია პოლკოვნიკ თეთრაძის საქმეში დამნაშავედ სცნო
საქართველოს თავდაცვის ყოფილ მინისტრს საქალაქო სასამართლო 9 წლით თავისუფლების აღკვეთა მიუსაჯა.
23 აპრ.'18 17:59
ფინანსთა მინისტრი ვაშინგტონში საფინანსო ინსტიტუტების წარმომადგენლებს შეხვდა
მამუკა ბახტაძე ამერიკის შეერთებულ შტატებში 19 აპრილს გაემგზავრა, სადაც თვის ბოლომდე დარჩება.
23 აპრ.'18 15:42
წითელი ჯვარი: აფხაზეთის კონფლიქტისას გაუჩინარებული 22 ადამიანის ნეშტი იდენტიფიცირებულია
იდენტიფიკაცია იმ სააკოორდინაციო მექანიზმის ფარგლებში განხორციელდა, რომელიც წითელი ჯვრის მხარდაჭერით 2010 წელს ჩამოყალიბდა.
23 აპრ.'18 15:34
რუსეთის საგარეო უწყება აფხაზეთის და სამხრეთ ოსეთის მიმართ თბილისის პოლიტიკას აკრიტიკებს
მარია ზახაროვას თქმით, საქართველომ უნდა მიიღოს ახალი პოლიტიკური რეალობა და აღიაროს მათი დამოუკიდებლობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
5