Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
საქართველო აშშ-ის სენატის დემოკრატების მიერ მომზადებულ ანგარიშში
Civil Georgia, Tbilisi / 11 იან.'18 / 15:49

აშშ-ის სენატის საგარეო ურთიერთობათა კომიტეტში დემოკრატების ლიდერმა, სენატორმა ბენ კარდინმა 10 იანვარს ანგარიში გამოაქვეყნა, სადაც დეტალურადაა აღწერილი რუსეთის აგრესიული ქმედებები საზღვარგარეთ და რომელიც მოუწოდებს პრეზიდენტ დონალდ ტრამპის ადმინისტრაციას, რომ ამ საფრთხეებს დაუპირისპირდეს.

206-გვერდიანი დოკუმენტი სახელწოდებით „პუტინის ასიმეტრიული თავდასხმა დემოკრატიაზე რუსეთსა და ევროპაში: შედეგები აშშ-ის ეროვნული უსაფრთხოებისთვის“ საქართველოსაც მოიხსენიებს; მის რეზიუმეში კი ნათქვამია, რომ მოსკოვმა აგრესიული იერიში განახორციელა საქართველოსა და უკრაინაზე მას შემდეგ, რაც ისინი ევროკავშირს და ნატოს დაუახლოვდნენ, და მათ წინააღმდეგ „კიბერომი, დეზინფორმაციული კამპანიები და სამხედრო ძალა“ გამოიყენა.    

ანგარიშში ასევე ნათქვამია, რომ როგორც ჩანს, საქართველოსა და უკრაინის შიდა საქმეებში რუსეთის ჩარევის მიზანი ამ ქვეყნების დასუსტება იყო, რათა ისინი წარუმატებელი ქვეყნები გამხდარიყვნენ და ვეღარ შეძლებოდათ მომავალში დასავლურ ინსტიტუტებში გაწევრიანება, რაც დემოკრატიზაციის უარყოფითი შედეგების კიდევ ერთი მაგალითი იქნებოდა რუსი ხალხისთვის.

დოკუმენტში ასევე საუბარია რუსეთის მიერ 2008 წელს საქართველოში შეჭრაზე, რა დროსაც სამხედრო ოპერაციებთან ერთად კიბერთავდასხმაც განხორციელდა. ანგარიშის თანახმად, ეს პირველი ასეთი შემთხვევა იყო.

ანგარიში ასევე აღწერს რუსეთის მიერ საქართველოში გავლენის მოხდენის და პროპაგანდისტულ საქმიანობებს. „გარდა სამხედრო თავდასხმებისა საქართველოს ტერიტორიაზე, რუსეთის ხელისუფლება ასევე მხარს უჭერს კრემლის მხარდამჭერ სხვადასხვა პოლიტიკურ პარტიებს, არასამთავრო ორგანიზაციებს და პროპაგანდისტულ ძალისხმევას ქვეყანაში“, - ნათქვამია ანგარიშში.

დოკუმენტის თანახმად, ერთ-ერთი მაგალითია ტელეკომპანია „ობიექტივი“, რომელმაც „გავრცელებული ინფორმაციით, რუსული დაფინანსების იმედით მხარი დაუჭირა ულტრა-ნაციონალისტურ პოლიტიკურ პარტიას პატრიოტთა ალიანსი“. „ობიექტივის ქსენოფობიური, ჰომოფობიური და ანტი-დასავლური ნარატივი დაეხმარა პატრიოტთა ალიანსს, რომ 2016 წლის ოქტომბრის არჩევნების დროს ბარიერი გადაელახა და პარლამენტში შესულიყო“, - ნათქვამია ანგარიშში. 

დოკუმენტში ასევე ნათქვამია, რომ  რუსული პროპაგანდა საქართველოში უცნაურ სახეს იძენს და ამის მაგალითად ის განცხადებები მოყავს, რომლის თანახმადაც ამერიკის შეერთებული შტატები თბილისში რიჩარდ ლუგარის სახელობის საზოგადოებრივი ჯანმრთელობის კვლევით ცენტრს საქართველოს მოსახლეობაზე ბიოლოგიური ცდების ჩასატარებლად იყენებს.  

სენატის დემოკრატიული პარტიის წარმომადგენლები მიიჩნევენ, რომ მართალია რთულია საქართველოზე რუსეთის დეზინფორმაციის და სხვა არასამხედრო ქმედებების გავლენის გაზომვა, „რუსეთის ხელისუფლებას შესწევს უნარი მნიშვნელოვანი გავლენა მოახდინოს საქართველოზე ამ განსხვავებული საშუალებების გამოყენებით“.

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
73