Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
სამხრეთ ოსეთმა და რესპუბლიკა სრპსკამ შეთანხმებებს მოაწერეს ხელი
Civil Georgia, Tbilisi / 10 იან.'18 / 18:05

ოკუპირებული სამხრეთ ოსეთის ლიდერი ანატოლი ბიბილოვი სამდღიანი ვიზიტით ბოსნია-ჰერცეგოვინას სერბულ ნაწილს, რესპუბლიკა სრპსკას სტუმრობს, სადაც პრეზიდენტ მილორად დოდიკს შეხვდა, ხოლო 9 იანვარს ქალაქ ბანია-ლუკაში  რესპუბლიკის დღის აღსანიშნავ ღონისძიებებში მიიღო მონაწილეობა.

ბიბილოვთან 10 იანვარს გამართულ შეხვედრაზე მილორად დოდიკმა განაცხადა, რომ მას მიაჩნია, რომ სამხრეთ ოსეთს „სრული სუვერენული უფლება აქვს, რომ საკუთარი ბედი თავად გადაწყვიტოს“ და რომ მისი ადმინისტრაციისთვის „სავსებით ლეგიტიმურია“ ცხინვალთან თანამშრომლობა. დოდიკი დაპირდა ბიბილოვს, რომ სამხრეთ ოსეთს საპასუხო ვიზიტით ესტუმრება.

თბილისის მიერ ბიბილოვის ვიზიტთან დაკავშირებით გაგზავნილ საპროტესტო ნოტაზე საუბრისას დოდიკმა აღნიშნა, რომ სამხრეთ ოსეთის ლიდერი რესპუბლიკა სრპსკას სტუმრობდა და არა ბოსნია-ჰერცეგოვინას. მან იქვე დასძინა, რომ საქართველო რესპუბლიკა სრპსკას მეგობარი არ არის.

ბიბილოვმა პარალელები გაავლო რესპუბლიკა სრპსკას და სამხრეთ ოსეთს შორის და მათ „ტყუპები“ უწოდა, რომელთაც, მისი თქმით, ერთნაირი ურთიერთობა აქვთ საერთო „სტრატეგიულ პარტნიორთან - რუსეთის ფედერაციასთან“. თბილისის ნოტაზე საუბრისას ცვინვალის ლიდერმა აღნიშნა: „მე ჩამოვედი რესპუბლიკა სრპსკაში და არა ბოსნია და ჰერცეგოვინაში“.

დოდიკის და ბიბილოვის შეხვედრის შემდეგ, სრპსკას ეკონომიკური ურთიერთობების და რეგიონული თანამშრომლობის მინისტრმა, ზლატან კლოკიჩმა ოკუპირებული სამხრეთ ოსეთის საგარეო საქმეთა მინისტრთან დმიტრი მედოევთან ერთად ხელი მოაწერა მემორანდუმს ურთიერთთანამშრომლობის შესახებ. ასევე მოეწერა ხელი თანამშრომლობის ოქმს ბიბილოვის პარტიას „ერთიან ოსეთსა“ და დოდიკის პარტიას „დამოუკიდებელი სოციალ-დემოკრატების ალიანსს“ შორის.     

ანატოლი ბიბილოვის პრესსამსახურის ინფორმაციით, ცხინვალის ლიდერმა აცნობა მილორად დოდიკს, რომ რესპუბლიკა სრპსკაში წარმომადგენლის დანიშვნას გეგმავს.

ბოსნია და ჰერცეგოვინაში ჩასვლამდე ანატოლი ბიბილოვი სერბეთში ბელგრადს და ნოვი სადს ესტუმრა. მანამდე ის თვითგამოცხადებულ დონეცკის სახალხო რესპუბლიკას სტუმრობდა, სადაც ფრონტის ხაზს ეწვია და ადგილობრივ მებრძოლებს, რომლებიც უკრაინის არმიის წინააღმდეგ იბრძვიან, სამხედრო ფორმები გადასცა საჩუქრად.

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
73