Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
ბათუმის არეულობის საქმეზე ორ ბრალდებულს 1.5 წლით პატიმრობა მიესაჯა
Civil Georgia, Tbilisi / 10 იან.'18 / 15:36

ბათუმის საქალაქო სასამართლომ დღეს ერთი წლისა და ექვსი თვის ვადით თავისუფლების აღკვეთა მიუსაჯა ირაკლი ჩხვირკიას და მერაბ ღოღობერიძეს, რომლებიც 2017 წლის აპრილიდან, ბათუმში მომხდარი არეულობის საქმეზე, წინასწარ პატიმრობაში იმყოფებოდნენ. 
პროკურატურის თანახმად, ჩხვირკიასა და ღოღობერიძეს ბრალად ედებოდათ 2017 წლის 11-12 მარტს ბათუმში “ჯგუფური ძალადობის” ორგანიზება, რის შედეგადაც პოლიციის და კერძო პირების მანქანები დაიწვა, ასევე - დაზიანდა მაღაზიები და ქალაქის ინფრასტრუქტურა. დანაშაული სასჯელის სახით 9 წლამდე თავისუფლების აღკვეთას ითვალისწინებდა, თუმცა მოსამართლე დავით მამისეიშვილმა პროკურატურის პოზიცია არ გაიზიარა, და ჩხვირკიასა და ღოღობერიძის მიერ ჩადენილი სამართალდარღვევა უფრო მსუბუქ დანაშაულად - “ჯგუფური მოქმედების” ორგანიზებად - გადააკვალიფიცირა, რაც მაქსიმალური სასჯელის სახით 3 წლამდე პატიმრობას ითვალისწინებს, და საბოლოოდ, ორივე ბრალდებულს ერთი წლისა და ექვსი თვის ვადით თავისუფლების აღკვეთა მიუსაჯა. 
მიღებული გადაწყვეტილების დასაბუთებისას, მოსამართლე მამისეიშვილმა განუცხადა ირაკლი ჩხვირკიას, რომ მის ქმედებებში ძალადობის ორგანიზება არ იკვეთებოდა, თუმცა დასძინა, რომ ჩხვირკია ცდილობდა “რაიმე სასიკეთო” გაეკეთებინა პარტიისათვის (ერთიანი ნაცინალური მოძრაობისათვის), რომლის რიგებიდანაც იგი ბათუმის მოვლენების შემდეგ გაირიცხა. მეორე ბრალდებული, მერაბ ღოღობერიძე, განაჩენის გამოტანას არ ესწრებოდა.
ჩხვირკიას და ღოღობერიძის საქმის განხილვა 2017 წლის მაისში დაიწყო. ბრალდებულები დანაშაულს არ აღიარებდნენ. ამასთან, ერთიან ნაციონალურ მოძრაობასა და ევროპულ საქართველოში ჩხვირკიას საქმეს “პოლიტიკურად მოტივირებულს” უწოდებდნენ. 
ბათუმში არეულობა გასული წლის 11 მარტს, სასტუმრო „ბათუმი პლაზას“ მახლობლად მას შემდეგ დაიწყო, რაც საპატრულო პოლიციამ მოქალაქე არასწორი პარკირებისთვის დააჯარიმა და მოგვიანებით პოლიციისთვის წინააღმდეგობის გაწევის გამო დააკავა. ამას მოჰყვა მასშტაბური საპროტესო აქცია, რომელიც 12 მარტს გამთენიისას, მას შემდეგ დასრულდა, რაც დარჩენილი მომიტინგეების დასაშლელად სპეცრაზმის დამატებითი დანაყოფები ჩაერთო. არეულობების დროს ბათუმში პოლიციის და მოქალაქეების რამდენიმე მანქანა დაწვეს და დააზიანეს. 
მედიაში გავრცელებული ინფორმაციით, ბათუმის არეულობის საქმეზე ბრალდება სულ 21 პირს ჰქონდა წარდგენილი. მათგან 18-მა არეულობაში მონაწილეობისთვის წარდგენილი ბრალდება აღიარა და მათთან საპროცესო შეთანხმება გაფორმდა. კიდევ ერთი ბრალდებულს, ლაშა დეკანაძეს კი, რომელიც ჩხვირკიას და ღოღობერიძის მსგავსად დანაშაულს არ აღიარებდა, გასული წლის ნოემბერში ხულიგნობისთვის ერთი წლისა და სამი თვის ვადით თავისუფლების აღკვეთა მიესაჯა.
ჩხვირკიასა და ღოღობერიძისთვის სასჯელის მოხდის ვადა მათი დაკავების დღიდან - 2017 წლის 23 აპრილიდან აითვლება. დაცვის მხარე განაჩენის გასაჩივრებას სააპელაციო სასამართლოში აპირებს.

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
72