Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
პანკისის ხეობაში დაჭრილი ახალგაზრდა გარდაიცვალა
Civil Georgia, Tbilisi / 10 იან.'18 / 10:42

2017 წლის 26 დეკემბერს, პანკისის ხეობაში, ტერორისტული საქმიანობის ხელშეწყობაში ეჭვმიტანილი პირების დასაკავებლად სუს-ის მიერ ჩატარებული სპეცოპერაციის დროს დაჭრილი 18 წლის თემირლან მაჩალიკაშვილი დღეს დილის 8 საათზე, თბილისში, წმინდა მიქაელ მთავარანგელოზის სახელობის მრავალპროფილიან კლინიკურ საავადმყოფოში გარდაიცვალა. 
საავადმყოფოს ექიმის, ზაზა ლურსმანაშვილის თქმით, პაციენტის მდგომარეობა გამთენიისას „მკვეთრად გაუარესდა, დაფიქსირდა გულის ოთხჯერ გაჩერების ეპიზოდი და რეანიმაცია დასრულდა წარუმატებლად“. მაჩალიკაშვილი ამ დრომდე უგონო მდგომარეობაში რჩებოდა და მართვით სუნთქვაზე იმყოფებოდა.
თემირლან მაჩალიკაშვილი თავის არეში იყო დაჭრილი. სუს-ის განმარტებით, სპეცოპერაციისას, ის სამართალდამცველებისთვის წინააღმდეგობის გაწევას და ხელყუმბარის აფეთქებას შეეცადა, რასაც სუს-ის მხრიდან „პროპორციული ძალის“ გამოყენება მოჰყვა. მაჩალიკაშვილის ოჯახის წევრები კი ამას უარყოფენ და აცხადებენ, რომ სამართალდამცველებმა ეჭვმიტანილს მძინარეს ესროლეს.
მაჩალიკაშვილის ოჯახის მოთხოვნით, პაციენტის შემდგომი მკურნალობის საზღვარგარეთ გაგრძელების მიზნით, ჯანდაცვის სამინისტრო მოლაპარაკებას სხვადასხვა ქვეყნის კლინიკებთან აწარმოებდა. საბოლოოდ, მისი გადაყვანა თურქეთის ერთ-ერთ კლინიკაში გადაწყდა, თუმცა მანამდე მაჩალიკაშვილის ოჯახმა რამდენჯერმე გამოთქვა ეჭვი, რომ კლინიკის შერჩევის პროცესში სუს-ი იყო ჩართული, რაც ოჯახის წევრების თქმით, დაჭრილი ახალგაზრდის სიცოცხლეს საფრთხეს შეუქმნიდა. 
მაჩალიკაშვილის ოჯახი და ადვოკატები პროკურატურისგან მოითხოვდნენ, რომ დაჭრილ ახალგაზრდას დაზარალებულის სტატუსი მინიჭებოდა და თავისი საპროცესო უფლებების დაცვის შესაძლებლობა მისცემოდა საქმეზე, რომლის გამოძიებაც პროკურატურამ სპეცრაზმელების მიერ უფლებამოსილების შესაძლო გადამეტების ფაქტზე დაიწყო. ისინი ასევე ადანაშაულებდნენ სუს-ს მაჩალიკაშვილის მიმართ უდანაშაულობის პრეზუმფციის დარღვევაში, რაც მათი თქმით, ტერორიზმში ბრალდებულ პირებთან მაჩალიკაშვილის კავშირის ამსახველი ვიდეოს გავრცელებაში გამოიხატა. ოჯახი მაჩალიკაშვილის ტერორისტებთან კავშირს კატეგორიულად უარყოფდა. 
თემირლან მაჩალიკაშვილი ერთ-ერთი იყო საქართველოს იმ ხუთ მოქალაქეს შორის, რომელთა დასაკავებლადაც 2017 წლის 26 დეკემბერს თბილისსა და ახმეტის მუნიციპალიტეტის სოფლებში სუს-ის კონტრტერორისტულმა დეპარტამენტმა სპეცოპერაცია ჩაატარა. სპეცოპერაციის შემდეგ, მაჩალიკაშვილის გარდა, დანარჩენ ოთხ მოქალაქეს, ახმედ ჩატაევის ჯგუფისათვის ტერორისტულ საქმიანობაში ფინანსური და სხვა სახის მატერიალური დახმარების აღმოჩენის ბრალდებით, წინასწარი პატიმრობა შეეფარდა. ამავე ბრალდებით, სუს-ის კონტრტერორისტულმა დეპარტამენტმა პანკისის ხეობაში კიდევ ერთი პირი, ზურაბ იდოიძე, 9 იანვარს ჩატარებული სპეცოპერაციის დროს დააკავა.

ამავე თემაზე
უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
70