Civil.ge-ს შესახებ
Eng | ქარ | Рус
ბოლო განახლება: 13:02 - 19 აპრ.'18
RSS
Mobile
Twitter
Facebook
ტერორიზმთან დაკავშირებული ბრალდებებით დაკავებულ ოთხ პირს წინასწარი პატიმრობა შეეფარდა
Civil Georgia, Tbilisi / 29 დეკ.'17 / 16:12

თბილისის საქალაქო სასამართლომ დააკმაყოფილა პროკურატურის შუამდგომლობა და, აღკვეთის ღონისძიების სახით, პატიმრობა შეუფარდა ოთხ პირს, რომლებსაც ბრალად ედებათ ტერორიზმში ეჭვმიტანილი ახმედ ჩატაევის ჯგუფისათვის მომსახურების გაწევა, აგრეთვე - რესურსებით და თავშესაფრით უზრუნველყოფა

თბილისის საქალაქო სასამართლომ განაცხადა 28 დეკემბერს გავრცელებულ პრესრელიზში, რომ ბრალდებულებმა „ტერორისტული ორგანიზაციის წევრებს დახმარება გაუწიეს დროებითი საცხოვრებლით,  მომსახურებით და აგრეთვე უზრუნველყვეს საკვები პროდუქტებითა და საყოფაცხოვრებო ნივთებით“.

„2017 წლის 21 ნოემბერს, ბერი გაბრიელ სალოსის ქუჩაზე ჩატარებული სპეცოპერაციისას, ბოროტმოქმედებმა განახორციელეს ტერორისტული აქტი, კერძოდ ააფეთქეს ხელყუმბარები და ცეცხლსასროლი იარაღიდან სამართალდამცველების მიმართ გახსნეს ინტენსიური ცეცხლი“, - ნათქვამია სასამართლოს პრესრელიზში.

სასამართლომ მიიჩნია, რომ არსებობს „ახალი დანაშაულის ჩადენის, მტკიცებულებათა მოპოვებისათვის ხელის შეშლისა და ბრალდებულთა მიმალვის მომატებული საფრთხეები, რომელთა თავიდან ასაცილებლად მიზანშეწონილად მიიჩნია, ყველაზე მკაცრი აღკვეთის ღონისძიების - პატიმრობის გამოყენება“.

ოთხივე ეჭვმიტანილი 26 დეკემბერს თბილისსა და პანკისის ხეობაში განხორციელებული სპეცოპერაციების შედეგად დააკავეს. მეხუთე ეჭვმიტანილს - თემირლან მაჩალიკაშვილს, რომელიც სპეცოპერეციის დროს თავის არეში დაიჭრა და საავადმყოფოში იქნა გადაყვანილი, ჯერ ბრალი არ აქვს წარდგენილი.

ამავე თემაზე
უახლესი ამბები
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.
18 აპრ.'18 12:04
მარგველაშვილი შეწყალების პრაქტიკის შესახებ კრიტიკას პასუხობს
პრეზიდენტი დროებით წყვეტს ძალადობრივი დანაშაულისთვის მსჯავრდებული პატიმრების შეწყალებას.
17 აპრ.'18 16:12
ადვოკატის თქმით, ტატუნაშვილის ცხედარს შინაგანი ორგანოები აკლდა
პროკურატურამ არჩილ ტატუნაშვილის მამას და ადვოკატს გამოძიების მსვლელობის შესახებ ინფორმაცია მიაწოდა.
16 აპრ.'18 18:46
შუალედური საპარლამენტო არჩევნებისთვის ცხრა კანდიდატი დარეგისტრირდა
არჩევნები ვანის და ხონის მაჟორიტარული ოლქის 60 საარჩევნო უბანზე ჩატარდება, სადაც 48 054 ამომრჩეველია რეგისტრირებული.
16 აპრ.'18 17:48
სოციალ-დემოკრატები საპარლამენტო არჩევნებში დამოუკიდებლად იყრიან კენჭს
პარტიას ქართული ოცნების საპარლამენტო უმრავლესობაში შვიდწევრიანი ფრაქცია ყავს.
16 აპრ.'18 15:07
ევროკავშირი: საქართველოს შრომის უსაფრთხოების კუთხით პროგრესი აკლია
ევროკომისარმა იოჰანეს ჰანმა შრომის უსაფრთხოების საკითხებზე სამოქალაქო საზოგადოების წუხილებს უპასუხა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
122