Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
პანკისის ხეობის მცხოვრებლები ‘ობიექტურ’ გამოძიებას ითხოვენ
Civil Georgia, Tbilisi / 27 დეკ.'17 / 18:24


საპროტესტო აქცია სოფელ დუისში, 27 დეკემბერი, 2017. ფოტო: სულხან ბორძიკაშვილი

პანკისის ხეობის მაცხოვრებლებმა 27 დეკემბერს ხელისუფლებას მიმართეს და შეშფოთება გამოხატეს ერთი დღით ადრე უსაფრთხოების ძალების მიერ ჩატარებული სპეცოპერაციის გამო, რის შედეგადაც პანკისში მცხოვრები ხუთი პირი იქნა დაკავებული.

ერთ-ერთი დაკავებული, 18 წლის თემირლან მაჩალიკაშვილი სპეცოპერეციის დროს თავის არეში დაიჭრა და საავადმყოფოში იქნა გადაყვანილი. სახელმწიფო უსაფრთხოების სამსახურმა განაცხადა, რომ სამართალდამცველებმა მაჩალიკაშვილს იმ დროს ესროლეს, როდესაც ეს უკანასკნელი ცდილობდა, რომ მოქმედებაში მოეყვანა ხელყუმბარა; თუმცა, მაჩალიკაშვილის ნათესავები აცხადებენ, რომ მას ეძინა, როდესაც სამართალდამცავები მის ოთახში შევიდნენ.

პანკისის უხუცესთა კავშირმა, რომელმაც დღეს ამ საკითხთან დაკავშირებით სოფელ დიუსში საგანგებო სხდომა მოიწვია, საბჭოს და პანკისში მდებარე საზოგადოებრივი ორგანიზაციების სახელით მოკლე განცხადება გაავრცელა, სადაც ნათქვამია, რომ „ჩვენ, პანკისის ხეობის მცხოვრებლები, დიდი ყურადღებით ვაკვირდებით უკანასკნელ პერიოდში პანკისის ხეობაში განვითარებულ მოვლენებს, რაც დაკავშირებულია ქართველი ძალოვნების მიერ აქ ჩატარებულ სპეცოპერაციაზე“. 

„შექმნილ სიტუაციაში ჩვენი აზრი ერთსულოვანია იმასთან დაკავშირებით, რომ სახელმწიფო ხელისუფლების პრეროგატივაა საკუთარ ქვეყანაში წესრიგის დამყარება და ამ თვალსაზრისით გატარებული ღონისძიებების წინააღმდეგი არავინ არის. მაგრამ ჩვენი უკმაყოფილება განპირობებულია იმ ფორმებისა და მეთოდების წინააღმდეგ, რომელთა გამოყენების შედეგად, ერთი ახალგაზრდა თემირლან მაჩალიკაშვილი უმძიმეს მდგომარეობაშია და მისი გადარჩენის საკითხი კითხვის ნიშნის ქვეშ დგება“, - ნათქვამია უხუცესთა კავშირის განცხადებაში.

საბჭოს წევრები აცხადებენ, რომ „გამოძიება ობიექტურად უნდა წარიმართოს და ყველაფერი უნდა გაკეთდეს, იმისთვის რომ უდანაშაულო ადამიანები არ მოხვდნენ განსასჯელის სკამზე“.

„იმედს გამოვთქვამთ, რომ ქართული ხელისუფლება გაითვალისწინებს პანკისის ხეობის საზოგადოების აზრს და სწორ მიმართულებას მისცემს აღნიშნულ საგამოძიებო პროცესებს“, - ნათქვამია განცხადებაში.

მოგვიანებით, რამდენიმე ასეულმა ადგილობრივმა მკვიდრმა პანკისში საპროტესტო აქცია გამართა. ერთ-ერთმა მონაწილემ მურაზ გოდერძიშვილმა განუცხადა ჟურნალისტებს, რომ უსაფრთხოების ძალების ქმედებებმა მაჩალიკაშვილის მიმართ „დიდი აღშფოთება გამოიწვია მთლიანად პანკისის ხეობაში“.  მან ასევე პროტესტი გამოხატა იმის წინააღმდეგ, რომ პანკისელობა ტერორიზმთან და დანაშაულთან ასოცირდება ზოგიერთი ექსპერტის მიერ.

გოდერძიშვილმა იმედი გამოთქვა, რომ „საქმე იქნება გამოძიებული ობიექტურად, დამნაშავე აუცილებლად იქნება  დასჯილი, ვინც განახორციელა კონკრეტული გასროლა ამ ახალგაზრდის მიმართ. წინააღდეგ შემთხვევაში, შემდგომში იმას განვიხილავთ, რისი გაკეთება შეგვეძლება ჩვენ კანონის ფარგლებში“. 

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
107