Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
კარასინი: მოსკოვი ყურადღებით აკვირდება საქართველოს ‘მილიტარიზაციას’
Civil Georgia, Tbilisi / 27 დეკ.'17 / 15:47

„ჩვენ ყურადღებით ვაკვირდებით [დასავლელი პარტნიორების მიერ საქართველოს მილიტარიზაციის] პროცესს და უსაფრთხოების სფეროში აფხაზეთისა და სამხრეთ ოსეთისთვის ჩვენი დახმარების კორექტირებას ვახდენთ“, - განაცხადა რუსეთის საგარეო საქმეთა მინისტრის მოადგილემ გრიგორი კარასინმა 25 დეკემბერს „ინტერფაქსთან“ ინტერვიუში.

„თბილისის არ გვეშინია, მაგრამ სერიოზულად გვაშფოთებს მისი დასავლელი მოკავშირეების ქმედებები“, - განაცხადა კარასინმა და დასძინა, რომ დასავლეთის ქვეყნებს „სულ დაავიწყდათ, თუ რა გამოიწვია ერთხელ საქართველოს მილიტარიზაციამ“.

რუსეთის საგარეო საქმეთა მინისტრის მოადგილემ ხაზი გაუსვა, რომ „სამხრეთ ოსეთზე ბარბაროსული თავდასხმიდან ჯერ 10 წელიც არ გასულა, თუმცა საქართველოში სრული სვლით ვითარდება ნატოს სამხედრო ინფრასტრუქტურა“; მას მხედველობაში ჰქონდა შეთანხმებები საქართველოსთვის ანტისატანკო და ჰაერსაწინააღმდეგო სისტემების შესყიდვის თაობაზე, ასევე აშშ-ის მიერ დაფინანსებული საქართველოს თავდაცვის მზადყოფნის პროგრამა.

კარასინმა ასევე აღნიშნა, რომ მიუხედავად საქართველოს მოქმედი ხელისუფლების დაპირებებისა, რომ არ გამოიყენებდა ძალას აფხაზეთის და სამხრეთ ოსეთის წინააღმდეგ, თბილისი კვლავ არიდებს თავს ცხინვალთან და სოხუმთან ძალის არგამოყენების თაობაზე შეთანხმებების ხელმოწერას. „არ არსებობს იმის გარანტიები, რომ დასავლური იარაღით  აღჭურვილ საქართველოში მისი ყოფილი ტერიტორიების მიმართ მილიტარისტული მიდგომები კვლავ არ აღზევდება“, - განაცხადა მან.  

„ბუნებრივია, რომ ჩვენს მოკავშირეებს შესაძლო აგრესიის წინაშე მარტოებს არ დავტოვებთ.  მაგრამ საქართველოში ნატოს ყოფნის გათვალისწინებით, ასეთ შემთხვევაში შესაძლოა საერთაშორისო სტაბილურობისთვის ძალიან სახიფათო სიტუაცია შეიქმნას“, - განაცხადა რუსეთის საგარეო საქმეთა მინისტრის მოადგილემ და მოუწოდა საქართველოს პარტნიორ ქვეყნებს და ორგანიზაციებს, რომ „საკუთარი ქმედებების უარყოთ შედეგებზე დაფიქრდნენ“.

ამავე თემაზე
უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
82