Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
მთავრობამ ელექტრონული პეტიციების პორტალი აამოქმედა
Civil Georgia, Tbilisi / 23 დეკ.'17 / 15:47

საქართველოს მთავრობამ 22 დეკემბრიდან აამოქმედა ელექტრონული პორტალი ichange.gov.ge, რომელიც მოქალაქეებს მთავრობისთვის პეტიციების ელექტრონულად წარდგენის შესაძლებლობას აძლევს, ხოლო მთავრობას 3 თვის ვადაში საკითხის თაობაზე მკაფიო და დასაბუთებული პასუხის გამოქვეყნებას ავალდებულებს.

დადგენილი წესების თანახმად, ელექტრონული პეტიციის განსახილველად საჭიროა, რომ ინიცირებიდან 30 დღის ვადაში პეტიციას მხარი 10 ათასმა მოქალაქემ დაუჭიროს. პეტიციას მთავრობის ადმინისტრაციისა და ფინანსთა სამინისტროს წარმომადგენლებისგან დაკომპლექტებული კომისია განიხილავს, თუმცა მთავრობის ადმინისტრაციის უფროსთან შეთანხმებით, პეტიციაზე მსჯელობა შესაძლებელია მთავრობის სხდომაზეც გაიმართოს.

ელექტრონული პეტიციების პორტალის ამოქმედების შესახებ პრემიერ-მინისტრმა კვირიკაშვილმა 21 დეკემბერს, პარლამენტში მინისტრთა კაბინეტის განახლებული შემადგენლობისა და სამთავრობო პროგრამის წარდგენის დროს, ღია მმართველობის მიმართულებით დაგეგმილ ღონისძიებებზე საუბრისას გამოაცხადა.

კვირიკაშვილმა ასევე ხაზი გაუსვა საერთაშორისო პლატფორმაში - ღია მმართველობის პარტნიორობაში (OGP) საქართველოს თავმჯდომარეობის მნიშვნელობას და განაცხადა, რომ 2018 წელს საქართველო OGP-ის გლობალურ სამიტს უმასპინძლებს.

კვირიკაშვილმა ყურადღება საზოგადოების სხვადასხვა სეგმენტთან დიალოგის მნიშვნელობაზეც გაამახვილა. მისი თქმით, პრემიერ-მინისტრთან არსებული ინვესტორთა საბჭოს მსგავსად, რომელიც მთავრობასა და ბიზნესსექტორს შორის რეგულარულ კომუნიკაციას უზრუნვეყოფს, „ანალოგიური პლატფორმა უახლოეს მომავალში შეიქმნება არასამთავრობო ორგანიზაციებთან და სამოქალაქო საზოგადოების წარმომადგენლებთან“. „ჩვენ დიდი იმედი გვაქვს, შესაძლებლობა იქნება, რომ ცივილიზებული დიალოგი შედგეს ასევე პოლიტიკურ პარტიებთან“, - დასძინა მან.

მინისტრთა კაბინეტის განახლებული შემადგენლობის საპარლამენტო განხილვების დროს, ღია მმართველოს მიმართულებით მთავრობის სხვა გეგმებზეც იყო საუბარი. 

საპარლამენტო უმცირესობის სხდომაზე, 20 დეკემბერს, იუსტიციის მინისტრმა თეა წულუკიანმა აღნიშნა, რომ თებერვალში პარლამენტს ინფორმაციის თავისუფლების აქტი წარედგინება. 

მინისტრის თქმით, ამ კანონპროექტის მიღებას „გზა გაუხსნა“ ახალ კონსტიტუციაში მეორე მოსმენით შეტანილმა ცვლილებებმა, რომელიც საჯარო ინფორმაციის ხელმისაწვდომობის პირობებს აზუსტებს

იუსტიციის სამინისტროს თანახმად, ინფორმაციის თავისუფლების აქტი თავს მოუყრის საჯარო ინფორმაციის ხელმისაწდვომობის მარეგულირებელ ნორმებს, რომელიც დღეისათვის სხვადასხვა კანონში არის „გაბნეული“ და ინფორმაციის გაცემის პრაქტიკას მოაწესრიგებს.

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
52