Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
„მაუწყებლობის შესახებ“ კანონში სადავო ცვლილებები მიღებულია
Civil Georgia, Tbilisi / 22 დეკ.'17 / 17:25

საქართველოს პარლამენტმა 22 დეკემბერს, რიგგარეშე სესიის პლენარულ სხდომაზე, 63 ხმით სამის წინააღმდეგ, მესამე და საბოლოო მოსმენით მიიღო „მაუწყებლობის შესახებ“ კანონში ინიცირებული ცვლილებები, რომელიც საზოგადოებრივი მაუწყებლის უფლებამოსილებებს აფართოებს. დეპუტატებმა 66 ხმით სამის წინააღმდეგ ასევე მხარი დაუჭირეს თანმდევ საკანონმდებლო ცვლილებებს „სახელმწიფო შესყიდვების შესახებ“ კანონში.

დამტკიცებული საკანონმდებლო ცვლილებების თანახმად, საზოგადოებრივი მაუწყებლის უფლებამოსილება შემდეგი მიმართულებით ფართოვდება: 

  • საზოგადოებრივი მაუწყებელი აღარ იქნება ვალდებული მედიაპროდუქციის შესაძენად ან დასამზადებლად პროცედურები „სახელმწიფო შესყიდვების შესახებ“ კანონის დაცვით წარმართოს. შედეგად, მაუწყებელს აღარ მოუწევს საჯარო ტენდერების გამოცხადება და მომწოდებლების შერჩევა კონკურენციის გზით.
  • საზოგადოებრივ მაუწყებელს ექნება შესაძლებლობა, რომ სპორტულ და საერთაშორისო ღონისძიებებთან ერთად, კომერციული რეკლამა ნებისმიერი სხვა პროგრამის დროსაც განათავსოს, გარდა უქმე დღეებისა და სამუშაო დღეების „საუკეთესო დროისა“ (19:00 სთ-24:00 სთ). იზრდება კომერციული რეკლამის განთავსების ხანგრძლივობა (დღე-ღამის განმავლობაში 30 წუთიდან 60 წუთამდე). დასაშვები ხდება გასართობი გადაცემებისა და სერიალების სპონსორობა. მცირდება სოციალური რეკლამისთვის გამოსაყოფი უფასო საეთერო დრო (ყოველ სამ საათში სავალდებულო 180 წამიდან - 90 წამამდე).
  • საზოგადოებრივი მაუწყებელი, რომელის საბიუჯეტო დაფინანსება ყოველწლიურად - მშპ-ის 0.14%-ს, მომავალი წლის ბიუჯეტში კი - 52.5 მლნ ლარს შეადგენს, აღარ იქნება ვალდებული წლის ბოლოს დარჩენილი თანხები სახელმწიფო ბიუჯეტში დააბრუნოს. მასვე ეძლევა უფლება, საბიუჯეტო სახსრები ნებისმიერი სახის დამწყები საწარმოს (სტარტაპის) დაფინანსებაზე მიმართოს.
  • სხვადასხვა ვალდებულებისგან საზოგადოებრივი მაუწყებლის გათავისუფლების პარალელურად, იზღუდება მისი სამეთვალყურეო საბჭოს უფლებამოსილება. კერძოდ, საბჭო ვეღარ შეძლებს, დირექტორის თანხმობის გარეშე, მაუწყებლის სტრუქტურა შეცვალოს.

მიღებული საკანონმდებლო ცვლილებები საზოგადოებრივი მაუწყებელსა და კერძო ტელევიზიებს შორის უთანხმოების საგანს წარმოადგენს, რაც, ძირითადად, კომერციული რეკლამის ბაზარზე საზოგადოებრივი მაუწყებლის პოზიციების შესაძლო გაძლიერებას უკავშირდება. 

საკანონმდებლო ცვლილებებს არ ეთანხმება მმართველი გუნდის ნაწილიც. კერძოდ, დარგობრივი ეკონომიკის საპარლამენტო კომიტეტის წევრებმა კანონპროექტს, მეორე და მესამე მოსმენებით განხილვისას, მხარი არ დაუჭირეს. 

უცნობია, მოაწერს თუ არა ხელს კანონპროექტს საქართველოს პრეზიდენტი, რომელმაც მიმდინარე კვირას, კონსულტაციის მიზნით, შეხვედრები სამოქალაქო საზოგადოებისა და კერძო ტელეკომპანიების, ასევე საზოგადოებრივი მაუწყებლის მენეჯმენტისა და სამეურვეო საბჭოს წარმომადგენლებთან გამართა. 

სამოქალაქო საზოგადოებისა და კერძო მაუწყებლების წარმომადგენლებმა პრეზიდენტს კანონპროექტზე ვეტოს დადებისკენ მოუწოდეს.

ამავე თემაზე
უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
85