Civil.ge-ს შესახებ
Eng | ქარ | Рус
ბოლო განახლება: 14:15 - 16 იან.'18
RSS
Mobile
Twitter
Facebook
კვირიკაშვილი ჟენევის დისკუსიების განახლებულ ფორმატზე, რუსეთ-საქართველოს შორის ვაჭრობის მონიტორინგის შეთანხმებაზე საუბრობს
Civil Georgia, Tbilisi / 22 დეკ.'17 / 12:42

პარლამენტში მთავრობისთვის ნდობის გამოცხადებამდე გამართული მოსმენების დროს პრემიერ-მინისტრმა გიორგი კვირიკაშვილმა რუსეთის ფედერაციასთან ჟენევის საერთაშორისო დისკუსიებში მიმდინარე მოლაპარაკებების, ასევე ორ ქვეყანას შორის ტვირთების გადაადგილებაზე მონიტორინგის განხირციელების თაობაზე ცოტა ხნის წინ ხელმოწერილი კონტრაქტის შესახებ ისაუბრა.

ქართული ოცნების საპარლამენტო უმრავლესობასთან შეხვედრაზე, კვირიკაშვილმა განაცხადა, რომ ქვეყანას „აქტიური საუბარი“ აქვს სტრატეგიულ პარტნიორებთან, რათა „მოხდეს ჟენევის დისკუსიის ფორმატის მნიშვნელოვანი გააქტიურება, წარმომადგენლობითი დონის აწევა ამ ფორმატში და მანდატის გაფართოება, რათა ამ ფორმატზე შესაძლებელი გახდეს კონფლიქტის პოლიტიკური დარეგულირების გზების განხილვაც, გარდა იმისა, რასაც ჩვენ ცეცხლის შეწყვეტის ხელშეკრულებას ვიხილავთ“.

იგივე პოზიცია კვირიკაშვილმა პარტიოტთა ალიანსის საპარლამენტო ფრაქციის შეხვედრაზეც გააჟღერა და აღნიშნა, რომ საქართველოს სურს „ავწიოთ დონე და მინისტრის მოადგილის დონიდან გადავიდეთ მინიმუმ მინისტრის დონეზე და მე მზად ვარ, პრემიერ-მინისტრის დონეზეც გადავიდეთ და პირადად ჩავერთვები აუცილებლად ამ ფორმატის საქმიანობაში“.

„ამის გარდა,  მზად ვართ და ჩვენი მოთხოვნა და თხოვნაცაა ჩვენი სტრატეგიული პარტნიორების მიმართ, რომ ცეცხლის შეწყვეტის ხელშეკრულების მანდატიდან გავფართოვდეთ და კონფლიქტის პოლიტიკური გადაწყვეტის ფორმატის, ასე ვთქვათ,  ფუნქციაც და მანდატიც მივანიჭოთ ამ ფორმატს“, - განაცხადა პრემიერ-მინისტრმა. „მე რა თქმა უნდა, მაქვს იმედი, რომ ამ მიმართულებით შესაძლებელია, განხორციელდეს გარკვეული ძვრები, თუმცა, რუსეთის ქმედებები დღეს ამის იმედს არ იძლევა, მაგრამ მაინც ვფიქრობ, რომ ჩვენი მხრიდან უნდა იყოს კონსტრუქციული მიდგომა და ჩვენ ამ კონსტრუქციულ მიდგომას ნაბიჯ-ნაბიჯ ვახორციელებთ“.

ერთიანი ნაციონალური მოძრაობის საპარლამენტო ფრაქციის შეხვედრაზე რუსეთის მიერ ოკუპირებულ რეგიონებზე საუბრისას კვირიკაშვილმა განაცხადა, რომ საქართველოს მთავრობას სურს აქტიურად ჩაერთოს ჟენევის და აბაშიძე-კარასინის ფორმატებში და აპირებს შერიგების პოლიტიკის შესახებ „ძალიან საინტერესო პაკეტის“ წარდგენას, რომელიც, მისი თქმით, სავაჭრო მექანიზმების ხელშეწყობასაც ითვალისწინებს. 

ვაჭრობის მონიტორინგის შესახებ შეთანხმებაზე საუბრისას, კვირიკაშვილმა განუცხადა ნაციონალური მოძრაობის ფრაქციის წევრებს, რომ 2011 წლის ნოემბერში ხელმოწერის შემდეგ მისი განხორციელება არ დასწყებულა, რადგანაც „რუსეთის მხრიდან იყო მოთხოვნები, რომლებიც ჩვენთვის არ არის მისაღები“. კვირიკაშვილმა ასევე აღნიშნა, რომ 19 დეკემბერს საქართველოს შემოსავლების სამსახურის მიერ ჟენევაში განთავსებულ კომპანიასთან SGS ხელმოწერილ ხელშეკრულებაში „არც ერთი პუნქტი არ არის საქართველოს სახელმწიფოს ინტერესების საწინააღმდეგო“.

პრემიერ-მინისტრმა დააკონკრეტა, რომ ხელშეკრულება შეიცავს დებულებას, სადაც საუბარია, რომ „მხოლოდ და მხოლოდ ფორსმაჟორულ სიტუაციაში, როდესაც იქნება თოვლი, ან მეწყერი ზემო ლარსის საბაჟო-გამშვები პუნქტის მიმართულებით, იქნას გახსნილი ცხინვალის მიმართულებით ეს მექანიზმი“. მან ასევე აღნიშნა, რომ „ამავე კორიდორით ფორმსმაჟორულ სიტუაციაში შეიძლება ისარგებლოს თურქეთმაც, სომხეთმაც და არა ერთმა ქვეყანამ, რომელიც საქართველოს სატრანზიტო პოტენციალით სარგებლობს“. მან იქვე დასძინა, რომ ხელშეკრულება „ჯერჯერობით ცალმხრივადაა ახელმოწერილი“ და მიმდინარეობს მოლაპარაკებები, რადგანაც „გარკვეული პირობები, რომელიც წამოყენებულია რუსეთის მხრიდან, ჩვენთვის არ არის მისაღები“. 

კითხვაზე იყო თუ არა ეს შეთანხმების თავდაპირველი მიზანი, კვირიკაშვილმა ხაზი გაუსვა, რომ „კონტრაქტი არის სრულ შესაბამისობაში 2011 წლის ძირითად შეთანხმებასთან და არც ერთი პუნქტი არ არის შეცვლილი“. „მასში არაფერია ნათქვამი ტვირთს რომელ კორიდორში გავატარებთ, ეს ჩვენი გადასაწყვეტია. ეს არის საშუალება საერთაშორისო ტვირთების მონოტირინგის და არა ჩვენი შიდა გადაზიდვების აფხაზეთის ტერიტორიიდან საქართველოს დანარჩენ ტერიტორიაზე, ან ცხინვალის რეგიონიდან საქართველოს დანარჩენ ტერიტორიაზე“, - განაცხადა კვირიკაშვილმა. 

საქართველოს საგარეო საქმეთა სამინისტრომ 21 დეკემბერს ამავე საკითხზე განცხადება გამოაქვეყნა, რომლის თანახმადაც SGS-სთან კონტრაქტი წარმოადგენს „საიმპლემენტაციო ხელშეკრულებას იმ ყველასთვის კარგად ცნობილი ძირითადი კონტრაქტისა, რომელიც გაფორმდა 2011 წელს“ და რომ ის „არ მოიცავს სხვა არავითარ დამატებით ვალდებულებებს“.

უახლესი ამბები
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.
11 იან.'18 18:12
საქართველოს ხელმძღვანელობა მაჩალიკაშვილის გარდაცვალებაზე კომენტარს აკეთებს
თემირლან მაჩალიკაშვილი 26 დეკემბრის სპეცოპერაციის დროს თავში დაიჭრა და მისი გადარჩენა ვერ მოხერხდა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
76