Civil.ge-ს შესახებ
Eng | ქარ | Рус
ბოლო განახლება: 15:20 - 18 იან.'18
RSS
Mobile
Twitter
Facebook
პარლამენტმა განახლებულ მთავრობას ნდობა გამოუცხადა
Civil Georgia, Tbilisi / 22 დეკ.'17 / 12:26


მთავრობის განახლებული შემადგენლობა, ქუთაისი, 22 დეკემბერი, 2017. ფოტო: parliament.ge

საქართველოს პარლამენტმა 22 დეკემბერს, რიგგარეშე სესიის პლენარულ სხდომაზე, 103  ხმით 17-ის წინააღმდეგ, ნდობა გამოუცხადა მთავრობის განახლებულ შემადგენლობას, პრემიერ-მინისტრ გიორგი კვირიკაშვილის ხელმძღვანელობით. 

მთავრობისთვის ნდობის გამოცხადება საჭირო გახდა მას შემდეგ, რაც პრემიერ-მინისტრმა 13 ნოემბერს მინისტრთა კაბინეტში საკადრო ცვლილებები დაიწყო და მასშტაბური სტრუქტურული რეორგანიზაცია განახორციელა, რომელიც რამდენიმე სამინიტროს შერწყმითა და რეორგანიზაციით დასრულდა.

სტრუქტურული რეფორმის შედეგად, ახალ მთავრობაში 18-ის ნაცვლად 14 მინისტრი დარჩა, მათგან 12 მინისტრი კვირიკაშვილის მთავრობაში პოსტს 2016 წლის ნოემბრიდან იკავებდა, ორი ახალი მინისტრი კი მთავრობას 13 ნოემბერს შეუერთდა. 

თანამდებობა შეინარჩუნეს შემდეგმა მინისტრებმა:

  • ეკონომიკისა და მდგრადი განვითარების მინისტრი - დიმიტრი ქუმსიშვილი, რომელიც 2017 წლის 13 ნოემბრამდე ფინანსთა სამინისტროს ხელმძღვანელობდა. ქუმსიშვილი ასევე პირველ ვიცე-პრემიერად რჩება;
  • საგარეო საქმეთა მინისტრი - მიხეილ ჯანელიძე. ის ასევე ვიცე-პრემიერის პოსტსაც ინარჩუნებს;
  • შინაგან საქმეთა მინისტრი და კიდევ ერთი ვიცე-პრემიერი - გიორგი გახარია. 13 ნოემბრამდე ის ეკონომიკის მინისტრის თანამდებობაზე მუშაობდა;
  • შრომის, ჯანმრთელობისა და სოციალური დაცვის მინისტრი - დავით სერგეენკო;
  • ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი - სოზარ სუბარი;
  • რეგიონული განვითარებისა და ინფრასტრუქტურის მინისტრი - ზურაბ ალავიძე;
  • თავდაცვის მინისტრი - ლევან იზორია;
  • იუსტიციის მინისტრი - თეა წულუკიანი;
  • სასჯელაღსრულებისა და პრობაციის მინისტრი - კახა კახიშვილი;
  • შერიგებისა და სამოქალაქო თანასწორობის საკითხებში სახელმწიფო მინისტრი - ქეთევან ციხელაშვილი.

მთავრობაში ორი ძველი მინისტრია, რომლებიც რეორგანიზაციის შედეგად შექმნილ სამინისტროებს უხელმძღვანელებენ. ეს მინისტრები არიან:

  • ლევან დავითაშვილი, რომელიც ახლად შექმნილ გარემოს დაცვისა და სოფლის მეურნეობის სამინისტროს უხელმძღვანელებს. 2016 წლის სექტემბრიდან იგი სოფლის მეურნეობის მინისტრი იყო.
  • მიხეილ გიორგაძე, რომელიც კულტურისა და სპორტის მინისტრად დამტკიცდა. 2014 წლის ივლისიდან იგი კულტურისა და ძეგლთა დაცვის სამინისტროს ხელმძღვანელობდა.

მთავრობის ახალ წევრებს შორის არიან:

  • მამუკა ბახტაძე, რომელიც ფინანსთა მინისტრად დამტკიცდა. 13 ნოემბრამდე იგი საქართველოს რკინიგზის დირექტორის თანამდებობას იკავებდა.
  • მიხეილ ჩხენკელი, რომელიც განათლებისა და მეცნიერების მინისტრის პოსტზე დამტკიცდა, ხოლო 13 ნოემბრამდე თსუ-ს პრორექტორი იყო.

მთავრობის სტრუქტურული რეორგანიზაციის შედეგად, ენერგეტიკის, სპორტის და ახალგაზრდობის საქმეთა, გარემოს და ბუნებრივი რესურსების დაცვის სამინისტროები, აგრეთვე ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი გაუქმდა. მათი უფლებამოსილებები კი, სხვადასხვა სამინისტროს შორის გადანაწილდა.

სამთავრობო პროგრამისა და მინისტრთა კაბინეტის განახლებული შემადგენლობის ორდღიანი განხილვა საპარლამენტო ოპოზიციის კრიტიკის ფონზე მიმდინარეობდა. პლენარულ სხდომაზე, რომელიც 22 დეკემბერს ღამის 2 საათზე, 8-საათიანი განხილვის შემდეგ დასრულდა, კვლავ ჰქონდა ადგილი დაძაბულობას, რომელიც ერთიანი ნაციონალური მოძრაობის დეპუტატს, ნიკა მელიას და პრემიერ-მინისტრ კვირიკაშვილს შორის დაპირისპირებას მოჰყვა. ორ პოლიტიკოსს კონფლიქტი 20 დეკემბერს, ერთიანი ნაციონალური მოძრაობის ფრაქციის სხდომაზეც მოუვიდა.

საპარლამენტო ოპოზიციის წარმომადგენლებმა განახლებულ მთავრობას მხარი არ დაუჭირეს. 

„ეს არ არის ხალხის პრობლემებზე ორიენტირებული მთავრობა“, - განაცხადა საპარლამენტო უმცირესობის ლიდერმა, ევროპული საქართველოს დეპუტატმა, დავით ბაქრაძემ. ერთიანი ნაციონალური მოძრაობის დეპუტატის, რომან გოცირიძის თქმით, „ეს მთავრობა აღმოჩნდა უუნარო“. პატრიოტთა ალიანსის ლიდერის, ირმა ინაშვილის განცხადებით კი, მათი მოთხოვნა პრემიერ-მინისტრ კვირიკაშვილის გადადგომის თაობაზე ძალაში რჩება.

უახლესი ამბები
18 იან.'18 15:20
მედიაორგანიზაციები პარლამენტს „მაუწყებლობის შესახებ“ კანონზე პრეზიდენტის შენიშვნების გაზიარებისკენ მოუწოდებენ
51 მედიაორგანიზაცია, კანონპროექტის ხელახლა განხილვამდე, პარლამენტის თავმჯდომარესთან და უმრავლესობასთან შეხვედრას ითხოვს. 
18 იან.'18 13:51
პოლიტიკური რეიტინგები NDI–ის დაკვეთით ჩატარებულ კვლევაში
ქართული ოცნება თვითმმართველობის არჩევნების შემდგომ ჩატარებულ გამოკითხვაში ყველაზე ძლიერი მხარდაჭერით სარგებლობს.  
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
76