Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
რუსეთის საპრეზიდენტო არჩევნებისთვის სამხრეთ ოსეთში ცხრა საარჩევნო უბანი გაიხსნება
Civil Georgia, Tbilisi / 20 დეკ.'17 / 14:06


მარატ კულახმეტოვი, 18 დეკემბერი. ფოტო: კადრი TV Ir-ის ვიდეომასალიდან

ოკუპირებული სამხრეთ ოსეთის ლიდერმა ანატოლი ბიბილოვმა და „რუსეთის ელჩმა სამხრეთ ოსეთში“ მარატ კულახმეტოვმა 18 დეკემბერს - რუსეთის საპრეზიდენტო არჩევნების კამპანიის ოფიციალური დაწყების დღეს - ადგილობრივ ოფიციალურ პირებთან და ადმინისტრაციების ხელმძღვანელებთან შეხვედრა გამართეს, სადაც მომავალი არჩევნების საორგანიზაციო დეტალები განიხილეს.

„სამხრეთ ოსეთის მოქალაქეების დაახლოებით 98% რუსეთის მოქალაქეებიც არიან“, - მიმართა ბიბილოვმა დამსწრეებს და დასძინა, რომ „ყველაფერი უნდა გაკეთდეს იმისთვის, რომ სამხრეთ ოსეთში მცხოვრებ რუსეთის ყველა მოქალაქეს ჰქონდეს შესაძლებლობა, რომ საკონსტიტუციო უფლება გამოიყენოს და მიიღოს მონაწილეობა საპრეზიდენტო არჩევნებში“. ბიბილოვმა ასევე ხაზი გაუსვა, რომ „სამხრეთ ოსეთის ყველა მცხოვრები“, რომელიც ასევე რუსეთის ფედერაციის მოქალაქეა, „ვალდებულია მივიდეს და ხმა მისცეს არჩევნებზე“. 

მარატ კულახმეტოვმა აცნობა დამსწრეებს, რომ რეგიონში რუსეთის საპრეზიდენტო არჩევნების ჩატარება „რუსეთის საელჩოს“ დაევალა. „ამ მიზნით, გადავწყვიტე, რომ ცხრა საარჩევნო უბანი გავხსნათ სამხრეთ ოსეთში“, - განაცხადა კულახმეტოვმა და დააზუსტა, რომ ხუთი მათგანი ცხინვალში, ხოლო დანარჩენი ოთხი ზნაურის, ჯავას და ახალგორის ცენტრში, ასევე სოფელ დმენისში გაიხსნება.

მან ასევე სთხოვა რეგიონის რაიონული ადმინისტრაციების ხელმძღვანელებს, რომ 15 იანვრამდე მათ ადმინისტრაციულ ერთეულებში მცხოვრები რუსეთის მოქალაქეების ზუსტი სიები შეადგინონ, ასევე შინაგან საქმეთა სამინისტროს „შეათანხმოს და დააზუსტოს ეს სიები“.

რუსეთის ცენტრალური საარჩევნო კომისიის ინფორმაციით, რუსეთის 2012 წლის საპრეზიდენტო არჩევნებისთვის ცხინვალის რეგიონში 36 500 ამომრჩეველი იყო დარეგისტრირებული. რაც შეეხება აფხაზეთს, ამ რაოდენობამ 89 000 შეადგინა.

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
82