Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
პარლამენტში ქართული ოცნების კიდევ ორი ფრაქცია შეიქმნება
Civil Georgia, Tbilisi / 18 დეკ.'17 / 16:13

ქართული ოცნების საპარლამენტო უმრავლესობაში კიდევ ორი საპარლამენტო ფრაქცია შეიქმნება, რის შედეგადაც მმართველი პარტიის ფრაქციების რაოდენობა რვამდე გაიზრდება, განაცხადა პარლამენტის თავმჯდომარემ ირაკლი კობახიძემ.

კობახიძემ, რომელმაც ამ საკითხზე 16 დეკემბერს ისაუბრა, აღნიშნა, რომ კონსულტაციები ორი დამატებითი ფრაქციის შექმნის თაობაზე პარლამენტის საშემოდგომო სესიის დროს დაიწყო, ხოლო გადაწყვეტილებას პარლამენტის ბიურო 2017 წლის ბოლომდე მიიღებს. მან ასევე უარყო სპეკულაციები იმასთან დაკავშირებით, რომ ეს ცვლილება მმართველ პარტიაში შიდა უთანხმოებას უკავშირდება და დასძინა, რომ ამგვარი ცვლილება საპარლამენტო უმრავლესობის მართვას უფრო ეფექტურს გახდის.

ინფორმაცია იმის თაობაზე, რომ საპარლამენტო უმრავლესობა დამატებითი ფრაქციების შექმნას გეგმავდა 86-წევრიანი ფრაქციის „ქართული ოცნება“ დაყოფის გზით, 15 დეკემბერს გავრცელდა მედიაში. ფრაქცია „ქართული ოცნების“ თავმჯდომარემ მამუკა მდინარაძემ დაადასტურა, რომ საპარლამენტო უმრავლესობაში კიდევ ორი დამატებითი ფრაქცია შეიქმნება და რომ ეს „კონსულტაციების გზით“ მოხდება.

საპარლამენტო უმრავლესობის ლიდერმა არჩილ თალაკვაძემ აღნიშნა, რომ საპარლამენტო უმტრავლესობაში ორი დამატებითი ფრაქცია შეიქმნება „კოორდინაციის, ეფექტურობის და სამუშაო პროცესის მართვის გაუმჯობესების მიზნით“. „ეს მოგვცემს იმის შესაძლებლობას, რომ კოორდინაცია პოლიტიკურ ჯგუფებს შორის, საპარლამენტო უმრავლესობის და მმართველი პარტიის შიგნით იყოს კიდევ უფრო მოქნილი და მობილური“, - განაცხადა თალაკვაძემ.

თალაკვაძემ ცვლილებაზე 16 დეკემბერსაც ისაუბრა და დაადასტურა ადრინდელი ინფორმაცია, რომ ახალ ფრაქციებს მაჟორიტარი დეპუტატები ბიძინა გეგიძე და გოჩა ენუქიძე უხელმძღვანელებენ.

მედია საშუალებებმა ასევე განაცხადეს, რომ ფრაქცია „ქართული ოცნების“ სამ ჯგუფად დაყოფის გადაწყვეტილება პრემიერ-მინისტრ გიორგი კვირიკაშვილსა და მომღერალ გიორგი გაჩეჩილაძეს შორის არსებულ დავას უკავშირდება.

გაჩეჩილაძემ, რომელიც დეპუტატ ბიძინა გეგიძის ახლო მეგობარია, 12 დეკემბერს კომპანია Citroen Georgia-ს (რომლის მფლობელი და მმართველი გაჩეჩილაძის სიძეა) ადვოკატებთან ერთად პრესკონფენცია მოიწვია და ხელისუფლება სპორტის ყოფილ მინისტრთან ტარიელ ხეჩიკაშვილთან ასოცირებული ავტომანქანების სავაჭრო და მომსახურების კომპანიებისთვის შეღავაიანი პირობების მინიჭებაში დაადანაშაულა.  

თუმცა, გაჩეჩილაძემ გამორიცხა კვირიკაშვილის მონაწილეობა და აღნიშნა, რომ ის კრისტალივით სუფთაა და ამით სარგებლობენ  და ცდილობენ „შებღალონ მისი პატიოსნება“.

ამ განცხადებას პრემიერ-მინისტრმა მომდევნო დღეს უპასუხა და აღნიშნა, რომ გაჩეჩილაძემ „აბსოლუტურად დაუსაბუთებლად პირადი შეურაცხყოფები მიაყენა იმ ადამიანებს და გუნდის წევრებს, რომლის ხელმძღვანელიც მე გახლავართ“. მან მოუწოდა გაჩეჩილაძეს, რომ კონკურენციის სააგენტოს ან სასამართლოს მიმართოს. 

„ჩემთვის არის მიუღებელი, რომ ჩემი გუნდის წევრს ლანძღავენ და მე მაქებენ, არ მჭირდება ეგეთი ქება წაიღოს თავისი სიტყვები უკან“, - განაცხადა პრემიერ-მინისტრმა და დასძინა, რომ „თუ სასამართლო დაადასტურებს, რომ მთავრობა რამეში შეცდა, მე მზად ვარ ავიღო ნებისმიერი პასუხისმგებლობა, მათ შორის, დავტოვო კიდევაც ჩემი თანამდებობა“.

ბიძინა გეგიძემაც და გოჩა ენუქიძემაც უარყვეს განცხადებები, რომ ეს ორი მოვლენა ერთმანეთთან კავშირში იყო. გეგიძის თქმით, ეს უბრალოდ დამთხვევაა; ენუქიძემ კი ამგვარი გადაწყვეტილება მართვას და დეპუტატებს შორის მეტ კოორდინაციას დაუკავშირა.

ქართული ოცნების საპარლამენტო უმრავლესობა, რომელიც 116 დეპუტატისგან შედგება, ექვს ფრაქციას აერთიანებს. ფრაქციები „ქართული ოცნება“ და „ქართული ოცნება - მრეწველები“ 2016 წლის 18 ნოემბერს, ახალი პარლამენტის პირველ სხდომაზე შეიქმნა. „ქართული ოცნება - კონსერვატორები“, „ქართული ოცნება - სოციალ-დემოკრატები“ და „ქართული ოცნება - რეგიონული განვითარებისთვის“ მოგვიანებით, 26 დეკემბერს ჩამოყალიბდა. მეექვსე საპარლამენტო ფრაქცია - „ქართული ოცნება - მწვანეები“ 23 იანვარს შეიქმნა.

საპარლამენტო ფრაქციები, რომელთა შესაქმნელადაც სულ ცოტა ექვსი დეპუტატია საჭირო, გარკვეული პრივილეგიებით სარგებლობენ, მათ შორის ადგილით და ხმის უფლებით პარლამენტის ბიუროზე, გარანტირებული ადგილებით კომიტეტებში, საგამოძიებო, სპეციალურ კომისიებში და საპარლამენტო დელეგაციებში, ასევე მეტი დროის უფლებით პარლამენტში დებატების და განხილვების დროს.

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
66