Civil.ge-ს შესახებ
Eng | ქარ | Рус
ბოლო განახლება: 19:27 - 17 იან.'18
RSS
Mobile
Twitter
Facebook
ევროპარლამენტის ცხრა წევრი მერაბიშვილის გათავისუფლებას მოითხოვს
Civil Georgia, Tbilisi / 17 დეკ.'17 / 17:14

ევროპარლამენტის ცხრა წევრი, მათ შორის, საგარეო ურთიერთობათა კომიტეტის თავმჯდომარე, დევიდ მაკალისტერი, მოუწოდებს საქართველოს მთავრობას, პატივი სცეს ვანო მერაბიშვილის საქმეზე ადამიანის უფლებათა ევროპული სასამართლოს დიდი პალატის „საბოლოო, საეტაპო მნიშვნელობის“ გადაწყვეტილებას და ყოფილი პრემიერ-მინისტრი „დაუყოვნებლივ გაათავისუფლოს“. 

16 დეკემბერს გამოქვეყნებულ ერთობლივ წერილს, რომლის ადრესატებიც საქართველოს პრეზიდენტი გიორგი მარგველაშვილი, პრემიერ-მინისტრი გიორგი კვირიკაშვილი და პარლამენტის თამვჯდომარე ირაკლი კობახიძე არიან, ხელს აწერს ევროპის სახალხო პარტიის (EPP) ხუთი წევრი, ლიბერალ-დემოკრატიული ალიანსის (ALDE) ორი წევრი, ასევე ევროპის კონსერვატორთა და რეფორმატორთა (ECR) და სოციალ-დემოკრატთა პროგრესული ალიანსის (S&D) თითო წარმომადგენელი. 

„ჩვენ, ევროპარლამენტის ქვემორე ხელის მომწერი წევრები საქართველოს სუვერენიტეტის, ტერიტორიული მთლიანობის და ქართველი ხალხის ევროპული არჩევანის მტკიცე მხარდამჭერნი ვართ... დემოკრატიზაციის თვალსაზრისით, აღმოსავლეთ პარტნიორობის პროგრამის ქვეყნებს შორის, საქართველო უფრო წინ წასულად მიიჩნევა“, - აღნიშნავენ ევროპარლამენტარები და დასძენენ, რომ წინსვლის გასაგრძელებლად, „აუცილებელია, რომ მთავრობამ გადაჭრას რამდენიმე მნიშვნელოვანი საკითხი“. 

წერილში, ევროპარლამენტარები სხვა საკითხებსაც, მათ შორის, საქართველოს პარლამენტის როლს და ქვეყანაში არსებულ მედიაგარემოსაც ეხებიან. 

„პარლამენტის როლი, განსაკუთრებით კი მთავრობის საპარლამენტო კონტროლი, ნებისმიერი დემოკრატიის ფუნდამენტური პრინციპია. პრემიერ-მინისტრი და მინისტრები საპარლამენტო კონტროლს თავს არ უნდა არიდებდნენ. ოპოზიციას კი, მათ შორის შემოწირულობების მოზიდვის და კონკურენციის გაწევის შესაძლებლობების თვალსაზრისით, მთავრობა უნდა ეპყრობოდეს იმ სტანდარტების შესაბამისად, რომლისკენაც საქართველო ისწრაფვის“, - ნათქვამია წერილში. 

ევროპარლამენტარები ასევე ხაზს უსვამენ, რომ „მნიშვნელოვანია, რომ საქართველომ შეინარჩუნოს პლურალისტური მედიაგარემო, რომელიც მოქალაქეებს აზრთა მრავალფეროვნებას სთავაზობს“. „ჩვენ თვალყურს ვადევნებთ რუსთავი 2-ის, საქართველოს ყველაზე პოპულარული ტელევიზიის მფლობელობის შეცვლის მცდელობებს, რომლებმაც სხვადასხვა პარტნიორების, მათ შორის ეუთოს მედიის თავისუფლების საკითხებში წარმომადგენლის შეშფოთება გამოიწვია“, - აღნიშნავენ წერილის ავტორები. 

„ჩვენ ვრჩებით საქართველოს დემოკრატიული და ევროპული მომავლის მხარდამჭერებად. თუმცა, პასუხისმგებლობა იმაზე, რომ საქართველოს პროგრესი გაგრძელდეს, პირველ რიგში აკისრია მათ, ვინც საქართველოს ხალხმა საკუთარი ქვეყნის სამართავად აირჩია“, - დასძენენ ევროპარლამენტარები. 

პარლამენტის წევრი, ევროპული საქართველოს წარმომადგენელი გიორგი კანდელაკი, რომელმაც 16 დეკემბერს ევროპარლამენტარების წერილი გამოაქვეყნა, გამოთქვამს იმედს, რომ საქართველოს მთავრობა „პატივისცემით მოეპყრობა ესოდენ მაღალი რანგის დოკუმენტს“. მისივე განცხადებით, ევროპარლამენტარები მერაბიშვილის გათავისუფლებას მოითხოვენ იმის გათვალისწინებით, რომ „დღევანდელ, გამოწვევებით აღსავსე უსაფრთხოების გარემოში, ჩვენი ხალხის და ქვეყნის ინტერესია, რომ ყველა პოლიტიკურმა ძალამ იფიქროს მომავალზე და არა წარსულზე“.

უახლესი ამბები
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
95