Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
რუსეთი სოხუმთან მოქალაქეობის შესახებ შეთანხმებებს მოაწერს ხელს
Civil Georgia, Tbilisi / 13 დეკ.'17 / 18:37

რუსეთის საგარეო საქმეთა სამინისტრომ 5 დეკემბერს სოხუმის ხელისუფლების წარმომადგენლებთან კონსულტაციები გამართა, სადაც იმ ორი შეთანხმების პროექტი იქნა განხილული, რომლებიც „ორმაგი მოქალაქეობის საკითხებს“ და რეგიონის მაცხოვრებლებისთვის „რუსეთის მოქალაქეობის მიღების გამარტივებულ პროცედურებს“ დაარეგულირებს.

აფხაზეთის ლიდერის რაულ ხაჯიმბას ადმინისტრაციის უფროსმა, დმიტრი შამბამ, რომელმაც გასულ კვირას გამართულ მოლაპარაკებებში მიიღო მონაწილეობა, 11 დეკემბერს კონსულტაციების თაობაზე პრესკონფერენცია გამართა. შამბამ განაცხადა, რომ ეს პირველი კონსულტაცია იყო ორმაგი მოქალაქეობის შესახებ შეთანხმების პროექტის თაობაზე მიუხედავად იმისა, რომ მისი ოფიციალური განხილვა 2009 წლიდან მიმდინარეობს. მისი თქმით, რუსული მხრიდან კონსულტაციებში მონაწილეობა მიიღეს საგარეო საქმეთა სამინისტრომ, შინაგან საქმეთა სამინისტრომ და უსაფრთხოების ფედერალური სამსახურმა.

შამბამ ასევე აღნიშნა, რომ შეთანხმების მიზანი „იმ პირთა სტატუსის რეგულირებაა, რომელთაც ამჟამად ორმაგი მოქალაქეობა გააჩნიათ“, ვინაიდან რუსეთის კანონმდებლობის თანახმად, შეუძლებელია რუსეთის მოქალაქეობის მიღება წინა მოქალაქეობაზე უარის თქმის გარეშე, თუ სხვაგვარად არ იქნა რეგულირებული საერთაშორისო შეთანხმებით. შედეგად, აცხადებს შამბა, „2008 წლიდან მოყოლებული, როდესაც რუსეთის ფედერაციამ აფხაზეთი აღიარა, აფხაზეთის მოქალაქეების მიერ რუსეთის მოქალაქეობის მიღების პროცესი შეჩერებულია შესაბამისი შეთანხმების ხელმოწერამდე“.

შამბამ ხაზი გაუსვა, რომ დაგეგმილი შეთანხმება არ დაარეგულირებს რუსეთის ფედერაციის მოქალაქეების მიერ „აფხაზეთის მოქალაქეობის“ მიღების საკითხს, რადგანაც „შეთანხმების პროექტის პირველივე მუხლი შეიცავს დათქმას, რომ მოქალაქეობის მიღებასთან დაკავშირებული საკითხები ეროვნული კანონმდებლობით დარეგულირდება“. მან იქვე დასძინა, რომ შეთანხმება არ ითვალისწინებს რაიმე ცვლილებებს აფხაზეთის კანონმდებლობაში.

ხაჯიმბას წარმომადგენელმა ასევე ისაუბრა მეორე დაგეგმილ შეთანხმებაზე, რომელიც ასევე იქნა განხილული კონსულტაციების დროს და რომელიც მოკავშირეობისა და სტრატეგიული პარტნიორობის შესახებ სოხუმსა და მოსკოვს შორის 2014 წლის 24 ნოემბერს ხელმოწერილ შეთანხმებას დაეფუძნება, სადაც რუსეთი იღებს ვალდებულებას „დამატებითი ზომები განახორციელოს“ „აფხაზეთის მოქალაქეების“ მიერ რუსეთის მოქალაქეობის მისაღებად საჭირო პროცედურების გასამარტივებლად.  

შამბას თქმით, მეორე შეთანხმება საჭირო გახდა, რადგანაც პირველი შეთანხმება ორმაგი მოქალაქეობის შესახებ „მხოლოდ ერთ შეზღუდვას მოხსნის“ - რუსეთის მოქალაქეობის მიღებისას „აფხაზეთის მოქალაქეობაზე“ უარის თქმის  ვალდებულებას. ამიტომ, როგორც შამბამ აღნიშნა, „რუს კოლეგებთან“ შეთანხმება იქნა მიღწეული, რომლის თანახმადაც ორმაგი მოქალაქეობის შესახებ შეთანხმების გარდა, მომზადდება და ხელი მოეწერება შეთანხმებას „აფხაზეთის რესპუბლიკის მოქალაქეების მიერ რუსეთის მოქალაქეობის მიღების გამარტივებული პროცედურების შესახებ“.

მისი თქმით, ორივე შეთანხმება პაკეტის სახით მომზადდება და მათი ხელმოწერა, რატიფიკაციისთვის წარდგენა და ძალაში შესვლა ერთდროულად მოხდება მომდევნო ექვსი თვის ვადაში.

შეთანხმება ორმაგი მოქალაქეობის შესახებ მეგობრობის, თანამშრომლობის და ურთიერთდახმარების შესახებ იმ ხელშეკრულების ნაწილია, რომელსაც რუსეთის პრეზიდენტმა დმიტრი მედვედევმა და აფხაზეთის ლიდერმა სერგეი ბაღაფშმა 2008 წლის 17 სექტემბერს მოაწერეს ხელი. დოკუმენტის თანახმად, ხელშეკრულების მხარეებს შეუძლიათ ერთმანეთის მოქალაქეობის მიღება „იმ მხარის კანონმდებლობის მიხედვით, რომლის მოქალაქეობასაც იღებენ“.

შეთანხმება რუსეთის საგარეო საქმეთა მინისტრის სერგეი ლავროვის მიერ აფხაზეთში აპრილში განხორციელებული ვიზიტის დროს განიხილეს და ის რაულ ხაჯიმბასთან გამართული შეხვედრის მთავარი თემა იყო, როგორც ამის თაობაზე ოკუპირებული რეგიონის ხელისუფლება იტყობინება.

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
101