Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
Civil Georgia, Tbilisi / 8 დეკ.'17 / 17:21

7 დეკემბერს ვენაში ეუთოს საგარეო საქმეთა მინისტრთა საბჭოს 24-ე სხდომაზე სიტყვით გამოსვლისას, საქართველოს საგარეო საქმეთა მინისტრმა მიხეილ ჯანელიძემ საქართველოს ოკუპირებულ რეგიონებში საერთაშორისო სამართლის დარღვევების ფაქტებზე ისაუბრა და ეუთოს, როგორც ინსტიტუტის გაძლიერებისკენ მოუწოდა.

ჯანელიძემ განაცხადა, რომ „განსაკუთრებულ შეშფოთებას“ იწვევს ის ფაქტი, რომ ეუთოს საგარეო საქმეთა მინისტრები „მუდმივი დარღვევების და ჩვენი ორგანიზაციის ნორმებისა და პრინციპების, ასევე წესებზე დაფუძნებული საერთაშორისო წესრიგის წინაშე არსებული მზარდი გამოწვევების ფონზე იკრიბებიან“.

საქართველოს საგარეო საქმეთა მინისტრმა აღნიშნა, რომ ბოლო მინისტერიალის შეხვედრის შემდეგ, „რუსეთის საოკუპაციო ძალებმა დახურეს საოკუპაციო ხაზზე მდებარე გამშვები პუნქტების უმეტესობა, გაზარდეს შეიარაღებული ძალების რაოდენობა ადგილზე, 70-ზე მეტი სამხედრო წვრთნა ჩაატარეს, უკანონო შეთანხმებების გზით გააერთიანეს სამხედრო სტრუქტურები, განაგრძეს ე.წ. ბორდერიზაციის პროცესი და მავთულხლართები აღმართეს, რამაც ოჯახების გაყოფა გამოიწვია, ასობით სამოქალაქო პირი გაიტაცეს, აკრძალეს სკოლებში მშობლიურ ენაზე სწავლება, ეთნიკურ ქართველებს ცხოვრების და საკუთრების უფლებები წაართვეს და ა.შ.“.

მიხეილ ჯანელიძემ ასევე ისაუბრა „ეთნიკური წმენდის პოლიტიკის ხელახლა გააქტიურების შესახებ“ და ამ კონტექსტში „ოკუპირებული ცხინვალის რეგიონის სოფელ ერედვში რუსეთის ე.წ. საინვესტიციო პროგრამის ფარგლებში ქართველი დევნილების 263 სახლის დანგრევაზე“ ისაუბრა.

ჯანელიძის თქმით, საქართველო მზად არის „ეუთოს და სხვა საერთაშორისო ორგანიზაციების მიერ შემოთავაზებული ყველა ინსტრუმენტი და მექანიზმი გამოიყენოს ოკუპირებულ რეგიონებში ინტენსიური ეთნიკური დისკრიმინაციის შესაწყვეტად“. მან კიდევ ერთხელ გაიმეორა, რომ საქართველო მზადაა, კონფლიქტი მხოლოდ მშვიდობიანი გზით მოაგვაროს და რუსეთს მსგავსი ქმედებისკენ მოუწოდა.

საქართველოს საგარეო საქმეთა მინისტრი მიესალმა ეუთოს ჩართულობას ჟენევის საერთაშორისო დისკუსიებში, რომელიც, მისი თქმით, „ერთადერთი ფორმატია ადგილზე უსაფრთხოების და სტაბილურობის მისაღწევად, 2008 წლის 12 აგვისტოს ცეცხლის შეწყვეტის შეთანხმების შესაბამისად“.

საგარეო საქმეთა მინისტრი ასევე მიესალმა ეუთოს როლს, როგორც პლატფორმას გამოწვევებთან დასაპირისპირებლად და განაცხადა, რომ საჭიროა ეუთოს დამოუკიდებელელი ინსტიტუტებისთვის მეტი უფლებამოსილების მინიჭება და მათი ავტონომიის გაფართოება, ჰელსინკის ვალდებულებების სრულად შესრულება და პოლიტიკური ნების გამოჩენა უსაფრთხოების შესახებ იმ კონცეფციის შესასრულებლად, რომელიც ითვალისწინებს თავისუფალ ევროპას კონფლიქტების, გამყოფი ხაზების და გავლენის სფეროების გარეშე.

საგარეო საქმეთა მინისტრმა მიხეილ ჯანელიძემ ეუთოს მინისტერიალის ფარგლებში ეუთოს გენერალურ მდივანთან ტომას გრემინგერთან გამართა შეხვედრა, სადაც „კიდევ ერთხელ აღინიშნა ორგანიზაციის დღის წესრიგში საქართველოს საკითხის აქტუალობა, ამ კონტექსტში ხაზი გაესვა ეუთო-ს როლის  მნიშვნელობას კონფლიქტის მშვიდობიანი მოგვარების პროცესში, ორგანიზაციის აქტიურ ჩართულობას ჟენევის საერთაშორისო მოლაპარაკებებში“, იტყობინება საქართველოს საგარეო საქმეთა სამინისტრო. 

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
85