Civil.ge-ს შესახებ
Eng | ქარ | Рус
ბოლო განახლება: 18:26 - 18 დეკ.'17
RSS
Mobile
Twitter
Facebook
საქართველოს საპარლამენტო დელეგაცია შვედეთს სტუმრობს
Civil Georgia, Tbilisi / 7 დეკ.'17 / 14:44


ირაკლი კობახიძე და ურბან ალინი, 6 დეკემბერი, 2017. ფოტო: parliament.ge

საქართველოს საპარლამენტო დელეგაცია სამდღიანი ოფიციალური ვიზიტით შვედეთს სტუმრობს. დელეგაციას პარლამენტის თავმჯდომარე, ირაკლი კობახიძე, ხელმძღვანელობს, რომელმაც უკვე გამართა შეხვედრა შვედეთის პარლამენტის (რიკსდაგის) თავმჯდომარესთან, ურბან ალინთან და სხვა დეპუტატებთან.

შვედეთის პარლამენტში გამართული შეხვედრის შემდეგ კობახიძემ განაცხადა, რომ მხარეებმა საქართველოს საგარეო პოლიტიკური პრიორიტეტები განიხილეს და დასძინა, რომ ქართულმა მხარემ მადლობა გადაუხადა შვედ კოლეგებს მხარდაჭერისთვის ქვეყნის ევროპული და ევრო-ატლანტიკური ინტეგრაციის პროცესში. 

6 დეკემბერს ირაკლი კობახიძე შვედეთის მეფე კარლ გუსტავ XVI-ს შეხვდა. საქართველოს პარლამენტის ინფორმაციით, შვედეთის მეფემ განაცხადა, რომ მისი ქვეყანა მტკიცედ უჭერს მხარს საქართველოს ტერიტორიულ მთლიანობასა და სუვერენიტეტს, ასევე, ქვეყნის ევროპულ მისწრაფებებს.

გუშინ კობახიძემ ასევე გამართა შეხვედრა შვედეთის საგარეო საქმეთა მინისტრთან, მარგოტ ვალსტრომთან. ირაკლი კობახიძემ მინისტრს საქართველოს ოკუპირებულ ტერიტორიებზე ჰუმანიტარული და ადამიანის უფლებების მხრივ შექმნილი ვითარება გააცნო. მან ხაზი გაუსვა შვედეთის როლს საქართველოს დასავლური მისწრაფებების მხარდაჭერის საქმეში.

5-8 დეკემბრის ვიზიტის ფარგლებში კობახიძე ასევე გამართავს შეხვედრებს შვედეთის პრემიერ-მინისტრის სახელმწიფო მდივანთან, ჰანს დალგრენთან; ევროპულ საქმეთა მინისტრის სახელმწიფო მდივანთან, ოსკარ სტენსტრომთან, და შვედეთის საერთაშორისო განვითარების სააგენტოს (SIDA) გენერალურ დირექტორთან, კარინ იამტინთან.

უახლესი ამბები
18 დეკ.'17 18:26
საქართველომ და ბელარუსმა საიდუმლო ინფორმაციის გაცვლის შესახებ შეთანხმებას მოაწერეს ხელი
სახელმწიფო უსაფრთხოების სამსახურის უფროსი, ვახტანგ გომელაური მინსკს სტუმრობს.
18 დეკ.'17 17:54
სირიაში საქართველოს მოქალაქე მოკლეს
გავრცელებული ინფორმაციით, გიორგი მარგოშვილი ჰამას პროვინციაში ასადის ძალების წინააღმდეგ ბრძოლის დროს დაიღუპა. 
18 დეკ.'17 16:13
პარლამენტში ქართული ოცნების კიდევ ორი ფრაქცია შეიქმნება
მმართველი პარტიის წევრები უარყოფენ მედიის ინფორმაციას, რომ ეს ცვლილება შიდა უთანხმოებას უკავშირდება.
18 დეკ.'17 12:37
2018 წლის აპრილში პარლამენტის შუალედური არჩევნები გაიმართება
არჩევნები ჩატარდება ვანისა და ხონის მაჟორიტარულ ოლქში, რომლის დეპუტატმაც პარლამენტიდან სუს-ში გადაინაცვლა.
17 დეკ.'17 17:14
ევროპარლამენტის ცხრა წევრი მერაბიშვილის გათავისუფლებას მოითხოვს
ევროპარლამენტარები მოუწოდებენ საქართველოს, პატივი სცეს ევროსასამართლოს გადაწყვეტილებას.   
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
103