Civil.ge-ს შესახებ
Eng | ქარ | Рус
ბოლო განახლება: 18:50 - 15 დეკ.'17
RSS
Mobile
Twitter
Facebook
მმართველი გუნდის ნაწილი გარემოს დაცვის სამინისტროს რეორგანიზაციის პროექტს აკრიტიკებს
Civil Georgia, Tbilisi / 6 დეკ.'17 / 18:35

გარემოსა და ბუნებრივი რესურსების დაცვის სამინისტროს რეორგანიზების პროექტს, რომელიც მთავრობის სტრუქტურული ცვლილებების გეგმის ფარგლებში პარლამენტის პლენარულ სხდომაზე განიხილება, მმართველ გუნდში აზრთა სხვადასხვაობა მოჰყვა.

ცვლილებების მიხედვით, გარემოსა და ბუნებრივი რესურსების დაცვის სამინისტრო გაიყოფა. მისი უფლებამოსილებების ნაწილი, რომელიც ბუნებრივი რესურსების დაცვას ეხება, ეკონომიკის სამინისტროს გადაეცემა. გარემოს დაცვის მიმართულება კი - სოფლის მეურნეობის სამინისტროს კომპეტენციაში შევა, რის შედეგადაც ახალ სამინისტროს გარემოს დაცვის და სოფლის მეურნეობის სამინისტრო ეწოდება.

ცვლილებას არ ეთანხმებიან ფრაქცია „ქართული ოცნება-მწვანეების“, ასევე პარლამენტის გარემოს დაცვისა და ბუნებრივი რესურსების კომიტეტის წარმომადგენლები, რომლებმაც თავიანთი პოზიცია პლენარულ სხდომის წინ და მანამდეც დააფიქსირეს.

„მიმაჩნია, რომ ეს არის გარემოს დაცვის სისტემის დასუსტება და ამავე დროს ეკონომიკის სამინისტროში გადატანა ფუნქციების, წიაღისეულის მაქვს მხედველობაში, ეს არის ინტერესთა სერიოზული კონფლიქტი“, - განაცხადა ფრაქცია „ქართული ოცნება-მწვანეების“ ლიდერმა, გია გაჩეჩილაძემ.

გარემოს დაცვისა და ბუნებრივი რესურსების კომიტეტის თავმჯდომარის მოადგილემ, ზაზა ხუციშვილმა განაცხადა, რომ გარემოს დაცვის სამინისტროს რეორგანიზაციაში კვლავ ხედავს „საფრთხეებს“, თუმცა ამის მიუხედავად, მისი თქმით, პოლიტიკური გუნდის გადაწყვეტილებას მხარს დაუჭერს.

სამინისტროს რეორგანიზაციის მიზანშეწონილობა ეჭვქვეშ გარემოსა და ბუნებრივი რესურსების კომიტეტის თავმჯდომარემ, კახა კუჭავამაც დააყენა. 30 ნოემბერს ტელეკომპანია მაესტროს ეთერში საუბრისას, მან აღნიშნა, რომ  სოფლის მეურნეობის და  ეკონომიკის სამინისტროები ბუნებრივი რესურსების მომხმარებლები არიან, ამიტომ „მარეგულირებლის არსებობა, როგორიც გარემოს დაცვის სამინისტრო იქნებოდა, ძალიან მნიშვნელოვანია“.

მმართველი გუნდის დეპუტატების კრიტიკას არ დაეთანხმა მთავრობის საპარლამენტო მდივანი, შალვა თადუმაძე, რომელიც პლენარულ სხდომაზე მთავრობის სტრუქტურული რეორგანიზაციის საკანონმდებლო ცვლილებათა პაკეტს წარადგენდა. მისი თქმით, „გარემოს დაცვის ნაწილში არანაირი შესუსტება არ მოხდება. წარმოდგენილ კანონპროექტში არ არსებობს არც ერთი ჩანაწერი, რომელიც მიუთითებს, რომ გარემოს დაცვის რაიმე ფუნქცია ან სუსტდება ან რაიმე სახით გადაფარვა ხდება სხვა სამინისტროს მხრიდან“.

მმართველი გუნდის დეპუტატების გარდა, გარემოს დაცვის სამინისტროს რეორგანიზაციის გეგმა სამოქალაქო სექტორის წარმომადგენლებმაც გააკრიტიკეს.

საქართველოს პრემიერ-მინისტრმა, გიორგი კვირიკაშვილმა, მთავრობის მასშტაბური რეორგანიზაციის გეგმა 13 ნოემბერს წარადგინა. ინიციატივის მიხედვით, რამდენიმე სამინისტროს შერწყმა და რეორგანიზაცია იგეგმება.

ამავე თემაზე
უახლესი ამბები
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
61