Civil.ge-ს შესახებ
Eng | ქარ | Рус
ბოლო განახლება: 09:34 - 12 დეკ.'17
RSS
Mobile
Twitter
Facebook
სუს-ის უფროსი ჩატაევის საქმის ახალ დეტალებზე საუბრობს
Civil Georgia, Tbilisi / 5 დეკ.'17 / 11:07

სახელმწიფო უსაფრთხოების სამსახურის უფროსი, ვახტანგ გომელაური, 4 დეკემბერს პარლამენტის ნდობის ჯგუფს შეხვდა და თბილისში ლიკვიდირებული ტერორისტის, ახმედ ჩატაევის, საქმეზე მიმდინარე გამოძიების დეტალები გააცნო. 

შეხვედრის დასრულების შემდეგ, გომელაურმა ჟურნალისტების კითხვებს უპასუხა

სუს-ის უფროსის თქმით, გამოძიებით დადგინდა, რომ ჩატაევის დანაშაულებრივი ჯგუფი საქართველოში ე.წ. მწვანე საზღვრის გადმოკვეთით შემოვიდა. გომალეურმა არ დააზუსტა, თუ რომელი ქვეყნის მხრიდან გადმოკვეთეს მათ საქართველოს საზღვარი. 

სუს-ის უფროსმა ასევე იმ იარაღის წარმომავლობაზეც ისაუბრა, რომელიც ჩატაევის ჯგუფს აღმოაჩნდა. მისი თქმით „ტყეშია ნაპოვნი ერთ-ერთი სამარხი, სამალავი, საიდანაც ეს იარაღი იქნა ამოღებული“. მისივე განცხადებით, მიმდინარეობს ექსპერტიზა იმის დასადგენად, ემთხვევა თუ არა სამალავიდან აღებული მიწის ნიმუშები იარაღზე არსებული მიწის ნიმუშებს. 

სუს-ის უფროსმა გამოძიების ფარგლებში ამერიკული მხარის მიერ საქართველოსთვის გაწეულ დახმარებაზეც ისაუბრა. 

„FBI გვეხმარება ძალიან. ასევე ამ იარაღების სამალავის აღმოჩენაში დიდი წვლილი შეიტანეს მათ, ინფორმაციის მოწოდებით. ამ ინფორმაციაზე დაყრდნობით მოხდა სამალავების ერთობლივად დამუშავება. ასევე ერთობლივად ვმუშაობთ საზღვრის კვეთებზეც და იმედი მაქვს, რომ ესეც დადგინდება“, - განაცხადა ვახტანგ გომელაურმა. 

სუს-ის უფროსმა კომენტარი დანაშაულებრივი ჯგუფის შესაძლო მიზნებზეც გააკეთა.

გომელაურის განცხადებით, გამოძიება ორი მიმართულებით მიმდინარეობს, თუმცა ჯერ გამოკვეთილი არ არის „საქართველოზე მუშაობდნენ, თუ სხვა მიმართულებაზე მუშაობდნენ; ტერაქტის მოსაწყობად იყვნენ ჩამოსულები“, თუ სხვა მიზანი ჰქონდათ.   

ჩეჩნური წარმომავლობის რუსეთის მოქალაქემ, ISIS-ის წევრმა, ახმედ ჩატაევმა თბილისში 21-22 ნოემბერს ჩატარებული ანტი-ტერორისტული ოპერაციის დროს თავი აიფეთქა. მასთან ერთად, ლიკვიდირებულია კიდევ ორი პირი, რომელთა იდენტიფიკაციაც ამ დრომდე მიმდინარეობს. 

სპეცოპერაციის ფარგლებში, სამართალდამცავებმა, ტერორისტული საქმიანობის ბრალდებით, ერთი პირი დააკავეს, რომელსაც თბილისის საქალაქო სასამართლომ, აღკვეთის ღონისძიების სახით, წინასწარი პატიმრობა შეუფარდა.

ამავე თემაზე
უახლესი ამბები
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12