Civil.ge-ს შესახებ
Eng | ქარ | Рус
ბოლო განახლება: 18:37 - 13 დეკ.'17
RSS
Mobile
Twitter
Facebook
პარლამენტმა სახალხო დამცველად ნინო ლომჯარია აირჩია
Civil Georgia, Tbilisi / 30 ნოე.'17 / 18:38


ნინო ლომჯარია, ქუთაისი, 29 ნოემბერი, 2017. ფოტო: parliament.ge

საქართველოს პარლამენტმა, 96 ხმით ხუთის წინააღმდეგ, სახალხო დამცველის თანამდებობაზე, აუდიტის სამსახურის უფროსის ყოფილი მოადგილე, ნინო ლომჯარია აირჩია

ლომჯარია, რომლის კანდიდატურაც საპარლამენტო უმრავლესობამ არასამთავრობო ორგანიზაციებთან კონსულტაციების შედეგად წარადგინა, ომბუდსმენის თანამდებობაზე ხუთი წლის ვადით იმუშავებს. მას მხარს 13 არასამთავრობო ორგანიზაცია უჭერდა.

საპარლამენტო ოპოზიციიდან, ლომჯარიას სახალხო დამცველად არჩევას ერთიანი ნაციონალური მოძრაობა მიემხრო. ევროპულმა საქართველომ კი კენჭისყრაში მონაწილეობაზე უარი განაცხადა იმ მიზეზით, რომ „სახალხო დამცველის კანდიდატის შერჩევისას საპარლამენტო უმრავლესობამ პროცესი წარმართა კულუარულად“.

ომბუდსმენის თანამდებობაზე სულ ორი კანდიდატურა განიხილებოდა. 29 ნოემბერს პარლამენტის წევრებმა ნინო ლომჯარიას მოუსმინეს. მომდევნო დღეს კი, განიხილეს პატრიოტთა ალიანსის მიერ წარდგენილი, ჟურნალისტ გიორგი ფოფხაძის კანდიდატურაც, თუმცა ამ უკანასკნელმა მხოლოდ 20 დეპუტატის მხარდაჭერა მოიპოვა. 27 პარლამენტარმა ხმა მის წინააღმდეგ მისცა. 

დეპუტატების წინაშე გამოსვლისას, ნინო ლომჯარიამ მმართველ გუნდს მადლობა გადაუხადა იმისათვის, რომ ომბუდსმენის კანდიდატურა არასამთავრობო ორგანიზაციებთან კონსულტაციის გზით შეირჩა და აღნიშნა, რომ გრძნობს პასუხისმგებლობას იმ მხარდაჭერისთვის, რაც არასამთავრობო ორგანიზაციების და პოლიტიკური პარტიების ნაწილისგან მიიღო.

„სახალხო დამცველი უნდა იყოს იმ საზოგადოებრივი ჯგუფების ხმა, რომელთაც ყველაზე მეტად სჭირდებათ მხარდაჭერა და რომელთა ხმაც დღეს, სხვადასხვა გარემოების გამო, ნაკლებად ისმის“, - განაცხადა ნინო ლომჯარიამ 29 ნოემბერს პარლამენტის პლენარულ სხდომაზე გამოსვლისას. მისივე თქმით, ომბუდსმენის თანამდებობაზე მუშაობისას, ის განსაკუთრებულ ყურადღებას სოციალურად დაუცველების, ხანდაზმულების, უსახლკაროების, შეზღუდული შესაძლებლობების მქონე პირების, ქალებისა და ბავშვების, ასევე - ფსიქიკური ჯანმრთელობის პრობლემების მქონე ადამიანების საჭიროებებზე გაამახვილებს.

ახალი ომბუდსმენის არჩევას უკვე გამოეხმაურნენ ქვეყნის ლიდერები. 

„ვულოცავ ქალბატონ ნინო ლომჯარიას ამ ძალიან საპასუხისმგებლო თანამდებობაზე არჩევას. გვაქვს დიდი იმედი ძალიან პროდუქტიული თანამშრომლობისა პარლამენტსა და სახალხო დამცველს შორის“, - განაცხადა ახალი ომბუდსმენის არჩევის შემდეგ საქართველოს პარლამენტის თავმჯდომარემ, ირაკლი კობახიძემ.

ლომჯარიას სახალხო დამცველად არჩევა საქართველოს პრეზიდენტმა, გიორგი მარგველაშვილმაც მიულოცა. „ქვეყანაში, რომელშიც ადამიანის უფლებებისა და თავისუფლებების დაცვის მიმართულებით ჯერ კიდევ მრავალი გამოწვევაა, სახალხო დამცველი ერთ-ერთი უმნიშვნელოვანესი კონსტიტუციური ინსტიტუტია“, - აღნიშნა ფეისბუქზე გამოქვეყნებულ განცხადებაში მარგველაშვილმა და ახალ ომბუდსმენს წარმატება უსურვა. 

ნინო ლომჯარია 2016 წლის 4 ნოემბრიდან, 11 თვის განმავლობაში, გენერალური აუდიტორის მოადგილის პოსტს იკავებდა. მანამდე იგი არასამთავრობო ორგანიზაციას - სამართლიანი არჩევნებისა და დემოკრატიის საერთაშორისო საზოგადოებას ხელმძღვანელობდა. 

მოქმედ სახალხო დამცველს, უჩა ნანუაშვილს, უფლებამოსილების ვადა 7 დეკემბერს ეწურება. ნინო ლომჯარია ომბუდსმენის პოსტზე მუშაობას 8 დეკემბერიდან შეუდგება.

უახლესი ამბები
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
81