Civil.ge-ს შესახებ
Eng | ქარ | Рус
ბოლო განახლება: 18:51 - 12 დეკ.'17
RSS
Mobile
Twitter
Facebook
არასამთავრობოები სუს-ის უფლებამოსილების გაფართოების გამო შეშფოთებას გამოთქვამენ
Civil Georgia, Tbilisi / 30 ნოე.'17 / 16:55

სამოქალაქო სექტორი შეშფოთებას გამოთქვამს, მთავრობის სტრუქტურული რეორგანიზაციის „დაჩქარებული“ პროცესის ფარგლებში, სახელმწიფო უსაფრთხოების სამსახურისათვის უფლებამოსილების გაფართოების გამო.

12 არასამთავრობო ორგანიზაცია, ერთობლივ განცხადებაში, ყურადღებას სუს-ის და დაზვერვის სამსახურის შერწყმის საკითხზე ამახვილებს და აღნიშნავს, რომ ორი უწყების გაერთიანების შედეგად, სახელმწიფო უსაფრთხოების სამსახური „ჭარბი,  უკონტროლო ძალაუფლების და ტოტალური კონტროლის“ ბერკეტებს მიიღებს.

არასამთავრობოების შეშფოთების მთავარ საგანს წარმოადგენს სუს-ისთვის დაზვერვის სამსახურის იმ უფლებამოსილების მინიჭება, რომლის მიხედვითაც მის თანამშრომელს, „სამსახურისადმი კუთვნილების გაუმჟღავნებლად“,  თანამდებობის დაკავება აღმასრულებელი ხელისუფლების ორგანოებში, ასევე კერძო საწარმოებსა და ორგანიზაციებში შეეძლება. აქამდე სუს-ს, სახელმწიფო უსაფრთხოების დაცვის მიზნით, თანამშრომლის მივლენა მხოლოდ მთავრობის მიერ დადგენილი „უსაფრთხოებისათვის მაღალი რისკის მქონე“ სახელმწიფო ორგანიზაციებში შეეძლო. 

არასამთავრობოების თქმით, „ჩნდება ლეგიტიმური ეჭვი, რომ შემოთავაზებული ცვლილებები სწორედ წარმოადგენს მცდელობას დააბრუნოს და გააძლიეროს საბჭოთა კავშირში დამკვიდრებული ე.წ.  ‘ოდეერის’ [რუს. - Офицер действующего резерва] პრაქტიკა“. არასამთავრობოები მიიჩნევენ, რომ დაგეგმილი საკანონმდებლო ცვლილებები „ეწინააღმდეგება დემოკრატიული სახელმწიფოს პრინციპებს“, ასევე „მაღალი ალბათობით, გამოიწვევს ძალაუფლების ბოროტად გამოყენებას და საფუძველს შეურყევს ქვეყნის ინსტიტუციურ მართვას“. 

სუს-ის ხელში ძალაუფლების კონცენტრაციის უარყოფით მხარეებზე საუბრობს ადამიანის უფლებათა სწავლებისა და მონიტორინგის ცენტრიც (EMC). ორგანიზაციის თქმით, ეს განსაკუთრებით პრობლემურია, „იმ პირობებში, როდესაც სახელმწიფო უსაფრთხოების სამსახურის ინსტიტუციური მოწყობა, დაუბალანსებელი ფუნქციები, ანგარიშვალდებულების დაბალი ხარისხი, სამსახურის საქმიანობაზე არაეფექტური საპარლამენტო კონტროლი“ ისედაც წარმოადგენდა საზოგადოების კრიტიკის საგანს.

სახელმწიფო უსაფრთხოების სამსახურის უფლებამოსილებების გაფართოებას ეხმაურება საქართველოს ახალგაზრდა იურისტთა ასოციაციაც. საია, სხვადასხვა საკითხთან ერთად, ყურადღებას ამახვილებს იმ ცვლილებაზე, რომლის მიხედვითაც სუს-ის და ფარულ მიყურადებაზე პასუხისმგებელი სააგენტოს ხელმძღვანელ პირებზე აღარ გავრცელდება „ინტერესთა შეუთავსებლობისა და კორუფციის შესახებ“ კანონი, რომელიც თანამდებობრივი შეუთავსებლობის, ინტერესთა კონფლიქტის, საჩუქრის მიღების და ქონებრივი დეკლარაციის წარდგენის საკითხებს არეგულირებს. 

არასამთავრობო ორგანიზაციები მოუწოდებენ საქართველოს პარლამენტს დაზვერვის სამსახურისთვის მინიჭებული „კონტროლის მექანიზმები არ გაავრცელოს მთლიანად უსაფრთხოების სამსახურზე“. ისინი ასევე მოითხოვენ, რომ საკანონმდებლო ცვლილებათა პროცესი წარიმართოს „გონივრულ ვადებში, ყველა დაინტერესებული ჯგუფის ჩართულობით“, რათა „მსგავსი მასშტაბის რეფორმები განხორციელდეს საჯარო განხილვებისა და მაქსიმალური კონსენსუსის ფონზე“.

უახლესი ამბები
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
88