Civil.ge-ს შესახებ
Eng | ქარ | Рус
ბოლო განახლება: 13:12 - 11 დეკ.'17
RSS
Mobile
Twitter
Facebook
კარასინი: ‘ჯაველინის სისტემის მიყიდვა თბილისს ახალი საშიში ავანტიურებისკენ უბიძგებს’
Civil Georgia, Tbilisi / 29 ნოე.'17 / 13:34

თავდაცვის სფეროში დასავლეთის დახმარება საქართველოსთვის „პირდაპირ უბიძგებს თბილისს ახალი საშიში ავანტიურებისკენ რეგიონში“, განუცხადა რუსეთის საგარეო საქმეთა მინისტრის მოადგილემ, გრიგორი კარასინმა, ჟენევის საერთაშორისო დისკუსიების თანათავმჯდომარეებს 28 ნოემბერს.

კარასინის განცხადებას დაახლოებით ერთი კვირით ადრე წინ უსწრებდა აშშ-ის სახელმწიფო დეპარტამენტის გადაწყვეტილება საქართველოსთვის 75 მილიონი აშშ დოლარის ღირებულების ჯავშანსაწინააღმდეგო სარაკეტო სისტემა „ჯაველინის“ შესაძლო მიყიდვის თაობაზე, რაც, რუსეთის საგარეო საქმეთა სამინისტროს თქმით, „ამ მასშტაბის პირველი გარიგებაა აშშ-სა და საქართველოს შორის 2008 წლის შემდეგ“.

სამინისტროს ინფორმაციით, ჟენევის საერთაშორისო დისკუსიებამდე გამართულ რეგულარულ შეხვედრაზე, რუსულმა მხარემ „კიდევ ერთხელ გაუსვა ხაზი თბილისსა და ნატოს წევრ სახელმწიფოებს შორის სამხედრო თანამშრომლობის გაღრმავების საშიშროებას“ და ასევე ხაზი გაუსვა, რომ „ქართველი სამშვიდობოების წვრთნის ნაცვლად, ვაშინგტონი რეგულარულ საბრძოლო შენაერთხებს მოამზადებს“.

რუსეთის საგარეო საქმეთა სამინისტრო სხვა წუხილებზეც საუბრობს და აღნიშნავს, რომ აშშ-ის დახმარებით, საქართველოს ტერიტორიაზე კიდევ ერთი სამხედრო-მოსამზადებელი ცენტრის მშენებლობა იგეგმება.

აშშ-ის თავდაცვის დეპარტამენტის ინფორმაციით, საქართველო 410 თვითდამიზნებად მართვად რაკეტას და 72 მრავალჯერადი გამოყენების სამეთაურო-გამშვებ ბლოკს, ასევე ლოჯისტიკისა და პროგრამული მხარდაჭერის ელემენტებს შეიძენს. საქართველოს ოფიციალურმა პირებმა ხაზგასმით აღნიშნეს, რომ შეიარაღება მხოლოდ თავდაცვითი მიზნით იქნება გამოყენებული.

უახლესი ამბები
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.
07 დეკ.'17 14:44
საქართველოს საპარლამენტო დელეგაცია შვედეთს სტუმრობს
ირაკლი კობახიძე შვედეთის მეფე კარლ გუსტავ XVI-ს, პარლამენტის თავმჯდომარეს და საგარეო საქმეთა მინისტრს შეხვდა.
07 დეკ.'17 13:39
არასამთავრობოებმა უკრაინაში ქართველი ჟურნალისტების არშეშვების გამო შეშფოთება გამოთქვეს
უკრაინაში შესვლაზე უარი ტელეკომპანიების რუსთავი2-ის, TV პირველის და საზოგადოებრივი მაუწყებლის ჟურნალისტებს უთხრეს.
07 დეკ.'17 12:56
სააკაშვილის მხარდასაჭერად თბილისში აქცია გაიმართა
ენმ-ის წევრებმა და აქტივისტებმა უკრაინაში სააკაშვილის დაკავება გააპროტესტეს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
11