Civil.ge-ს შესახებ
Eng | ქარ | Рус
ბოლო განახლება: 09:34 - 12 დეკ.'17
RSS
Mobile
Twitter
Facebook
სახალხო დამცველი მუხთარლის საქმეს ეხმაურება
Civil Georgia, Tbilisi / 29 ნოე.'17 / 13:08

აზერბაიჯანელი საგამოძიებო ჟურნალისტის, აფგან მუხთარლის, თბილისიდან გაუჩინარებისა და ბაქოში დაპატიმრების ექვსი თვის თავზე, საქართველოს სახალხო დამცველი კვლავაც ამ საქმეზე მიმდინარე გამოძიების ხარვეზების შესახებ საუბრობს.

ომბუდსმენის მიერ 29 ნოემბერს გამოქვეყნებული განცხადების თანახმად, საქართველოს პროკურატურა, სახალხო დამცველის მიმართვის მიუხედავად, კვლავაც უარს ამბობს გაუჩინარებული ჟურნალისტისთვის დაზარალებული სტატუსის მინიჭებაზე. ომბუდსმენი აღნიშნავს, რომ ამგვარი სტატუსი „აუცილებელია, რათა მუხთარლის და მის ადვოკატს ჰქონდეთ მეტი შესაძლებლობა, დააკვირდნენ მიმდინარე გამოძიებას“.

სახალხო დამცველი მუხთარლის მიმართ ჩადენილი დანაშაულის კვალიფიკაციის შეცვლის აუცილებლობაზეც საუბრობს. ომბუდსმენი მიიჩნევს, რომ საქმეში, რომლის გამოძიებაც თავისუფლების უკანონო აღკვეთის ფაქტზე მიმდინარეობს, პროკურატურას, მუხთარლის მონათხრობზე დაყრდნობით, დამამძიმებელი გარემოებები უნდა გამოეკვეთა, კერძოდ ის, რომ ჟურნალისტისთვის თავისუფლების უკანონო აღვეთა „წინასწარ შეთანხმებული ჯგუფის მიერ, დაზარალებულის საზღვარგარეთ გაყვანით“ მოხდა. შესაბამისად, ომბუდსმენი მოუწოდებს პროკურატურას, „დამამძიმებელი გარემოებების გათვალისწინებით, შეცვალოს დანაშაულის კვალიფიკაცია“.

ომბუდმსენი ასევე გამოთქვას წუხილს, რომ „გამოძიების დაწყებიდან 6 თვის გასვლის შემდეგაც, ასეთი მაღალი საჯარო ინტერესის საქმეზე, პროკურატურის მიერ არ ხდება საზოგადოების ინფორმირება“. 

„სახალხო დამცველი გამოთქვამს იმედს, რომ საქართველოს მთავარი პროკურატურა დაუყოვნებლივ მიიღებს ყველა ზომას გამოძიების დროულად და ეფექტურად წარსამართად, ჩაატარებს ყველა საგამოძიებო მოქმედებას, მათ შორის, შესაბამის ექსპერტიზას ვიდეოჩანაწერების ავთენტურობასთან დაკავშირებით და ამ საქმის გარშემო გაჩენილ კითხვებს ობიექტური მტკიცებულებებით უპასუხებს, რათა ყველა დამნაშავე პირმა პასუხი აგოს მართლმსაჯულების წინაშე“, - ნათქვამია ომბუდსმენის განცხადებაში.

აფგან მუხთარლი თბილისში 29 მაისს გაუჩინარდა, ხოლო მეორე დღეს აზერბაიჯანის წინასწარი დაკავების იზოლატორში აღმოჩნდა. 30 მაისს აფგან მუხთარლიმ განაცხადა, რომ ის თბილისში, თავისი სახლის მახლობლად, უცნობმა პირებმა ძალით ჩასვეს მანქანაში. აზერბაიჯანული მხარის ინფორმაციით, დაკავებულ ჟურნალისტს საზღვრის უკანონო გადაკვეთა და დიდი რაოდენობით უცხოური ვალუტის გადატანა ედება ბრალად.

ჟურნალისტის საქართველოდან გაუჩინარებას და აზერბაიჯანში დაპატიმრებას საქართველოს პრეზიდენტის, ქართული ოპოზიციური პარტიების, ჟურნალისტებისა და სამოქალაქო საზოგადოების, ასევე საერთაშორისო ორგანიზაციების მხრიდან აქტიური გამოხმაურება და პროტესტი მოჰყვა.

ჟურნალისტის მეუღლე, ლეილა მუსტაფაევა, რომელიც, მუხთარლის გაუჩინარების შემდეგ, თბილისში კიდევ რამდენიმე თვის განმავლობაში იმყოფებოდა და საქართველოს ხელისუფლებისგან საქმის ეფექტურ გამოძიებას მოითხოვდა და მასზე განხორციელებულ თვალთვალზე საუბრობდა, ოქტომბრის დასაწყისში საცხოვრებლად ევროპაში გაემგზავრა.

ამავე თემაზე
უახლესი ამბები
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.
07 დეკ.'17 14:44
საქართველოს საპარლამენტო დელეგაცია შვედეთს სტუმრობს
ირაკლი კობახიძე შვედეთის მეფე კარლ გუსტავ XVI-ს, პარლამენტის თავმჯდომარეს და საგარეო საქმეთა მინისტრს შეხვდა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
88