Civil.ge-ს შესახებ
Eng | ქარ | Рус
ბოლო განახლება: 14:10 - 17 თებ.'18
RSS
Mobile
Twitter
Facebook
ბათუმში მომხდარ ხანძარს 11 ადამიანი ემსხვერპლა
Civil Georgia, Tbilisi / 25 ნოე.'17 / 11:53

ბათუმში სასტუმროში „ლეოგრანდი“ 24 ნოემბერს მომხდარ ხანძარს, შინაგან საქმეთა სამინისტროს ინფორმაციით, 11 პირი, მათ შორის, ირანის - ერთი და საქართველოს ათი მოქალაქე ემსხვერპლა.
შსს-ის თანახმად, საგანგებო სიტუაციების მართვის სააგენტოში ხანძრის შესახებ შეტყობინება 20:01 სთ-ზე შევიდა. სახანძრო-სამაშველო ჯგუფები შემთხვევის ადგილზე სამ წუთში მივიდნენ. 
„ადგილზე მობილიზებულია აჭარის საგანგებო სიტუაციების მართვის სამმართველოს 13 სახანძრო-სამაშველო მანქანა და 100-ზე მეტი მეხანძრე-მაშველი“, - იტყობინებოდა 24 ნოემბერს შინაგან საქმეთა სამინისტრო. მისივე ინფორმაციით, ბათუმში შინაგან საქმეთა მინისტრი, გიორგი გახარია, და ჯანდაცვის მინისტრის მოადგილე, ზაზა სოფრომაძე გაემგზავრნენ. 
ბათუმში ჩასულმა შს მინისტრმა, გიორგი გახარიამ, ჟურნალისტებს განუცხადა, რომ, პირველადი მოკვლევით, ხანძრის კერა იყო სასტუმროს მეოთხე სართულზე. „სამწუხაროდ, დაკვამლიანება მოხდა ერთადერთი დერეფნის, კიბის კორიდორის, და ხალხი იყო ბლოკირებული მეშვიდე სართულზე“, - განაცხადა გახარიამ და დასძინა, რომ ადამიანების ევაკუაციისათვის, მეხანძრეებს  სამაშველო ამწეების გამოყენება მოუწიათ. ღამის 00:55 საათისთვის სამაშველო ოპერაციის დასრულების შესახებ გამოაცხადეს
აჭარის ავტონომიური რესპუბლიკის ჯანმრთელობისა და სოციალური დაცვის მინისტრის, ზაალ მელიქაძის განცხადებით, 21 პირი ნახშირჟანგით ინტოქსიკაციის ნიშნებით ბათუმის საავადმყოფოებში იქნა გადაყვანილი, მათგან სამი - მალევე გაეწერა სახლში, კლინიკებში რჩება 18 პირი, მათ შორის, ისრაელის - ერთი, თურქეთის - ხუთი და საქართველოს 12 მოქალაქეა.  
გამოხმაურებები
საქართველოს პრემიერ-მინისტრი, გიორგი კვირიკაშვილი, რომელიც საქართველოში ბრიუსელიდან ბრუნდებოდა, ბათუმში ჩაფრინდა და შექმნილ ვითარებას ადგილზე გაეცნო
„პირველ რიგში, ამ უმძიმეს წუთებში ვუსამძიმრებ ბათუმში, ხანძრის შედეგად დაღუპულთა ოჯახებს და ახლობლებს. ეს ტრაგედია უმძიმესია თითოეული ჩვენგანისთვის“, - განაცხადა კვირიკაშვილმა. „მობილიზებულია ყველა შესაბამისი სამსახური, რომ მოხდეს გამომწვევი მიზეზების სწრაფად დადგენა. ამას მოყვება უმკაცრესი რეაგირება და დაისჯება ყველა, ვისაც ბრალი მიუძღვის ამ ტრაგედიაში“, - დასძინა პრემიერ-მინისტრმა. 
ხანძრის შედეგად დაღუპულთა ოჯახებს საქართველოს პრეზიდენტმა, გიორგი მარგველაშვილმა, და პარლამენტის თავმჯდომარემ, ირაკლი კობახიძემაც, მიუსამძიმრეს. მათ ასევე მადლობა გადაუხადეს მეხანძრეებს. „იმედს გამოვთქვამ, გამოძიება უსწრაფეს დროში დაადგენს ხანძრის გამომწვევ მიზეზებს“, - ნათქვამია მარგველაშვილის განცხადებაში. 
შინაგან საქმეთა სამინისტროს თავდაპირველი განცხადების მიხედვით, გამოძიება დაწყებული იყო სისხლის სამართლის კოდექსის 187-ე მუხლის მეორე ნაწილით (სხვისი ნივთის განადგურება, ცეცხლის წაკიდებით), თუმცა მოგვიანებით სამინისტრომ განაცხადა, რომ  გამოძიება მიმდინარეობს სისხლის სამართლის კოდექსის 243-ე მუხლის მესამე ნაწილით (სახანძრო უსაფრთხოების წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია).

უახლესი ამბები
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.
13 თებ.'18 17:34
ჯანელიძე ისლამური სახელმწიფოს წინააღმდეგ გლობალური კოალიციის მინისტერიალში მონაწილეობს
საგარეო საქმეთა მინისტრი ქუვეითის პრემიერ-მინისტრს, შეიხ ჯაბერ ალ მუბარაქ ალ ჰამედ ალ საბაჰს შეხვდა.
13 თებ.'18 14:52
თბილისის სააპელაციო სასამართლომ დეკანოზ გიორგი მამალაძის მიმართ გამამტყუნებელი განაჩენი ძალაში დატოვა
საქალაქო სასამრთლომ გიორგი მამალაძეს 9 წლით თავისუფლების აღკვეთა გასული წლის სექტემბერში მიუსაჯა.
13 თებ.'18 11:54
საქართველოს საგარეო ვაჭრობა 2018 წლის იანვარში
უარყოფითმა სავაჭრო ბალანსმა  371.3 მილიონი აშშ დოლარი შეადგინა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
53