Civil.ge-ს შესახებ
Eng | ქარ | Рус
ბოლო განახლება: 09:34 - 12 დეკ.'17
RSS
Mobile
Twitter
Facebook
პრემიერ-მინისტრი თბილისში ჩატარებული ანტი-ტერორისტული ოპერაციის შედეგებს აფასებს
Civil Georgia, Tbilisi / 23 ნოე.'17 / 12:15


პრემიერ-მინისტრმა კვირიკაშვილმა დაჭრილი სპეცრაზმელი მოინახულა, 22 ნოემბერი, 2017. ფოტო: gov.ge

საქართველოს პრემიერ-მინისტრმა, გიორგი კვირიკაშვილმა, 22 ნოემბერს კომენტარი გააკეთა თბილისში, ერთ-ერთ საცხოვრებელ კორპუსში ჩატარებული მრავალსაათიანი ანტი-ტერორისტული ოპერაციის შესახებ, რომლის დროსაც სუს-ის და შსს-ის დანაყოფებმა დანაშაულებრივი ჯგუფის სამი წევრი გაანადგურეს, ხოლო ერთი - დააკავეს. 
კვირიკაშვილმა მედიისთვის განცხადება ანტი-ტერორისტულ ოპერაციის დროს დაჭრილი სპეცდანიშნულების რაზმის თანამშრომლების მონახულების შემდეგ გააკეთა. მან მწუხარება გამოთქვა სუს-ის ერთი თანამშრომლის დაღუპვის გამო, გამოჯანმრთელება უსურვა დაჭრილებს და მადლობა გადაუხადა სპეცოპერაციაში მონაწილე პირებს. 
„ქალაქში გადაადგილება არის უსაფრთხო და არანაირი საფუძველი იმისა, რომ რაიმე შიში არსებობდეს უსაფრთხოებასთან მიმართებაში, არ არსებობს“, - განაცხადა პრემიერ-მინისტრმა. „ჩვენმა გმირმა ბიჭებმა შეძლეს ის, რომ გაანეიტრალეს ის საფრთხე, რომელიც შეიძლებოდა ძალიან ცუდი შედეგით დასრულებულიყო“, - დასძინა მან.
კვირიკაშვილმა კომენტარი გააკეთა საზოგადოებისა და პოლიტიკური პარტიების წარმომადგენლების მიერ გამოთქმულ კრიტიკაზეც, რომელიც სპეცოპერაციის ჩატარების ადგილს, მის ხანგრძლივობას, ასევე ოფიციალური ინფორმაციის სიმწირეს, მათ შორის, ბოროტმოქმედების ვინაობისა და მოქალაქეობის გაუმჟღავნელობას ეხებოდა. 
კვირიკაშვილმა აღნიშნა, რომ „მთავარი პრიორიტეტი იყო მოსახლეობის, ჩვენი მოქალაქეების უსაფრთხოების დაცვა და ყველაფერი გაკეთდა იმისათვის, რომ ამ მიმართულებით მსხვერპლი არ ყოფილიყო“. მისივე თქმით, დანაშაულებრივი ჯგუფის წევრები „დღეს არ იყვნენ აღმოჩენილები. არსებობდა წინასწარი ინფორმაციები და მათი აღმოჩენა არის ამ წინასწარი მუშაობის შედეგი“. 
დანაშაულებრივი ჯგუფის წევრებზე საუბრისას, კვირიკაშვილმა განაცხადა, რომ „არ აქვს მნიშვნელობა რომელი ქვეყნის მოქალაქეები არიან, ჩვენ არავითარ შემთხვევაში მათ ეროვნებას და მოქალაქეობას, მოქალაქეობრივ კუთვნილებას არ უნდა გავუსვათ ხაზი“. 
„ფაქტია, რომ მათ მშვიდობიან მოწოდებაზე - ჩაბარებოდნენ პოლიციას, უპასუხეს სროლით, და ასეთ შემთხვევაში, ბუნებრივია, რომ ყველანაირი ეჭვი, რომ შეიძლებოდა გაცილებით უარესი შედეგი ყოფილიყო, არის აბსოლუტურად დასაბუთებული და სპეცრაზმმა, სახელმწიფო უსაფრთხოების სამსახურმა იმოქმედა აბსოლუტურად ლეგიტიმურად და სწორად“, - განაცხადა პრემიერ-მინისტრმა.
სპეცოპერაციის შესახებ მედიისთვის კომენტარი პრემიერთან ერთად მყოფმა სუს-ის უფროსმაც, ვახტაგ გომელაურმაც გააკეთა.
გომელაურმა სპეცოპრაციისას ლიკვიდირებულ და დაკავებულ პირებს „სერიოზული ჯგუფი“ უწოდა და აღნიშნა, რომ არსებობდა მათ მიერ მოსახლეობის მძევლად აყვანის საფრთხე. 
სუს-ის უფროსმა, „გამოძიების ინტერესებიდან გამომდინარე“, დანაშაულებრივი ჯგუფის წევრთა ვინაობა არ დააზუსტა. კითხვაზე კი, იყვნენ თუ არა ისინი ტერორისტები, უპასუხა, რომ  „მათ ტერორისტული აქტი ჩაიდინეს საქართველოში, თითქმის 18-საათიან ბრძოლას აწარმოებდნენ ძალოვან სტრუქტურებთან“.

23 ნოემბერს, სპეცოპერაციის შესახებ მედიისთვის კომენტარი შინაგან საქმეთა მინისტრმა, გიორგი გახარიამაც გააკეთა. მან საზოგადოებას გამოძიების შედეგების დალოდებისკენ მოუწოდა, თუმცა დასძინა, რომ ყველას კარგად გვესმის, რომ საქმე გვაქვს საერთაშორისო ტერორიზმის ფაქტთან.
თბილისში ჩატარებული მრავალსაათიანი სპეცოპერაცია 22 ნოემბერს 18:00 საათისთვის დასრულდა. სპეცოპერაციის შედეგად, სუს-ის ერთი თანამშრომელი დაიღუპა, ოთხი სამართალდამცველი კი - დაიჭრა.

უახლესი ამბები
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
68