Civil.ge-ს შესახებ
Eng | ქარ | Рус
ბოლო განახლება: 18:50 - 15 დეკ.'17
RSS
Mobile
Twitter
Facebook
აშშ-ის სახელმწიფო დეპარტამენტი საქართველოსთვის ჯაველინის სარაკეტო სისტემის მიყიდვაზე თანხმდება
Civil Georgia, Tbilisi / 21 ნოე.'17 / 14:22


სწავლება ჯავშანსაწინააღმდეგო სარაკეტო სისტემა „ჯაველინის“ გამოყენებით, პოჰაკულოას საწვრთნელი ბაზა, ჰავაი. ფოტო: აშშ-ის საზღვაო ქვეითთა კორპუსი

აშშ-ის სახელმწიფო დეპარტამენტმა საქართველოსთვის 75 მილიონი აშშ დოლარის ღირებულების ჯავშანსაწინააღმდეგო სარაკეტო სისტემა „ჯაველინის“ შესაძლო მიყიდვის თაობაზე გადაწყვეტილება მიიღო, ნათქვამია უსაფრთხოების საკითხებში თანამშრომლობის სააგენტოს (DSCA) მიერ 20 ნოემბერს გავრცელებულ პრესრელიზში.

აშშ-ის თავდაცვის დეპარტამენტის სტრუქტურაში შემავალმა სააგენტომ დააკონკრეტა, რომ საქართველო 410 თვითდამიზნებად მართვად რაკეტას და 72 მრავალჯერადი გამოყენების სამეთაურო-გამშვებ ბლოკს, ასევე ლოჯისტიკისა და პროგრამული მხარდაჭერის ელემენტებს შეიძენს.

ამერიკული ჯავშანსაწინააღმდეგო სარაკეტო კომპლექსი „ჯაველინი“, რომელსაც მისი მწარმოებელი Raytheon/Lockheed Martin Javelin Joint Venture მსოფლიოს ყველაზე მძლავრ გადასატან ჯავშანსაწინააღმდეგო სისტემად მოიხსენიებს, ფართოდ გამოიყენება აშშ-ის არმიის და საზღვაო ქვეითების მიერ.

უსაფრთხოების საკითხებში თანამშრომლობის სააგენტოს ინფორმაციით, დაგეგმილი მიყიდვა „ხელს შეუწყობს ამერიკის შეერთებული შტატების საგარეო პოლიტიკას და ეროვნულ უსაფრთხოებას საქართველოს უსაფრთხოების გაუმჯობესების გზით“. ამავე ინფორმაციით, „ჯაველინის სისტემა გაზრდის საქართველოს შესაძლებლობებს, რათა მან საკუთარი ეროვნული თავდაცვის მოთხოვნილებები დააკმაყოფილოს“.

სააგენტომ ასევე აღნიშნა, რომ დაგეგმილი მიყიდვა „არ შეცვლის ძირითად სამხედრო ბალანსს რეგიონში“ და „აშშ-ის თავდაცვით მზადყოფნაზე რაიმე უარყოფით გავლენას არ მოახდენს“.

სააგენტომ ასევე განმარტა, რომ მან 2017 წლის 17 ნოემბერს აცნობა აშშ-ის კონგრესს შესაძლო მიყიდვის თაობაზე. „შეტყობინებას შესაძლო მიყიდვის თაობაზე კანონი ითხოვს და ეს არ ნიშნავს იმას, რომ გარიგება უკვე შედგა“, - დასძინა სააგენტომ.

ამ განცხადებამდე დაახლოებით ერთი კვირით ადრე საქართველოს თავდაცვის მინისტრი ლევან იზორია აშშ-ს სტუმრობდა, სადაც აშშ-ის თავდაცვის მდივანს ჯეიმს მატისს შეხვდა და საქართველოს თავდაცვის მზადყოფნის ახალი პროგრამა განიხილა.

უახლესი ამბები
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
67