Civil.ge-ს შესახებ
Eng | ქარ | Рус
ბოლო განახლება: 18:51 - 12 დეკ.'17
RSS
Mobile
Twitter
Facebook
საქართველოს პარლამენტის თავმჯდომარე მინსკში პრეზიდენტ ლუკაშენკოს შეხვდა
Civil Georgia, Tbilisi / 20 ნოე.'17 / 15:53


ალექსანდრე ლუკაშენკო და ირაკლი კობახიძე, მინსკი, 20 ნოემბერი, 2017. ფოტო: parliament.ge

საქართველოს პარლამენტის თავმჯდომარე ირაკლი კობახიძე, რომელიც სამდღიანი ოფიციალური ვიზიტით ბელარუსს სტუმრობს, უკვე შეხვდა პრეზიდენტ ალექსანდრე ლუკაშენკოს და ეროვნული კრების რესპუბლიკის საბჭოს თავმჯდომარეს, მიხაილ მიასნიკოვიჩს.

შეხვედრაზე პარლამენტის თავმჯდომარეებმა რიგი ორმხრივი პოლიტიკური და ეკონომიკური საკითხები განიხილეს და ხაზი გაუსვეს ორი ქვეყნის პარლამენტებს შორის შემდგომი თანამშრომლობის საჭიროებას, განაცხადა საქართველოს პარლამენტის პრესსამსახურმა.

პრეზიდენტმა ალექსანდრე ლუკაშენკომ, რომელიც ასევე შეხვდა კობახიძეს 20 ნოემბერს, განაცხადა, რომ ბელარუსი საქართველოს „მადლიერია“.  „მიუხედავად ორიენტირებში არსებული განსხვავებებისა, ჩვენ აბსოლუტურად ძმური ურთიერთობები გვაქვს ერთმანეთთან... ვიცი, რად უღირს ეს საქართველოს, მაგრამ თქვენ ყოველთვის პატიოსნად და გულწრფელად უჭერდით მხარს ბელარუსს“, - აღნიშნა ლუკაშენკომ.

„ის, რომ დასავლეთთან, ამერიკასთან ურთიერთობები გავაუმჯობესეთ, ეს დიდწილად საქართველოს დამსახურებაა და ამისთვის ძალიან მადლიერები ვართ“, - დასძინა მან.

პრეზიდენტმა ლუკაშენკომ იმედი გამოთქვა, რომ ორ ქვეყანას შორის სავაჭრო ბრუნვა 200 მილიონ აშშ დოლარს მიაღწევს, რომლის ნახევრის მიღწევაც, მისი თქმით, უკვე წელსაა შესაძლებელი.

ლუკაშენკო საქართველოში დაგეგმილ ვიზიტსაც შეეხო და აღნიშნა, რომ ის თბილისში 2018 წლის პირველ ნახევარში ჩამოვა.

მინსკში ირაკლი კობახიძე ასევე შეხვდა პრემიერ-მინისტრ ანდრეი კობიაკოვს, საგარეო საქმეთა მინისტრ ვლადიმირ მაკეის და პარლამენტის ქვედა პალატის სპიკერს, ვლადიმირ ანდრეიჩენკოს.

„საქსტატის“ ინფორმაციით, საქართველოს სავაჭრო ბრუნვამ ბელარუსთან 2016 წელს 76.2 მილიონი აშშ დოლარი შეადგინა; ექსპორტის მოცულობა 18.3 მილიონი აშშ დოლარი (20.4 მლნ აშშ დოლარი 2015 წელს), ხოლო იმპორტის მოცულობა 57.9 მილიონი აშშ დოლარი (20.7 მლნ აშშ დოლარი 2015 წელს) იყო.

ამავე თემაზე
უახლესი ამბები
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
81