Civil.ge-ს შესახებ
Eng | ქარ | Рус
ბოლო განახლება: 14:10 - 17 თებ.'18
RSS
Mobile
Twitter
Facebook
აშშ-ის მიერ დაფინანსებული ახალი პროგრამა საქართველოს ტერიტორიის თავდაცვისკენ იქნება მიმართული
Civil Georgia, Tbilisi / 16 ნოე.'17 / 17:56


ღირსეული პარტნიორი 2017 - აშშ-ის ხელმძღვანელობით ჩატარებული მრავალეროვნული სამხედრო წვრთნები, ვაზიანის საწვრთნელი ბაზა, 1 აგვისტო, 2017. ფოტო: Eana Korbezashvili / Civil.ge

აშშ-ის მიერ დაფინანსებული საქართველოს თავდაცვის მზადყოფნის პროგრამა (GDRP), რომლის განხორციელებაც 2018 წლის გაზაფხულზე დაიწყება, ითვალისწინებს საქართველოს „ტერიტორიული თავდაცვის შესაძლებლობების გაძლიერებას“, განაცხადა თავდაცვის მინისტრმა ლევან იზორიამ 13 ნოემბერს აშშ-ის თავდაცვის მდივანთან, ჯეიმს მატისთან შეხვედრის შემდეგ. 

იზორიას თქმით, აშშ-საქართველოს ურთიერთობები თანამშრომლობის „თვისობრივად  სრულიად ახალ ეტაპზე“ იმყოფება. „ჩვენ გრძელვადიანი დაგეგმვის მექანიზმებზე ვმუშაობთ, რომელიც სამ-ხუთ წელზეა გათვლილი, ეს სიახლეა ჩვენს ურთიერთობაში“, - განაცხადა საქართველოს თავდაცვის მინისტრმა.

მან ასევე აღნიშნა, რომ „საგრძნობლად გაიზარდა საგარეო თავდაცვის დაფინანსება საქართველოსთან მიმართებაში, ის ყოველ წელს მზარდია“ და რომ 2017-2018 წლებში ეს თანხა 100 მილიონ აშშ დოლარს გადააჭარბებს, რაც „განსაკუთრებით მოხმარდება ჩვენი შეიარაღებული ძალების წვრთნებს და აღჭურვას“. 

„ამ თვალსაზრისით მნიშვნელოვანია საქართველოს თავდაცვის მზადყოფნის პროგრამა, რომელსაც მომავალ წელს ერთობლივად ვიწყებთ და გათვალისწინებული იქნება შემდგომი სამი წლის განმავლობაში ცხრა ბატალიონის მომზადება“, - განაცხადა ლევან იზორიამ.

თავდაცვის მინისტრმა ხაზი გაუსვა, რომ პროგრამის ფარგლებში ერთობლივი საბრძოლო მომზადების ცენრტი გაიხსნება და მოხდება თანხების ინვესტირება თანამედროვე ტაქტიკური საშუალებების, მათ შორის, უსაფრთხო კავშირგაბმულობის სისტემის შესაძენად.

„ყველაფერი ეს მოგვცემს იმას, რომ ჩვენი ქვეყანა იქნება უფრო თავდაცვისუნარიანი, მდგრადი, საიმედო და შეკავების შესაძლებლობების  ჩამოყალიბების რეალურ საფუძველს შექმნის, რაც არის ყველაზე კარგი, ეფექტიანი საშუალება იმისთვის, რომ შევძლოთ ჩვენი თავდაცვითი შესაძლებლობების გაძლიერება ორივე მიმართულებით, როგორც საერთაშორისო მისიების ფარგლებში გლობალური უსაფრთხოების და სტაბილურობის უზრუნველყოფის კუთხით, ისე ჩვენი ქვეყნის ტერიტორიული თავდაცვითი ამოცანების ინტერესებიდან გამომდინარე“, - დასძინა იზორიამ.

თავდაცვის მინისტრმა წვრთნის ახალ პროგრამაზე 14 ნოემბერს სენატორ ლინდსი გრემთან შეხვედრის შემდეგაც ისაუბრა და აღნიშნა, რომ ერთობლივი სასწავლო ცენტრი ვაზიანის სამხედრო ბაზაზე განთავსდება. მისი თქმით, დაგეგმილია ნატოს სტანდარტების შესაბამისი აღჭურვილობის შეძენა ცხრა ბატალიონისთვის და „ეს პროცესი დაწყებულია და ის ითვალისწინებს შემდგომი სამი წლის განმავლობაში ჩვენი შეიარაღებული ძალების მომზადებას ტერიტორიული თავდაცვის ამოცანების შესასრულებლად“.

„პარალელურად, რა თქმა უნდა, ჩვენ ვრჩებით ერთგული იმ საერთაშორისო ვალდებულებების, რომელიც აღებული გვაქვს, კერძოდ, ავღანეთში მშვიდობისა და უსაფრთხოების უზრუნველყოფის თვალსაზრისით“, - დასძინა იზორიამ.

უახლესი ამბები
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.
13 თებ.'18 17:34
ჯანელიძე ისლამური სახელმწიფოს წინააღმდეგ გლობალური კოალიციის მინისტერიალში მონაწილეობს
საგარეო საქმეთა მინისტრი ქუვეითის პრემიერ-მინისტრს, შეიხ ჯაბერ ალ მუბარაქ ალ ჰამედ ალ საბაჰს შეხვდა.
13 თებ.'18 14:52
თბილისის სააპელაციო სასამართლომ დეკანოზ გიორგი მამალაძის მიმართ გამამტყუნებელი განაჩენი ძალაში დატოვა
საქალაქო სასამრთლომ გიორგი მამალაძეს 9 წლით თავისუფლების აღკვეთა გასული წლის სექტემბერში მიუსაჯა.
13 თებ.'18 11:54
საქართველოს საგარეო ვაჭრობა 2018 წლის იანვარში
უარყოფითმა სავაჭრო ბალანსმა  371.3 მილიონი აშშ დოლარი შეადგინა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
81