Civil.ge-ს შესახებ
Eng | ქარ | Рус
ბოლო განახლება: 18:10 - 24 ნოე.'17
RSS
Mobile
Twitter
Facebook
საქართველოს თავდაცვის მინისტრი ბრიუსელს სტუმრობს
Civil Georgia, Tbilisi / 9 ნოე.'17 / 16:42


ლევან იზორია და გერმანიის თავდაცვის მინისტრი, ურსულა ფონ დერ ლაიენი, 9 ნოემბერი, 2017. ფოტო: NATO

საქართველოს თავდაცვის მინისტრმა, ლევან იზორიამ, 8-9 ნოემბერს ნატოს თავდაცვის მინისტერიალის ფარგლებში მტკიცე მხარდაჭერის მისიაში მონაწილე ქვეყნების თავდაცვის მინისტრების შეხვედრაში მიიღო მონაწილეობა.

შეხვედრის შემდეგ ლევან იზორიამ განაცხადა, რომ „ძალიან პროდუქტიული“ დისკუსია გაიმართა. „ჩვენ ვრჩებით საერთაშორისო ვალდებულებების ერთგული და ვაგრძელებთ არსებული კონტრიბუციით მონაწილეობას აღნიშნულ მისიაში“, - განაცხადა მან.

„კერძოდ, მომავალ წელსაც 870 სამხედრო მოსამსახურე გააგრძელებს ნატოს წევრ და პარტნიორ ქვეყნებთან ერთად მსოფლიოს უსაფრთხოების და სტაბილურობის უზურნველყოფის საქმეში თავისი განსაკუთრებული წვლილის შეტანას“, - აღნიშნა საქართველოს თავდაცვის მინისტრმა. 

მისი თქმით, საქართველოს წვლილი და თანამონაწილეობა მტკიცე მხარდაჭერის მისიაში ხაზგასმით აღინიშნა შეხვედრაზე. „გამოხატული იქნა ქართველი ოფიცრების და ჯარისკაცების მიმართ და ქართველი ხალხის მიმართ განსაკუთრებული მადლიერება იმ დიდი კონტრიბუციისთვის, რასაც ჩვენი ქვეყანა მსოფლიოში   უსაფრთხოების უზრუნველყოფის საქმეში ეწევა“, - განაცხადა იზორიამ.

შეხვედრის შემდეგ საუბრისას ნატოს გენერალურმა მდივანმა იენს სტოლტენბერგმა განაცხადა, რომ ნატო მტკიცე მხარდაჭერის მისიაში კონტინგენტის ზრდას გეგმავს არსებული 13 000-დან 16 000 სამხედრომდე და რომ 27-მა ქვეყანამ მზადყოფნა გამოთქვა, რომ საკუთარი წვლილი შეიტანოს ამ საქმეში მომდევნო თვეებში. „მივესალმები მოკავშირეების და პარტნიორების მიერ გამოხატულ ძლიერ ერთგულებას და მხარდაჭერას“, განაცხადა მან.

ბრიუსელიდან ლევან იზორია ამერიკის შეერთებულ შტატებში გაემგზავრება, სადაც ვაშინგტონში თავდაცვის მდივანს ჯეიმს მატისს და სხვა ოფიციალურ პირებს შეხვდება.

უახლესი ამბები
24 ნოე.'17 18:10
ანტი-ტერორისტული ოპერაციის ფარგლებში დაკავებულ პირს წინასწარი პატიმრობა შეეფარდა
სამართალდამცველებმა ბრალდებული 21 ნოემბერს დააკავეს.
24 ნოე.'17 17:38
კვირიკაშვილი ბრიუსელში ევროკავშირის ლიდერებს ხვდება
საქართველოს პრემიერ-მინისტრი აღმოსავლეთ პარტნიორობის მეხუთე სამიტს ესწრება.
24 ნოე.'17 16:34
მარგველაშვილი ანტი-ტერორისტული ოპერაციის შესახებ
პრეზიდენტმა კიდევ ერთხელ გააკრიტიკა მთავრობა ეროვნული უშიშროების საბჭოს გაუქმების შესახებ გადაწყვეტილების გამო.
24 ნოე.'17 14:19
საქართველო აღმოსავლეთ პარტნიორობის სამიტის შესახებ ევროპის სახალხო პარტიის დეკლარაციაში
ევროპის სახალხო პარტიამ აღმოსავლეთ პარტნიორობის ლიდერთა მე-6 შეხვედრა 23 ნოემბერს გამართა.
23 ნოე.'17 12:15
პრემიერ-მინისტრი თბილისში ჩატარებული ანტი-ტერორისტული ოპერაციის შედეგებს აფასებს
სუს-ის უფროსი კი, ბოროტმოქმედების მიერ გაწეულ შეიარაღებულ წინააღდეგობას „ტერორისტულ აქტს“ უწოდებს. 
23 ნოე.'17 09:55
მუსტაფა ემრე ჩაბუქს ლტოლვილის სტატუსის მინიჭებაზე კვლავ უარი ეთქვა
სასამართლომ ჩაბუქის მიერ ლტოლვილთა სამინისტროს წინააღმდეგ შეტანილი საჩივარი არ დააკმაყოფილა.
22 ნოე.'17 19:30
სუსი: სამი ეჭვმიტანილი ლიკვიდირებულია
სახელმწიფო უსაფრთხოების სამსახურმა გაიმეორა, რომ ეჭვმიტანილები საქართველოს მოქალაქეები არ იყვნენ.
22 ნოე.'17 18:30
საქართველოს ოფიციალური პირების თქმით, ჯაველინის სისტემა ‘მხოლოდ თავდაცვითი’ მიზნით გამოიყენება
დავით ზალკალიანმა განაცხადა, რომ გადაწყვეტილება „ასახავს ორი სუვერენული სახელმწიფოს ნებას“.
22 ნოე.'17 18:26
თბილისში ანტი-ტერორისტული ოპერაცია დასრულდა
ეჭვმიტანილთა ვინაობა კვლავ უცნობი რჩება.
22 ნოე.'17 16:24
თბილისში ანტი-ტერორისტული ოპერაცია გრძელდება
ეჭვმიტანილთა რაოდენობა და ვინაობა კვლავ უცნობი რჩება.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
49