Civil.ge-ს შესახებ
Eng | ქარ | Рус
ბოლო განახლება: 19:27 - 17 იან.'18
RSS
Mobile
Twitter
Facebook
საქართველოს და პოლონეთის პრეზიდენტებმა უსაფრთხოებასა და აღმოსავლეთ პარტნიორობის სამიტზე იმსჯელეს
Civil Georgia, Tbilisi / 8 ნოე.'17 / 18:30


გიორგი მარგველაშვილი და ანჟეი დუდა, ვარშავა, 8 ნოემბერი, 2017. ფოტო: president.gov.ge

7-9 ნოემბერს პოლონეთში ვიზიტით მყოფი საქართველოს პრეზიდენტი გიორგი მარგველაშვილი თავის პოლონელ კოლეგას ანჟეი დუდას შეხვდა.

პოლონეთის პრეზიდენტის უფროსმა თანაშემწემ, კშიშტოფ  შჩერსკიმ განაცხადა, რომ 2018 წელს გაეროს უშიშრობის საბჭოში პოლონეთის წევრობის წინ, პრეზიდენტებმა უსაფრთხოების სფეროში თანამშრომლობის საკითხი განიხილეს.

ამავე ინფორმაციის თანახმად, ორმა პრეზიდენტმა ასევე იმსჯელა აღმოსავლეთ პარტნიორობის მომავალ სამიტზე, რომელიც ბრიუსელში გაიმართება. პოლონეთი აღმოსავლეთ პარტნიორობის ერთ-ერთი ყველაზე აქტიური მხარდამჭერია ევროკავშირში.

კშიშტოფ  შჩერსკიმ განაცხადა, რომ საქართველო პოლონეთის „უმსხვილესი სავაჭრო პარტნიორი ხდება კავკასიაში“ და დასძინა, რომ ამ კუთხით ახალი შესაძლებლობების გამოძებნის პოტენციალი არსებობს. შჩერსკიმ ასევე განაცხადა, რომ საქართველოს და პოლონეთის პრეზიდენტებს შორის ხშირი შეხვედრები იმაზე მიანიშნებს, რომ პოლონეთს სურს ახლო ურთიერთობების შენარჩუნება კავკასიის ქვეყნებთან.

პრეზიდენტმა მარგველაშვილმა მადლობა გადაუხადა თავის პოლონელ კოლეგას მისი ქვეყნის მიერ საქართველოს მხარდაჭერისთვის რიგ სფეროებში, როგორიცაა საქართველოს ტერიტორიული მთლიანობა და სუვერენიტეტი, ოკუპირებული ტერიტორიების არაღიარების პოლიტიკა, ქვეყნის ევროპული და ევროატლანტიკური ინტეგრაცია. მარგველაშვილმა პოლონეთს საქართველოს ძლიერი პარტნიორი და „ცენტრალური ევროპის ერთ-ერთი წამყვანი სახელმწიფო“ უწოდა. 

„საქართველო-პოლონეთის პარტნიორობა დიდწილად განაპირობებს ცენტრალურ და აღმოსავლეთ ევროპას შორის თანამშრომლობის მომავალს“, - განაცხადა მარგველაშვილმა.

საქართველოს პრეზიდენტმა ანჟეი დუდა პირადად მოიწვია თბილისში 2018 წლის 26 მაისს საქართველოს სახელმწიფოებრიობის აღდგენის 100 წლისთავისადმი მიძღვნილ საზეიმო ღონისძიებებში მონაწილეობისათვის.

ვიზიტის ფარგლებში მარგველაშვილი ასევე შეხვდება პოლონეთის პრემიერ-მინისტრ ბეატა შიდლოს, სეიმის მარშალ მარეკ კუხჩინსკის, სენატის მარშალ სტანისლავ კარჩევსკის.

პრეზიდენტი მარგველაშვილი პოლონეთში საპასუხო ვიზიტით იმყოფება. პოლონეთის პრეზიდენტი საქართველოს მაისის ბოლოს სტუმრობდა.

უახლესი ამბები
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
92