Civil.ge-ს შესახებ
Eng | ქარ | Рус
ბოლო განახლება: 19:12 - 21 თებ.'18
RSS
Mobile
Twitter
Facebook
საქართველოს ლიდერებმა რუსეთის ოკუპაცია, სტრატეგიული პრიორიტეტები განიხილეს
Civil Georgia, Tbilisi / 13 ოქტ.'17 / 12:16


თავდაცვის მინისტრი ლევან იზორია, პარლამენტის თავმჯდომარე ირაკლი კობახიძე, პრეზიდენტი გიორგი მარგველაშვილი, პრემიერ-მინისტრი გიორგი კვირიკაშვილი და ანალიტიკოსი ლინკოლნ მიტჩელი, 12 ოქტომბერი, 2017. ფოტო: president.gov.ge

საქართველოს პრეზიდენტი გიორგი მარგველაშვილი, პრემიერ-მინისტრი გიორგი კვირიკაშვილი და პარლამენტის თავმჯდომარე ირაკლი კობახიძე 12 ოქტომბერს ბათუმში საქართველოს თავდაცვისა და უსაფრთხოების კონფერენციაზე სიტყვით გამოვიდნენ.

ქვეყნის ლიდერებმა რიგ საკითხებზე იმსჯელეს, მათ შორის იმ საფრთხეზე, რომელსაც საქართველოს რუსული ოკუპაცია უქმნის, ასევე - თბილისის მტკიცე გადაწყვეტილებაზე, რომ განაგრძოს ევროპული და ევროატლანტიკური ინტეგრაცია. გარდა ამისა, მათ ყურადღება გაამახვილეს ქვეყნის თავდაცვითი შესაძლებლობების გაძლიერებისა და უსაფრთხოების სფეროში უცხოელ პარტნიორებთან მჭრიდრო ურთიერთობების შენარჩუნების საჭიროებაზეც.

პრეზიდენტმა გიორგი მარგველაშვილმა ხაზი გაუსვა, რომ „პრივილეგირებული ინტერესების სფეროებად მსოფლიოს დაყოფა წარმოადგენს საშიშროებას არა მხოლოდ რუსეთის მეზობლებისთვის, არამედ უფრო გლობალურად“. მან ერთიანი სტრატეგიის შექმნისკენ მოუწოდა, რომელიც „ნათელ პასუხებს გასცემს რუსეთის პოლიტიკას საკუთარი მეზობლების მიმართ“.

საქართველოს პრეზიდენტმა ასევე აღნიშნა, რომ საქართველოს წინააღმდეგ რუსეთის ქმედებები 2008 წელს არ დაწყებულა, არამედ საქართველოს დამოუკიდებლობის დასაწყისიდანვე ხორციელდება.  „ეს ტენდენცია გრძელდება დღესაც, როდესაც რუსეთის ფედერაცია საქართველოს სუვერენულ ტერიტორიაზე ზრდის როგორც  შეიარაღებას, ასევე არღვევეს ჩვენი მოქალაქეების უფლებებს, ზღუდავს მათ გადაადგილების თავისუფლებას, უზღუდავს მათ ჰუმანურ შესაძლებლობებს“, - განაცხადა მარგველაშვილმა.

პრემიერ-მინისტრმა გიორგი კვირიკაშვილმა რუსული ოკუპაციის და აგრესიული პოლიტიკის კონკრეტულ ელემენტებზე ისაუბრა, მათ შორს  დაასახელა „ოკუპირებული ტერიტორიების შთანთქმა რუსეთის სამხედრო, უსაფრთხოების, პოლიტიკურ, ეკონომიკურ და სოციალურ სივრცეებში“, ასევე განგრძობითი მილიტარიზაცია აფხაზეთსა და ცხინვალის რეგიონში; ოკუპირებული ტერიტორიების იზოლაცია დანარჩენი საქართველოსგან, და ქართველების ეთნიკური დისკრიმინაცია.

თუმცა, მან ხაზი გაუსვა, რომ მიუხედავად ამ „პროვოკაციული ქმედებებისა“, საქართველოს სრულად ასრულებს 2008 წლის 12 აგვისტოს ცეცხლის შეწყვეტის შეთანხმებით აღებულ ვალდებულებებს.

პრემიერ-მინისტრი ასევე შეეხო საქართველოსა და ევროკავშირს შორის სტრატეგიული უსაფრთხოების დიალოგის პროცესს, რომელიც, გასული წლის დეკემბერში საქართველოს მოთხოვნის შედეგად, ცოტა ხნის წინ დაიწყო. კვირიკაშვილმა განაცხადა, რომ დიალოგი შეეხება ისეთ მიმართულებებს, როგორიცაა ჰიბრიდული საფრთხეები,  რადიკალიზაცია და ექსტრემიზმი, ორგანიზებულ დანაშაულთან კოორდინირებული ბრძოლა, ენერგოუსაფრთხოება თუ სხვა.

კვირიკაშვილმა ასევე გაუსვა ხაზი საქართველოს როგორც ტრანზიტული ქვეყნის როლს, რომელიც აზიასა და ევროპას შორის სტრატეგიულ მარშრუტზე მდებარეობს.

პარლამენტის თავმჯდომარემ ირაკლი კობახიძემ აღნიშნა თავის გამოსვლაში, რომ „საქართველოს ინტეგრაცია ევროპულ და ევროატლანტიკურ სტრუქტურებში საკონსტიტუციო მნიშვნელობის ამოცანად განისაზღვრება“.

კობახიძემ პირობა დადო, რომ საქართველოს პარლამენტი კვლავაც დაუჭერს მხარს თავდაცვის სფეროს სათანადო საბიუჯეტო დაფინანსებას.

„ყველასათვის ცნობილია, ამერიკის შეერთებული შტატების ახალი ადმინისტრაციის მიდგომა, რომლის თანახმად თავდაცვაზე სახელმწიფო მთლიანი შიდა პროდუქტის სულ მცირე 2%-ს უნდა ხარჯავდეს. აღსანიშნავია, რომ საქართველო უკვე უზრუნველყოფს თავდაცვის სფეროში ამ სტანდარტის დაცვას“, - განაცხადა კობახიძემ.

საქართველოს თავდაცვის და უსაფრთხოების კონფერენცია ყოველწლიური საერთაშორისო ღონისძიებაა, რომელიც გლობალური და რეგიონული უსაფრთხოების საკითხებს ეხება. ის 2005 წლიდან ტარდება მაღალი რანგის ოფიციალური პირების და ექსპერტების მონაწილეობით.

უახლესი ამბები
21 თებ.'18 19:12
პარლამენტმა „მაუწყებლობის შესახებ“ კანონზე პრეზიდენტის ვეტო დაძლია
ახალი რეგულაციებით საზოგადოებრივი მაუწყებლის უფლებამოსილებები ფართოვდება, რასაც სხვა მედიაორგანიზაციები, არასამთავრობო სექტორი და საპარლამენტო ოპოზიცია ეწინააღმდეგება.
21 თებ.'18 18:41
ყირიმელი თათრების მეჯლისის თავმჯდომარე საქართველოს სტუმრობდა
ვიზიტის ფარგლებში რეფატ ჩუბაროვი ირაკლი კობახიძეს და სოზარ სუბარს შეხვდა.
21 თებ.'18 18:15
მარგველაშვილი ახალგაზრდობას დამოუკიდებლობის გამოცხადების 100 წლისთავის აღნიშვნაში ჩართვისკენ მოუწოდებს
საქართველო დამოუკიდებლობის გამოცხადების 100 წლის იუბილეს 2018 წლის 26 მაისს აღნიშნავს.  
21 თებ.'18 15:19
ჯანელიძე მოქალაქეებს უვიზო რეჟიმის დარღვევის თაობაზე აფრთხილებს
დღემდე შენგენის ზონაში უვიზო რეჟიმით საქართველოს დაახლოებით 220 000 მოქალაქემ ისარგებლა.
19 თებ.'18 16:20
კვირიკაშვილი მიუნხენში მსოფლიოს ლიდერებს შეხვდა
პრემიერ-მინისტრი 16-18 თებერვალს მიუნხენის უსაფრთხოების კონფერენციას დაესწრო.
19 თებ.'18 15:21
სასამართლომ მუსტაფა ემრე ჩაბუქი გირაოს სანაცვლოდ გაათავისუფლა
დემირელის კოლეჯის მმართველი მისი ექსტრადირების საკითხის საბოლოო გადაწყვეტამდე თავისუფალი იქნება.
19 თებ.'18 13:30
არასამთავრობო და მედიაორგანიზაციები მუხთარლის საქმეზე პარლამენტის საგამოძიებო კომისიის შექმნას მოითხოვენ
ერთობლივ განცხადებას ხელს 35 ორგანიზაცია აწერს.
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
71