Civil.ge-ს შესახებ
Eng | ქარ | Рус
ბოლო განახლება: 14:18 - 18 ოქტ.'17
RSS
Mobile
Twitter
Facebook
ადგილობრივ არჩევნებზე 23 პარტია, 5 საარჩევნო ბლოკი და 200-ზე მეტი საინიციატივო ჯგუფი დარეგისტრირდა
Civil Georgia, Tbilisi / 22 სექ.'17 / 17:00

21 ოქტომბრის ადგილობრივი თვითმმართველობის არჩევნებისათვის 23 პარტია, 5 საარჩევნო ბლოკი და 225 საინიციატივო ჯგუფი დარეგისტრირდა. 

არჩევნებზე 64 საკრებულოს 2058 წევრი და 64 მერი პირდაპირი წესით აირჩევა.

პარტიები

ადგილობრივ არჩევნებისათვის პარტიები შემდეგი სახელწოდებებით დარეგისტრირდნენ:

1. „ახალი მემარჯვენეები“, საარჩევნო ნომერი - 29; 

2. მამულიშვილთა ორდენი „სამშობლო“, საარჩევნო ნომერი - 34;

3. „საქართველოს ერთობისა და განვითარების პარტია“, საარჩევნო ნომერი - 14;

4. „ქართული ოცნება - დემოკრატიული საქართველო“, საარჩევნო ნომერი - 41, თბილისის მერობის კანდიდატი - კახა კალაძე;

5. „მოძრაობა სახელმწიფო ხალხისთვის“, საარჩევნო ნომერი - 1;

6. „დავით თარხან-მოურავი, ირმა ინაშვილი - საქართველოს პატრიოტთა ალიანსი“, საარჩევნო ნომერი - 8, თბილისის მერობის კანდიდატი - ირმა ინაშვილი;

7. „შალვა ნათელაშვილი - საქართველოს ლეიბორისტული პარტია“, საარჩევნო ნომერი - 10, თბილისის მერობის კანდიდატი - გიორგი გუგავა;

8. „ტრადიციონალისტები“, საარჩევნო ნომერი - 18;

9. „გაერთიანებული დემოკრატიული მოძრაობა“, საარჩევნო ნომერი - 4;

10. „ზვიადის გზა უფლის სახელით [სამართლიანობის აღდგენის კავშირი; მეანაბრეთა ასოციაცია; იპოთეკით დაზარალებულთა დარბაზი; ალტერნატიული პირადობის დაშვების ლიგა; უფალია ჩვენი სიმართლე]“, საარჩევნო ნომერი - 28;

11. პოლიტიკური მოძრაობა „თავისუფლება - ზვიად გამსახურდიას გზა“, საარჩევნო ნომერი - 31;

12. „ჯონდი ბაღათურია - ქართული დასი“, საარჩევნო ნომერი - 13;

13. „სოციალისტური საქართველო - კომუნისტები“, 
საარჩევნო ნომერი - 37;

14. „მშრომელთა სოციალისტური პარტია“, საარჩევნო ნომერი - 15;

15. „საქართველო“, საარჩევნო ნომერი - 17;

16. „მერაბ კოსტავას საზოგადოება“, საარჩევნო ნომერი - 22;

17. „რესპუბლიკური პარტია“, საარჩევნო ნომერი - 6;

18. „პროგრესულ-დემოკრატიული მოძრაობა“, საარჩევნო ნომერი - 39;

19. „შენების მოძრაობა“, საარჩევნო ნომერი - 20, თბილისის მერობის კანდიდატი - თენგიზ შერგელაშვილი;

20. „მემარცხენე ალიანსი“, საარჩევნო ნომერი - 9; 

21. „ახალი ქრისტიან-დემოკრატები“, საარჩევნო ნომერი - 23;

22. „თამაზ მეჭიაური ერთიანი საქართველოსთვის“, 
საარჩევნო ნომერი - 7;

23. „ეროვნულ დემოკრატიული მოძრაობა“, საარჩევნო ნომერი - 11;


2017 წლის ადგილობრივ არჩევნებს ოთხი პარტია გამოეთიშა

ორ პარტიას - „მრეწველობა გადაარჩენს საქართველოს“ და „საქართველოს კომუნისტურ პარტიას“ რეგისტრაცია პირადი განცხადების საფუძველზე გაუუქმდა. „საქართველოს ეკონომიკური განვითარებისა და სიღარიბის დაძლევის პარტიას“ და „ახალ პოლიტიკურ გაერთიანება - გირჩს“ კი რეგისტრაციაზე უარი დოკუმენტაციის წარდგენისას აღმოჩენილი დარღვევების გამო ეთქვათ.


საარჩევნო ბლოკები

ადგილობრივი თვითმმართველობის არჩევნებზე დარეგისტრირებული საარჩევნო ბლოკების სია შემდეგნაირია:

1. ბლოკი „ბაქრაძე, უგულავა-ევროპული საქართველო“, ბლოკში შემავალი პარტიები: „ევროპული საქართველო - მოძრაობა თავისუფლებისთვის“ და „მოძრაობა თავისუფალი საქართველოსთვის“; საარჩევნო ნომერი - 2, თბილისის მერობის კანდიდატი - ელენე ხოშტარია;

2. ბლოკი „გიორგი ვაშაძე-ერთობა ახალი საქართველო“, ბლოკში შემავალი პარტიები: „ახალი საქართველო - პოლიტიკური პლატფორმა“ და „ევროპელი დემოკრატები“; საარჩევნო ნომერი - 27, თბილისის მერობის კანდიდატი - გიორგი ვაშაძე;

3. ბლოკი „ერთიანი ნაციონალური მოძრაობა“, ბლოკში შემავალი პარტიები: „ერთიანი ნაციონალური მოძრაობა“,  „საქართველოს ქრისტიან-კონსერვატიული პარტია“ და „ეროვნულ-დემოკრატიული პარტია (ედპ)“, საარჩევნო ნომერი - 5, თბილისის მერობის კანდიდატი - ზაალ უდუმაშვილი;

4. ბლოკი „დიმიტრი ლორთქიფანიძე, კახა კუკავა - დემოკრატიული მოძრაობა-თავისუფალი საქართველო“, ბლოკში შემავალი პარტიები:  „დემოკრატიული მოძრაობა - ერთიანი საქართველო“ და „თავისუფალი საქართველო“; საარჩევნო ნომერი - 3, თბილისის მერობის კანდიდატი - კახა კუკავა;

5. ბლოკი „სახალხო-ხალხის ერთსულოვნება“, ბლოკში შემავალი პარტიები: „ხალხის პარტია“ და „სახალხო პარტია“; საარჩევნო ნომერი - 38.


საინიციატივო ჯგუფები

2017 წლის ადგილობრივი თვითმმართველობის არჩევნებში  225 საინიციატივო ჯგუფი მონაწილეობს. კანონმდებლობით, საინიციატივო ჯგუფებს მხოლოდ მერობისა და საკრებულო წევრობის მაჟორიტარი კანდიდატების წარდგენის უფლება აქვთ. ერთ ჯგუფს მხოლოდ ერთი კანდიდატის დასახელება შეუძლია. 

225 საინიციატივო ჯგუფიდან, მერობის კანდიდატები 13 ჯგუფს ჰყავს წარდგენილი, 212-მა კი - საკრებულოს წევრობის მაჟორიტარი კანდიდატები დაასახელა. 

ხუთი თვითმმართველი ქალაქიდან, საინიციატივო ჯგუფის მიერ წარდგენილი მერობის კანდიდატი მხოლოდ თბილისს ჰყავს, სადაც მერობისთვის ალექსანდრე ელისაშვილი იბრძოლებს. 

თვითმმართველ თემებში კი, საინიციატივო ჯგუფებმა მერობის კანდიდატებად 12 პირი დაასახელეს. თითო კანდიდატი წარდგენილია გურჯაანში, თეთრიწყაროში, გორში, ასპინძაში, ნინოწმინდაში, ცაგერში, მესტიაში, ზესტაფონში, ოზურგეთსა და ზუგდიდში. ხაშურის მუნიციპალიტეტის მერობისთვის კი საინიციატივო ჯგუფების მიერ წარდგენილი ორი კანდიდატი იბრძოლებს. 

საინიციატივო ჯგუფების მიერ წარდგენილი საკრებულოს წევრობის მაჟორიტარი კანდიდატებიდან, 10 კანდიდატი თვითმმართველ ქალაქებშია დარეგისტრირებული, მათ შორის, სამ-სამი მაჟორიტარი კანდიდატი თბილისში, ბათუმსა და რუსთავში, ხოლო ერთი კანდიდატი - ფოთში. 

საქართველოს დანარჩენ მუნიციპალიტეტებში, საკრებულოს მაჟორიტარი დეპუტატის თანამდებობისთვის საინიციატივო ჯგუფების მიერ წარდგენილი 202 კანდიდატი იბრძოლებს. 

საინიციატივო ჯგუფების მერობისა და საკრებულოს წევრობის მაჟორიტარი კანდიდატების რეგისტრაცია 11 სექტემბერს დასრულდა. 21 სექტემბერს კი, მერობის და მაჟორიტარობის კანდიდატთა, აგრეთვე - პარტიული სიების წარდგენის ვადა პოლიტიკური პარტიებისა და საარჩევნო ბლოკებისათვის ამოიწურა.

21 სექტემბრიდან, საარჩევნო ადმინისტრაციას აქვს ორდღიანი ვადა, რათა პარტიებისა და საარჩევნო ბლოკების მიერ წარდგენილი კანდიდატები და პარტიული სიები არჩევნებზე დაარეგისტრიროს. 

9 ოქტომბერს კი, იწურება ვადა იმისათვის, რომ პარტიამ, საარჩევნო ბლოკმა და საინიციატივო ჯგუფმა გააუქმოს გადაწყვეტილება საკრებულოს წევრობის ან მერობის კანდიდატის წარდგენის შესახებ. ამავე დღეს იწურება ვადა, რომ საკრებულოს წევრობის ან მერობის კანდიდატმა არჩევნებიდან თავისი კანდიდატურა მოხსნას.

უახლესი ამბები
18 ოქტ.'17 14:18
საპარლამენტო კომიტეტებმა 2018 წლის სახელმწიფო ბიუჯეტის პირველადი ვარიანტის განხილვა დაასრულეს
მთავრობა ბიუჯეტის გადამუშავებულ ვარიანტს პარლამენტს არაუგვიანეს 5 ნოემბრისა წარუდგენს.
18 ოქტ.'17 13:09
სოხუმი ეთნიკური ქართველებისთვის ახალ შეზღუდვებს ამზადებს
ოკუპირებული აფხაზეთის ხელისუფლება გალის რაიონის 4 000 ეთნიკური ქართველისთვის თავისუფალი გადაადგილების უფლების შეზღუდვას გეგმავს.      
17 ოქტ.'17 19:05
ქალები ხელისუფლებაში: საქართველო ევროპის საბჭოს ანგარიშში
ანგარიში ევროპის საბჭოს 46 წევრ ქვეყანაში ქალთა პოლიტიკური მონაწილეობის საკითხს მიმოიხილავს.
17 ოქტ.'17 18:27
თბილისში აფხაზეთის კონფლიქტის დროს დაღუპულთა ნეშტები დაკრძალეს
აფხაზეთის კონფლიქტის დროს დაღუპული 25 პირის ნეშტი ცოტა ხნის წინ მათ ოჯახებს გადასცეს.
17 ოქტ.'17 13:13
ლავროვი: მოსკოვი პატივს სცემს სამხრეთ ოსეთის სუვერენიტეტს
ლავროვი ახალგაზრდობის და სტუდენტთა მე-19 მსოფლიო ფესტივალის ფარგლებში სიტყვით გამოვიდა.
17 ოქტ.'17 12:08
თხილის მოსავლის განადგურების გამო კომპენსაციის მოთხოვნით ზუგდიდში აქცია გაიმართა
ადგილობრივი მოსახლეობა ხელისუფლებისგან აზიური ფაროსანასგან მიყენებული ზარალის კომპენსაციას ითხოვს.
16 ოქტ.'17 17:37
საქართველოს და იტალიის პრეზიდენტებმა ორმხრივ თანამშრომლობაზე იმსჯელეს
ვიზიტის ფარგლებში ასევე დაგეგმილია შეხვედრა იტალიის სენატის თავმჯდომარესთან პიეტრო გრასოსთან.
16 ოქტ.'17 16:11
არჩევნები 2017: ყოველკვირეული მიმოხილვა №6
მეექვსე გამოცემაში 9-15 ოქტომბრის კვირაში მომხდარ მნიშვნელოვან მოვლენებს გაგაცნობთ.
14 ოქტ.'17 12:01
აშშ-ის საელჩოს განცხადება საკონსტიტუციო ცვლილებებთან დაკავშირებით
პარლამენტმა საკონსტიტუციო ცვლილებებზე პრეზიდენტის ვეტო 13 ოქტომბერს დაძლია.
13 ოქტ.'17 19:12
მმართველმა გუნდმა საკონსტიტუციო ცვლილებებზე პრეზიდენტის ვეტო დაძლია
მმართველმა პარტიამ კანონპროექტის პირვანდელი ვერსია 117 ხმით დაამტკიცა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
100