Civil.ge-ს შესახებ
Eng | ქარ | Рус
ბოლო განახლება: 15:14 - 20 იან.'18
RSS
Mobile
Twitter
Facebook
„ქართველთა მარშის“ მონაწილეებმა თბილისში აქცია გამართეს
Civil Georgia, Tbilisi / 13 სექ.'17 / 18:07

„ქართველთა მარშის“ სახელით გაერთიანებულმა ულტრანაციონალისტურმა ორგანიზაციებმა 12 სექტემბერს თბილისში მორიგი აქცია გამართეს. მარშის მონაწილეები ქართული ოცნების იმ საკანონმდებლო ინიციატივას აპროტესტებდნენ, რომელიც, უცხოელებისათვის დაწესებული მორატორიუმის მიუხედავად, მთავრობას აძლევს უფლებას, განსაკუთრებულ შემთხვევებში, უცხო ქვეყნის მოქალაქეს სასოფლო-სამეურნეო დანიშნულების მიწა მიყიდოს.  

„ქართველთა მარშის“ მონაწილეებმა, რომლებიც მმართველ პარტიას „უცხოტომელებზე“ ქართული მიწის გაყიდვაში ადანაშაულებდნენ, ქართული ოცნების თბილისის მერობის კანდიდატის, კახა კალაძის, შტაბთან პიკეტი მოაწყვეს. აქტივისტები მიწის გასხვისების საკითხზე კალაძის პოზიციის გარკვევას ცდილობდნენ და, მასთან შესახვედრად, საარჩევნო შტაბში ოთხკაციანი დელეგაციის შეშვებას მოითხოვდნენ

„მივმართავ ქართული ოცნების გენერალურ მდივანს, ბატონ კახა კალაძეს, ქართული ოცნების თავმჯდომარეს, ბატონ გიორგი კვირიკაშვილს, და საპარლამენტო უმრავლესობის ლიდერს, ბატონ  თალაკვაძეს, გამოვიდნენ ხალხთან და დადონ პირობა, რომ ქართული მიწა არ გაიყიდება. ეს არის ჩვენი მოთხოვნა“, - განაცხადა ქართველთა მარშის ერთ-ერთმა ლიდერმა, სანდრო ბრეგაძემ.

„გაგვეცი პასუხი: დგახარ თუ არა შენი გუნდის მხარეს? აპირებ თუ არა საქართველოს მიწა-წყლის გაყიდვას, თუ ეწინააღმდეგები ამას?“, - მიმართავდა კალაძეს „ქართველთა მარშის“ ერთ-ერთი ორგანიზატორი, ლადო სადღობელაშვილი. 

„ქართველთა მარშის“ აქტივისტებმა კალაძის საარჩევნო შტაბში შესვლა სცადეს, თუმცა ეს მცდელობა სამართალდამცავებმა აღკვეთეს  და მათი ერთ-ერთი ლიდერი, ლადო სადღობელაშვილი, ადმინისტრაციული წესით დააკავეს. დაკავებული სადღობელაშვილი მოგვიანებით ადვოკატმა მოინახულა, რომელმაც მისი დაცვის ქვეშ მყოფის მიმართ პოლიციის მხრიდან ფიზიკურ ძალადობაზე ისაუბრა.
 
კალაძის საარჩევნო შტაბთან მისვლამდე, „ქართველთა მარშის“ აქტივისტებმა საპროტესტო მსვლელობა ჯორჯ სოროსის მიერ დაფუძნებულ ფონდ „ღია საზოგადოება - საქართველოსთანაც“ გამართეს. დემონსტრანტებმა, „ქართველი ერის წინააღმდეგ ძირგამომთხრელი საქმიანობის“ ბრალდებით, ფონდ „ღია საზოგადოება - საქართველოს“ დახურვა მოითხოვეს. 

მარშის მონაწილეებმა, შეძახილებით - „საქართველო სოროსის ფონდის გარეშე“, არასამთავრობო ორგანიზაციის ოფისის მისამართით მაშხალებიც ისროლეს. მათ ასევე ეკავათ ტრანსპარანტი, რომელზეც ქართული ოცნების ლიდერები - ირაკლი კობახიძე, თამარ ჩუგოშვილი და არჩილ თალაკვაძე მოხსენიებულნი იყვნენ „სოროსის მონებად“.


მსვლელობა ფონდ „ღია საზოგადოება-საქართველოსთან", 12 სექტემბერი, 2017. ფოტო: კადრი ნეტგაზეთის ვიდეომასალიდან

„ქართველთა მარშის“ მონაწილეთა აქციამდე ცოტა ხნით ადრე, საქართველოს პრემიერ-მინისტრმა, გიორგი კვირიკაშვილმა, განცხადება გაავრცელა და დაადასტურა, რომ უცხოელებზე მიწის გასხვისებაზე დაწესებული მორატორიუმი ძალაში რჩება. 

„სასოფლო-სამეურნეო დანიშნულების მიწა სწორედ ჩვენი ხელისუფლების ინიციატივით იქნა აღიარებული სტრატეგიულ რესურსად და უცხოელებზე მის გასხვისებაზე დაწესდა შეზღუდვები“, - აღნიშნული იყო კვირიკაშვილის განცხადებაში.

მიწის გასხვისებაზე მორატორიუმი 2017 წლის ივნისში, „სასოფლო-სამეურნეო დანიშნულების მიწის საკუთრების შესახებ“ კანონით, ქართული ოცნების ინიციატივით დაწესდა. მორატორიუმი ძალაშია ახალი კონსტიტუციის ამოქმედებამდე, რომლის მიღებაც სექტემბერში იგეგმება. 

ახალი კონსტიტუციით, მიწა „განსაკუთრებული მნიშვნელობის რესურსად“ ცხადდება და მასზე საკუთრების უფლება მხოლოდ საქართველოს მოქალაქეებს და სახელმწიფოს ექნება. 

მიწის გასხვისებასთან დაკავშირებული გამონაკლისები მომავალში ორგანული კანონით დარეგულირდება.

უახლესი ამბები
20 იან.'18 15:14
საქართველო Human Rights Watch-ის ყოველწლიურ ანგარიშში
სხვადასხვა საკითხებთან ერთად, ანგარიშში განხილულია „ფართო პოლიტიკური კონსენსუსის მიღწევის გარეშე“ განხორციელებული საკონსტიტუციო რეფორმა.
19 იან.'18 16:23
ირაკლი კობახიძე უკრაინას სტუმრობს
პარლამენტის თავმჯდომარე თავის უკრაინელ კოლეგას, ასევე ქვეყნის პრემიერ-მინისტრს შეხვდა.
18 იან.'18 15:20
მედიაორგანიზაციები პარლამენტს „მაუწყებლობის შესახებ“ კანონზე პრეზიდენტის შენიშვნების გაზიარებისკენ მოუწოდებენ
51 მედიაორგანიზაცია, კანონპროექტის ხელახლა განხილვამდე, პარლამენტის თავმჯდომარესთან და უმრავლესობასთან შეხვედრას ითხოვს. 
18 იან.'18 13:51
პოლიტიკური რეიტინგები NDI–ის დაკვეთით ჩატარებულ კვლევაში
ქართული ოცნება თვითმმართველობის არჩევნების შემდგომ ჩატარებულ გამოკითხვაში ყველაზე ძლიერი მხარდაჭერით სარგებლობს.  
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
72