Civil.ge-ს შესახებ
Eng | ქარ | Рус
ბოლო განახლება: 18:50 - 15 დეკ.'17
RSS
Mobile
Twitter
Facebook
თავისუფალი დემოკრატები ადგილობრივ არჩევნებში მონაწილეობას აღარ მიიღებენ
Civil Georgia, Tbilisi / 11 აგვ.'17 / 15:44

თავისუფალმა დემოკრატებმა განაცხადეს, რომ „გამოტოვებენ“ 2017 წლის ოქტომბერში დაგეგმილ ადგილობრივი თვითმმართველობის არჩევნებს და 2020 წლის საპარლამენტო არჩევნებისთვის მოემზადებიან. 

გადაწყვეტილების მიზეზებს შორის პარტია 2016 წლის საპარლამენტო არჩევნების შემდგომ გადატანილ კრიზისს, აგრეთვე - 2017 წლის მაისში რესპუბლიკურ პარტიასთან ერთად შექმნილი საარჩევნო ბლოკის წარუმატებლობას ასახელებს.

„2016 წლის 8 ოქტომბრის საპარლამენტო არჩევნების შემდეგ ჩვენს პარტიაში შეიქმნა კრიზისული ვითარება. პარტია დატოვა არაერთმა ლიდერმა და წევრმა. ჩვენს წინაშე იდგა პარტიის გადარჩენის ამოცანა, რომელსაც არსებითად გავართვით თავი. მაგრამ, შექმნილი მდგომარეობის გათვალისწინებით, 2017 წლის თვითმმართველობის არჩევნებში დამოუკიდებლად მონაწილეობა ჩვენი პარტიის ძალებს აღემატებოდა და ასეთი რამ მიზნად არც დაგვისახავს“, - აღნიშნავენ თავისუფალი დემოკრატები.

„რამდენიმე თვის წინ ჩვენ შემოგვთავაზეს საკმაოდ საინტერესო პროექტი, რომლის წარმატებით განხორციელების შემთხვევაში შესაძლებელი გახდებოდა  ადგილობრივ არჩევნებში ,,ქართული ოცნების“ ხელისუფლებასთან საკმაოდ რეალური დაპირისპირება.  ამ პროექტის პირველ საფეხურზე გამოვაცხადეთ საარჩევნო ბლოკი რესპუბლიკურ პარტიასთან. სამწუხაროდ, ამ პროექტის განხორციელება, ჩვენგან დამოუკიდებელ გარემოებათა გამო, პირველ საფეხურს ვერ გასცდა“, - ნათქვამია განცხადებაში. 

„შექმნილ ვითარებაში გადავწყვიტეთ გამოვტოვოთ თვითმმართველობის არჩევნები და შევუდგეთ 2020 წლის საპარლამენტო არჩევნებისთვის მზადებას“, - ამბობენ თავისუფალი დემოკრატები და „თავისუფალი, სამართლებრივი და დემოკრატიული სახელმწიფოს განვითარებისათვის ბრძოლაში“ აქტიური მონაწილეობის პირობას დებენ. 

არასაპარლამენტო პარტიებმა - თავისუფალმა დემოკრატებმა და რესპუბლიკელებმა - ადგილობრივი თვითმმართველობის არჩევნებში მონაწილეობის მისაღებად საარჩევნო ბლოკი 2017 წლის მაისში შექმნეს

თავისუფალმა დემოკრატებმა და რესპუბლიკელებმა, რომელთაც 2012 წლის საპარლამენტო არჩევნებში კოალიცია ქართული ოცნების შემადგენლობაში მიიღეს მონაწილეობა, 2016 წელს დამოუკიდებლად იყარეს კენჭი და პარლამენტში ვერ მოხვდნენ, რადგანაც ხმების მხოლოდ 4.63% და 1.55% მიიღეს, შესაბამისად. 

არჩევნებში წარუმატებლობის შემდეგ ორივე პარტია რამდენიმე წამყვანმა წევრმა დატოვა, მათ შორის ლიდერებმა, პარლამენტის ყოფილმა თავმჯდომარემ, დავით უსუფაშვილმა, და ყოფილმა თავდაცვის მინისტრმა, ირაკლი ალასანიამ.

უახლესი ამბები
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
69