Civil.ge-ს შესახებ
Eng | ქარ | Рус
ბოლო განახლება: 18:50 - 15 დეკ.'17
RSS
Mobile
Twitter
Facebook
2008 წლის რუსეთ-საქართველოს ომის მიმოხილვა: 10 აგვისტო
Civil Georgia, Tbilisi / 10 აგვ.'17 / 18:21

რუსეთის მიერ 2008 წლის აგვისტოში საქართველოს წინააღმდეგ აგრესიის განხორციელებიდან ცხრა წელი გავიდა. Civil.ge, თავისი არქივისა და სხვა წყაროების გამოყენებით, აგვისტოს ომის ყოველდღიურ მიმოხილვას გთავაზობთ.

მიმოხილვას ვიწყებთ 2008 წლის 1 აგვისტოთი, წინასაომარი ესკალაციის დასკვნითი ეტაპით, და დავასრულებთ 16 აგვისტოთი, რუსეთის ჯარების მიერ ახალგორის მუნიციპალიტეტის ოკუპაციით.
 
10 აგვისტო:
  

  • რუსული ჯარის და ჯავშანტექნიკის შემოსვლა როკის გვირაბის გავლით საქართველოში ღამით და ადრე დილითაც გრძელდება.
      
  • გაეროს ოფიციალური წარმომადგენელი ედმონდ მულეტი კოდორის ხეობის წინააღმდეგ სამხედრო ოპერაციის თაობაზე აფრთხილებს
      
  • 04:00 საათზე რუსი სამხედროები დიდი ლიახვის ხეობას იკავებენ. ეს ძალები წარმოადგენენ 76-ე საჰაერო-მოიერიშე დივიზიის 104-ე პოლკს, რუსეთის სპეცრაზმის შენაერთებს და ვოსტოკის ბატალიონს. 
      
  • 07:00 საათისთვის 503-ე მოტომსროლელთა პოლკის სამხედროები ძარის გზის დასავლეთიდან ცხინვალში შესვლას იწყებენ
      
  • 05:30 საათზე რუსეთის საჰაერო ძალები ვაზიანს და ბაქო-სუფსის ნავთობსადენს ბომბავენ
      
  • დაახლოებით 05:40 საათზე რუსეთის საჰაერო ძალები საავიაციო ქარხანას ბომბავენ. საღამოს საავიაციო ქარხანას კვლავ ბომბავენ.
      
  • დღის განმავლობაში, 06:00 საათიდან 22:10 საათამდე რუსეთის საჰაერო ძალების მიერ კოდორის ხეობაზე უამრავი შეტევა ხორციელდება. 
      
  • მე-7 საჰაერო-მოიერიშე დივიზიის ძალების აფხაზეთში გადასხმა იწყება როგორც ხომალდებიდან, ისე ახლად შეკეთებული რკინიგზის მეშვეობით. 08:00 საათისთვის აფხაზეთში ასევე აგზავნიან ულიანოვსკში განთავსებულ 31-ე საჰაერო-სადესანტო ბრიგადას. 
      
  • დილას, საქართველოს ხელმძღვანელობა იღებს გადაწყვეტილებას, რომ რუსულ ჯართან ბრძოლის გაგრძელება ქართულ არმიას გაანადგურებს და შედეგად მთელი ქვეყანა დაუცველი დარჩება. ამიტომ, ხელისუფლება ცხინვალიდან გამოსვლის გადაწყვეტილებას იღებს. 
      
  • 10:30 საათისთვის რუსეთის 42-ე დივიზიის სამხედროები ცხინვალში შედიან ჩრდილოეთიდან, დიდი ლიახვის ქართული სოფლების გავლით. 42-ე დივიზიის ძალებში შედიოდნენ 70-ე და 71-ე მოტომსროლელთა პოლკები, 50-ე თვითმავალი საარტილერიო პოლკი, 417-ე ცალკეული სადაზვერვო პოლკი და სხვა დამხმარე შენაერთები. 
      
  • დილას 76-ე საჰაერო-მოიერიშე დივიზიის 234-ე სადესანტო პოლკი ასევე შედის ცხინვალში ჩრდილოეთიდან, ჯავის გავლით. 
      
  • დაახლოებით 11:00 საათისთვის ქართული პოლიცია კოდორის ხეობის მოსახლეობის ევაკუაციას იწყებს. 
      
  • საქართველოს საზღვაო ბლოკადა ხორციელდება კრეისერი ”მოსკვას” ხელმძღვანელობით
      
  • საქართველოს ხელისუფლება ეუბნება მოსახლეობას, რომ ქვეყნის სახელმწიფოებრიობა საფრთხეშია. 
      
  • აფხაზეთის ლიდერი სერგეი ბაღაფში აცხადებს, რომ 1000 სამხედრო გაგზავნა კოდორის ხეობაში და დასძენს, რომ ეს ქმედებები რუსეთთანაა კოორდინირებული. 
      
  • უკრაინა აფრთხილებს რუსეთს, რომ არ გამოიყენოს სევასტოპოლის ბაზა საქართველოს წინააღმდეგ საზღვაო ოპერაციებისთვის.  
      
  • 15:10 საათზე რუსეთის საჰაერო ძალები ქარელი რაიონის სოფელ კნოლევს ბომბავენ, ხოლო 15:30 საათზე ისევ გორი იბომბება. 
      
  • 15:40 საათზე და შემდეგ 16:20 საათზე რუსული მოიერიშე თვითმფრინავები ზუგდიდის რაიონის სოფელ ანაკლიას ბომბავენ
      
  • 18:40 საათზე რუსეთის საჰაერო ძალები თბილისის აეროპორტის სარადარო სისტემას ბომბავენ
     
  • ერაყში განთავსებული 2000 ქართველი სამხედრო საქართველოში ბრუნდება
      
  • საქართველო ეუბნება რუსეთს, რომ ცხინვალის რეგიონიდან სამხედროები გაყავს და ცეცხლის დაუყონებლივ შეწყვეტის მზადყოფნას გამოთქვამს. 
      
  • რუსეთი უარყოფს, რომ ქართველმა სამხედროებმა დატოვეს რეგიონი. 
      
  • აშშ-ის სახელმწიფო მდივანთან კონდოლიზა რაისთან სატელეფონო საუბრისას რუსეთის საგარეო საქმეთა მინისტრი სერგეი ლავროვი მიხეილ სააკაშვილის პრეზიდენტის პოსტიდან მოხსნას ითხოვს. რაისი უარს აცხადებს ამ მოთხოვნაზე და მიუხედავად ლავროვის თხოვნისა, რომ ეს საიდუმლოდ შეინახოს, ამის თაობაზე ამერიკელ პარტნიორებს და გაეროს უშიშროების საბჭოს ატყობინებს.  
  • 22:30 საათზე რუსი სამხედროები აფხაზეთიდან ზუგდიდის რაიონში შედიან მდინარე ენგურის ხიდის გავლით.  
  • 23:55 საათზე რუსული მოიერიშე თვითმფრინავები გორის რაიონის სოფელ შავშვებს ბომბავენ.  

ამავე თემაზე
უახლესი ამბები
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
76