Civil.ge-ს შესახებ
Eng | ქარ | Рус
ბოლო განახლება: 19:05 - 17 ოქტ.'17
RSS
Mobile
Twitter
Facebook
საქართველო ტერორიზმის შესახებ აშშ-ის სახელმწიფო დეპარტამენტის ანგარიშში
Civil Georgia, Tbilisi / 20 ივლ.'17 / 19:08

აშშ–ის სახელმწიფო დეპარტამენტმა ტერორიზმის შესახებ 2016 წლის ყოველწლიური ანგარიში გამოაქვეყნა, სადაც ის მსოფლიოს სხვადასხვა ქვეყანაში ტერორიზმის საფრთხეების სტატუსს აფასებს აშშ-ის კონგრესისთვის.

დოკუმენტში საქართველო მოხსენებულია, როგორც ისლამური სახელმწიფოს დასამარცხებლად შექმნილი მსოფლიო კოალიციის დიდი ხნის წევრი და „აშშ-ის გლობალური უსაფრთხოების საიმედო პარტნიორი“, რომელიც „აქტიურადაა ჩართული კონტრტერორიზმის საკითხებში საერთაშორისო, რეგიონულ და ორმხრივ დონეებზე“. 

ანგარიში ხაზგასმით აღნიშნავს, რომ „საქართველო ავღანეთში ნატოს მტკიცე მხარდაჭერის მისიაში სამხედრო ძალების უმსხვილესი კონტრიბუტორია ერთ სულ მოსახლეზე, ნატოს არაწევრი უმსხვილესი კონტრიბუტორი ქვეყანა და სამხედრო ძალების მეოთხე უმსხვილესი კონტრიბუტორი აშშ-ის, გერმანიის და იტალიის შემდეგ“, რომელსაც 870-ზე მეტი სამხედრო ყავს განთავსებული ავღანეთში.

დოკუმენტში ასევე ნათქვამია, რომ მედიის ინფორმაციით, 2016 წლის ბოლოს მდგომარეობით, სირიასა და ერაყში საქართველოს დაახლოებით 50-100 მოქალაქე იბრძოდა. გარდა ამისა, ანგარიშის თანახმად, საქართველოს გეოგრაფიული მდებარეობიდან გამომდინარე, ისლამისტი ექსტრემისტები ქვეყნის გავლით მოძრაობდნენ რუსეთის ფედერაციის ჩრდილოეთ კავკასიას, სირიას, ერაყსა და თურქეთს შორის.

ანგარიშში ნათქვამია, რომ საქართველომ გააუმჯობესა უსაფრთხოება საზღვარზე, ნაწილობრივ საკუთარი მიზნის წყალობით, რომ ევროკავშირთან უვიზო მიმოსვლა მოეპოვებინა, თუმცა აცხადებს, რომ „კონტროლის ნაკლებობა რუსეთის მიერ ოკუპირებულ აფხაზეთსა და სამხრეთ ოსეთზე“ ზღუდავს მის შესაძლებლობას, რომ საზღვრების უსაფრთხოება უზრუნველყოს. დოკუმენტში ასევე ნათქვამია, რომ „აშშ-ის მნიშვნელოვანი დახმარების წყალობით, საქართველოს სანაპირო დაცვა უკეთაა აღჭურვილი, რათა ქვეყნის საზღვაო საზღვრებზე, გარდა რუსეთის მიერ ოკუპირებული აფხაზეთის სანაპირო ზოლისა, პატრულირება განახორციელოს“. 

სახელმწიფო დეპარტამენტის ანგარიშში აღნიშნულია, რომ შარშან საქართველომ „გააუმჯობესა“ კონტრტერორისტული კანონმდებლობა, ხოლო ქვეყნის სახელმწიფო უსაფრთხოების სამსახური „კარგად აღჭურვილი და მომზადებულია“. ანგარიში დასძენს, რომ „ზოგადად, საქართველოს მთავრობას ძირითადად შესწევს უნარი, რომ ტერორიზმის ინციდენტები გამოავლინოს, შეაჩეროს და მათზე რეაგირება მოახდინოს“.
 
იმავდროულად, ანგარიშში ნათქვამია, რომ გარდა სამართალდამცავი ზომებისა, საქართველო ასევე ახორციელებს პროგრამებს,  რომლებიც მოწყვლად მოსახლეობაში, კერძოდ კი პანკისის ხეობაში, რადიკალიზაციის წინააღმდეგაა მიმართული.

უახლესი ამბები
17 ოქტ.'17 19:05
ქალები ხელისუფლებაში: საქართველო ევროპის საბჭოს ანგარიშში
ანგარიში ევროპის საბჭოს 46 წევრ ქვეყანაში ქალთა პოლიტიკური მონაწილეობის საკითხს მიმოიხილავს.
17 ოქტ.'17 18:27
თბილისში აფხაზეთის კონფლიქტის დროს დაღუპულთა ნეშტები დაკრძალეს
აფხაზეთის კონფლიქტის დროს დაღუპული 25 პირის ნეშტი ცოტა ხნის წინ მათ ოჯახებს გადასცეს.
17 ოქტ.'17 13:13
ლავროვი: მოსკოვი პატივს სცემს სამხრეთ ოსეთის სუვერენიტეტს
ლავროვი ახალგაზრდობის და სტუდენტთა მე-19 მსოფლიო ფესტივალის ფარგლებში სიტყვით გამოვიდა.
17 ოქტ.'17 12:08
თხილის მოსავლის განადგურების გამო კომპენსაციის მოთხოვნით ზუგდიდში აქცია გაიმართა
ადგილობრივი მოსახლეობა ხელისუფლებისგან აზიური ფაროსანასგან მიყენებული ზარალის კომპენსაციას ითხოვს.
16 ოქტ.'17 17:37
საქართველოს და იტალიის პრეზიდენტებმა ორმხრივ თანამშრომლობაზე იმსჯელეს
ვიზიტის ფარგლებში ასევე დაგეგმილია შეხვედრა იტალიის სენატის თავმჯდომარესთან პიეტრო გრასოსთან.
16 ოქტ.'17 16:11
არჩევნები 2017: ყოველკვირეული მიმოხილვა №6
მეექვსე გამოცემაში 9-15 ოქტომბრის კვირაში მომხდარ მნიშვნელოვან მოვლენებს გაგაცნობთ.
14 ოქტ.'17 12:01
აშშ-ის საელჩოს განცხადება საკონსტიტუციო ცვლილებებთან დაკავშირებით
პარლამენტმა საკონსტიტუციო ცვლილებებზე პრეზიდენტის ვეტო 13 ოქტომბერს დაძლია.
13 ოქტ.'17 19:12
მმართველმა გუნდმა საკონსტიტუციო ცვლილებებზე პრეზიდენტის ვეტო დაძლია
მმართველმა პარტიამ კანონპროექტის პირვანდელი ვერსია 117 ხმით დაამტკიცა.
13 ოქტ.'17 12:37
საქართველოს საგარეო უწყება კატალონიაში განვითარებული მოვლენების შესახებ
საქართველო მიუღებლად მიიჩნევს დამოუკიდებლობის ცალმხრივად გამოცხადებას. 
13 ოქტ.'17 12:16
საქართველოს ლიდერებმა რუსეთის ოკუპაცია, სტრატეგიული პრიორიტეტები განიხილეს
პრეზიდენტი, პრემიერ-მინისტრი და პარლამენტის თავმჯდომარე ბათუმში უსაფრთხოების ყოველწლიურ კონფერენციაზე სიტყვით გამოვიდნენ. 

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
5