Civil.ge-ს შესახებ
Eng | ქარ | Рус
ბოლო განახლება: 18:36 - 21 სექ.'17
RSS
Mobile
Twitter
Facebook
რუსეთი აფხაზეთში მომხდარი თავდასხმისა და მკვლელობის გამო შეშფოთებას გამოხატავს
Civil Georgia, Tbilisi / 13 ივლ.'17 / 17:48

რუსეთის საგარეო საქმეთა სამინისტრომ 12 ივლისს განცხადება გამოაქვეყნა, სადაც შეშფოთება გამოთქვა 11 ივლისს აფხაზეთში რუს ტურისტებზე განხორციელებული თავდასხმის გამო, რის შედეგადაც ერთ-ერთი ტურისტი - 33 წლის ანდრეი კაბანოვი სასიკვდილოდ დაიჭრა.

ოკუპირებული აფხაზეთის ხელისუფლებამ განაცხადა 11 ივლისს, რომ გუდაუთის რაიონის სოფელ არსაულში ორი უცნობი შეიარაღებული მამაკაცი თავს დაესხა ორ რუსულ ოჯახს, რომელთაგანაც ერთი პირი მოკლეს, ხოლო ორი ქალი და ოთხი ბავშვი მძევლად აიყვანეს.

იმავე წყაროს ინფორმაციით, მოგვიანებით მძევლები გაათავისუფლეს.

რუსეთის საგარეო საქმეთა სამინისტრომ აღნიშნა 12 ივლისის განცხადებაში, რომ ის იმედოვნებს, რომ „აფხაზეთის სამართალდამცავი სტრუქტურები უმოკლეს ვადაში იპოვიან დამნაშავეებს და პასუხისგებაში მისცემენ მათ“.  „რუსეთის საელჩო სოხუმში ყურადღებით ადევნებს თვალს გამოძიებას“, - დასძინა მან.

რუსეთის ელჩი ოკუპირებულ რეგიონში, სემიონ გრიგორიევი ნაკლებად თავდაჭერილი იყო თავის განცხადებებში. „მე არაერთხელ ვუთხარი აფხაზეთის რესპუბლიკის ხელმძღვანელობას, რომ მათთვის პრიორიტეტულ ამოცანას რუსი ტურისტების უსაფრთხოების უზრუნველყოფა წარმოადგენდა“, - განუცხადა გრიგორიევმა ადგილობრივ მედიას.

13 ივლისს სეპარატისტული აფხაზეთის პროკურატურამ დაუდასტურა რუსულ საინფორმაციო სააგენტო „ტასს“, რომ თავდასხმაში ეჭვმიტანილები დააკავეს, თუმცა მათი ვინაობის გამხელისგან თავი შეიკავა.

თავდასხმამდე დაახლოებით ერთი თვით ადრე ოკუპირებულ რეგიონში რიგ მძიმე დანაშაულებს ჰქონდა ადგილი, რამაც ადგილობრივი მოსახლეობის აღშფოთება გამოიწვია.

უახლესი ამბები
21 სექ.'17 18:36
რუსეთი სოხუმში საბაჟო პუნქტს გახსნის
პუნქტი მთელ აფხაზეთს მოიცავს, რუსეთის კანონმდებლობით იმუშავებს, მისი თანამშრომლები კი იმუნიტეტით ისარგებლებენ.
21 სექ.'17 18:19
მმართველი პარტია ბონუსის სისტემაზე უარს ამბობს
მომდევნო საპარლამენტო არჩევნებზე, პარტიებს საარჩევნო ბლოკებში გაერთიანების უფლება ექნებათ.
21 სექ.'17 17:49
რესპუბლიკური პარტია ერთნაირი სქესის მქონე პირთათვის სამოქალაქო პარტნიორობას ლობირებს
პარტიამ 2016 წლის საპარლამენტო არჩევნებში დამოუკიდებლად მიიღო მონაწილეობა, თუმცა ხმების საკმარისი რაოდენობა ვერ მოიპოვა.
21 სექ.'17 12:04
საქართველო ღია მმართველობის პარტნიორობის თავმჯდომარე გახდა
პრემიერ-მინისტრმა კვირიკაშვილმა OGP-ის თავმჯდომარეობა საფრანგეთის პრეზიდენტისგან ოფიციალურად გადაიბარა.
20 სექ.'17 17:58
რუსი მინისტრი: მოსკოვი სამხრეთ ოსეთის მიმართ აღებულ ფინანსურ ვალდებულებებს ‘ადასტურებს’
მინისტრი ჩრდილოეთ კავკასიის საკითხებში ლევ კუზნეცოვი ორდღიანი სამუშაო ვიზიტით ცხინვალს სტუმრობს.
20 სექ.'17 17:54
პარლამენტმა ახალი გენერალური აუდიტორი აირჩია
გენერალური აუდიტორის პოსტზე ირაკლი მექვაბიშვილმა ლაშა თორდია შეცვალა.
20 სექ.'17 17:21
ევროკავშირი-საქართველოს ასოცირების საპარლამენტო კომიტეტის მეხუთე შეხვედრა გაიმართა
კომიტეტი ასოცირების შეთანხმების განხორციელებაზე საპარლამენტო კონტროლს ახორციელებს.
20 სექ.'17 15:24
პრეზიდენტმა და ოპოზიციამ საკონსტიტუციო ცვლილების თაობაზე ერთობლივი დოკუმენტი გამოაქვეყნეს
ერთობლივი დოკუმენტი განსახილველად ქართულ ოცნებას და ვენეციის კომისიას გაეგზავნა.
20 სექ.'17 13:33
კვირიკაშვილი ნიუ-იორკში ევროკავშირის და ეუთოს ოფიციალურ წარმომადგენლებს შეხვდა
პრემიერ-მინისტრი ფედერიკა მოგერინის, თომას გრემინგერს და დონალდ ტუსკს შეხვდა.
20 სექ.'17 12:20
საქართველო გაეროს გენერალური ასამბლეის გენერალურ დებატებზე
ესტონეთის, ლიტვის, პოლონეთის, სლოვაკეთის და თურქეთის პრეზიდენტებმა საქართველოს შესახებ განცხადებები გააკეთეს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
62