Civil.ge-ს შესახებ
Eng | ქარ | Рус
ბოლო განახლება: 19:09 - 20 აპრ.'18
RSS
Mobile
Twitter
Facebook
ბათუმის საერთაშორისო კონფერენციაზე ევროინტეგრაციისა და უსაფრთხოების საკითხებს განიხილავენ
Civil Georgia, Tbilisi / 13 ივლ.'17 / 17:36

საქართველოს პრეზიდენტმა, გიორგი მარგველაშვილმა, პრემიერ-მინისტრმა, გიორგი კვირიკაშვილმა, და პარლამენტის თავმჯდომარემ, ირაკლი კობახიძემ, დღეს ბათუმში მიმდინარე საერთაშორისო კონფერენციის მონაწილეებს მიმართეს და რუსეთის მიერ საქართველოს ოკუპაციის, შავი ზღვის რეგიონის და ევროპის უსაფრთხოების, საქართველოში მიმდინარე დემოკრატიული რეფორმებისა და ევროინტეგრაციის შესახებ ისაუბრეს. 

კონფერენციას, სახელწოდებით  - „საქართველოს ევროპული გზა - რეგიონული სტაბილურობის უზრუნველყოფა“, საქართველოს, ევროკავშირის და აღმოსავლეთ პარტნიორობის წევრი ქვეყნების აღმასრულებელი და საკანონმდებლო ხელისუფლების, ასევე, სამოქალაქო საზოგადოების, აკადემიური წრეების, მედიისა და ბიზნეს სექტორის წარმომადგენლები ესწრებიან.

პრეზიდენტი

თავის გამოსვლაში, საქართველოს პრეზიდენტმა ყურადღება  რუსეთის მიერ საქართველოს რეგიონების ოკუპაციაზე გაამახვილა. მან აფხაზეთსა და სამხრეთ ოსეთში შექმნილი ვითარება „ისტორიულ უსამართლობად“ შეაფასა და საერთაშირისო თანამეგობრობას მოუწოდა, იყოს „უაღრესად პრინციპული, როდესაც საქმე ეხება საქართველოს ინტერესების, საქართველოს ტერიტორიული მთლიანობის ხელყოფას“.

პრეზიდენტმა ასევე ისაუბრა საქართველოს ევროპულ არჩევანზეც და აღნიშნა, რომ „საქართველო შედის ევროპულ პროცესში“ არამხოლოდ როგორც „ევროპული სიკეთის მომხმარებელი“, არამედ „როგორც მხარე, რომელსაც გააჩნია თავისი კონტრიბუციის და თავისი თანამონაწილეობის ამბიცია“. 

პრემიერ-მინისტრი

კონფერენციაზე გამოსვლისას, საქართველოს პრემიერ-მინისტრმა, გიორგი კვირიკაშვილმა, ისაუბრა საქართველოს მთავრობის მიერ ინიცირებულ რეფორმებზე, ასევე ევროკავშირთან უვიზო მიმოსვლის, ასოცირების შეთანხმების შესრულების, ღრმა და ყოვლისმომცველი ვაჭრობის, ეკონომიკური თანამშრომლობისა და ენერგოუსაფრთხოების კუთხით მიღწეულ შედეგებზე. 

მან ხაზი გაუსვა იმას, რომ „საქართველოს დემოკრატიული განვითარება, ევროპული და ევროატლანტიკური ინტეგრაცია ჩვენი ევროპული მისწრაფებების ნათელი შედეგია და ჩვენ ამ მიზნის ერთგული ვრჩებით“. 

გიორგი კვირიკაშვილმა ყურადღება 2017 წლის ნოემბერში, ბრიუსელში დაგეგმილ აღმოსავლეთ პარტნიორობის სამიტზეც გაამახვილა. 

„არავისთვის არ არის საიდუმლო, რომ ჩვენი უმთავრესი საბოლოო მიზანია, საქართველო გახდეს ევროკავშირის სრულფასოვანი წევრი“, - აღნიშნა პრემიერ-მინისტრმა და დასძინა, რომ ამ მხრივ „მნიშვნელოვანია, ვიფიქროთ ახალ შესაძლებლობებზე“.

პრემიერ-მინისტრი ტერიტორიული მთლიანობის პრობლემასაც შეეხო. „ჩვენ არასოდეს შევეგუებით ოკუპაციას“, - აღნიშნა კვირიკაშვილმა და მადლობა გადაუხადა ევროკავშირის სადამკვირვებლო მისიას, რომელსაც, მისი თქმით, შეაქვს წვლილი „უსაფრთხოებასა და სტაბილურობაში, ნდობის აღდგენასა და ვითარების ესკალაციის პრევენციაში“.

პარლამენტის თავმჯდომარე

საქართველოს პარლამენტის თავმჯდომარემ, ირაკლი კობახიძემ, კონფერენციის მონაწილეთა ყურადღება საქართველოში მიმდინარე „ფართომასშტაბიან საკონსტიტუციო რეფორმაზე“ გაამახვილა. მისი თქმით, რეფორმის მიზანია „საქართველოს გრძელვადიანი დემოკრატიული და სტაბილური განვითარების უზრუნველყოფა და შედეგად, ევროპულ ოჯახში საქართველოს ადგილის დამკვიდრება“.

ირაკლი კობახიძემ ისაუბრა ოკუპირებულ ტერიტორიებზე ადამიანის უფლებათა დარღვევის შესახებ და აღნიშნა, რომ ასი ათასობით საქართველოს მოქალაქეს „ეზღუდება ფუნდამენტური უფლება - არ ცხოვრობდეს დევნილობაში საკუთარ სამშობლოში“.

„მიუხედავად იმ სირთულეებისა და გამოწვევებისა, რომლებიც დგას ჩვენი ქვეყნის წინაშე მის ევროპულ გზაზე, დარწმუნებული ვარ, რომ ჩვენი ქვეყნისა და ხალხის ოცნება, გახდეს ევროპული ოჯახის სრულფასოვანი წევრი, აუცილებლად ახდება“, - დასძინა ირაკლი კობახიძემ.

ბათუმის საერთაშორისო კონფერენცია ორ დღეს გაგრძელდება. 

კონფერენციის მონაწილეები განიხილავენ ევროპის უსაფრთხოების არქიტექტურის, ენერგოუსაფრთხოების, პროპაგანდასთან ბრძოლის და მიგრაციის საკითხებს, ასევე იმსჯელებენ ასოცირების შეთანხმების, DCFTA-ს და აღმოსავლეთ პარტნიორობის შემდგომი განვითარების საკითხებზე.

ბათუმის საერთაშორისო კონფერენცია 2007  წლიდან  ყოვეწლიურად იმართება.

უახლესი ამბები
20 აპრ.'18 19:09
ევროპის საბჭომ საქართველოში კონფლიქტის შესახებ ანგარიში გამოაქვეყნა
ანგარიში აფხაზეთსა და ცხინვალის რეგიონში უსაფრთხოების და ადამიანის უფლებათა დაცვის კუთხით არსებულ ვითარებას აფასებს.
20 აპრ.'18 16:04
პარლამენტმა პარტიების დაფინანსების წესში ცვლილებები მიიღო
ცვლილებების შედეგად, მრეწველთა პარტია 600 000 ლარის ოდენობის ყოველწლიურ საბიუჯეტო დაფინანსებას მიიღებს.
20 აპრ.'18 12:57
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
ევროკავშირის დელეგაციამ ევროპის საბჭოში საქართველოს შესახებ გენერალური მდივნის ანგარიშის საპასუხოდ განცხადება გამოაქვეყნა.
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
81