Civil.ge-ს შესახებ
Eng | ქარ | Рус
ბოლო განახლება: 19:09 - 20 აპრ.'18
RSS
Mobile
Twitter
Facebook
ევროპის საინვესტიციო ბანკი საქართველოს 250 მილიონი ევროს სესხს გამოუყოფს
Civil Georgia, Tbilisi / 13 ივლ.'17 / 16:00

ევროპის საინვესტიციო ბანკი (EIB) საქართველოს სესხის სახით 250 მილიონ ევროს გამოუყოფს, რომელიც ქვეყნის საგზაო ინფრასქტრუქტურის მშენებლობას და რეაბილიტაციას მოხმარდება, განაცხადეს EIB-მ და საქართველოს ფინანსთა სამინისტრომ ხუთშაბათს.

შესაბამის სასესხო შეთანხმებას საქართველოს ფინანსთა მინისტრმა და პირველმა ვიცე-პრემიერმა, დიმიტრი ქუმსიშვილმა, რეგიონული განვითარების და ინფრასტრუქტურის მინისტრმა, ზურაბ ალავიძემ და ევროპის საინვესტიციო ბანკის ვიცე-პრეზიდენტმა ვაზილ ჰუდაკმა 13 ივლისს ბათუმის საერთაშორისო კონფერენციის ფარგლებში მოაწერეს ხელი.

„ჩვენთვის ძალიან მნიშვნელოვანია ის ფინანსური და ტექნიკური მხარდაჭერა, რომელსაც ყოველდღიურად ვიღებთ ევროპისგან. ყველა ეს ნაბიჯი, საბოლოო ჯამში, გადადგმული უნდა იყოს იქითკენ, რომ სწრაფად მოხდეს ქვეყანაში ძირითადი ინფრასტრუქტურის დასრულება, რომელმაც უნდა გააძლიეროს საქართველოს ტრანზიტული პოტენციალი, ასევე უნდა შემატოს ჩვენს ქვეყანას რეგიონებს შორის დამაკავშირებელი შესაძლებლობები და გააადვილოს ქვეყნით შიგნით გადაადგილება“, - განაცხადა ფინანსთა მინისტრმა დიმიტრი ქუმსიშვილმა დოკუმენტის ხელმოწერის შემდეგ.

250 მილიონი ევრო მეორე და ბოლო ტრანშია იმ 500 მილიონი ევროს ოდენობის სესხისა, რომელიც ბანკმა საქართველოს მასშტაბით დაახლოებით 253 კმ-ის ძირითადი და მეორადი გზების მშენებლობისა და რეაბილიტაციისთვის გამოყო.

ამას გარდა, ევროპის საინვესტიციო ბანკი დამატებით 3.5 მილიონ ევროს დაფინანსებას გამოყოფს ვარდნილის და ენგურის ჰიდროელექტროსადგურების რეაბილიტაციისთვის. ფინანსთა სამინისტროს ინფორმაციით, აღნიშნული თანხა დაემატება ევროპის საინვესტიციო ბანკის მიერ საქართველოსათვის გამოყოფილ 20 მლნ ევროს ოდენობის ფინანსურ რესურსს, რაც საჭირო გახდა ვარდნილის ჰიდროელექტროსადგურის სარეაბილიტაციო სამუშაოების დასასრულებლად.

ბათუმის საერთაშორისო კონფერენციაზე სიტყვით გამოსვლისას, ვიცე-პრეზიდენტმა ჰუდაკმა ხაზი გაუსვა ევროპის საინვესტიციო ბანკსა და საქართველოს შორის არსებულ ათწლიან წარმატებულ თანამშრომლობას და აღნიშნა, რომ ბანკმა დღემდე საქართველოში 1.5 მილიარდი ევროს საერთო ღირებულების 21 პროექტი დააფინანსა.

„ჩვენი საბოლოო მიზანია სამუშაო ადგილების შექმნა, ეკონომიკური ზრდა და ცხოვრების დონის გაუმჯობესება და ეს სასესხო ხელშეკრულებები, რომელთაც დღეს მოვაწერეთ ხელი, სწორედ ამას ისახავს მიზნად“, - განაცხადა მან.

უახლესი ამბები
20 აპრ.'18 19:09
ევროპის საბჭომ საქართველოში კონფლიქტის შესახებ ანგარიში გამოაქვეყნა
ანგარიში აფხაზეთსა და ცხინვალის რეგიონში უსაფრთხოების და ადამიანის უფლებათა დაცვის კუთხით არსებულ ვითარებას აფასებს.
20 აპრ.'18 16:04
პარლამენტმა პარტიების დაფინანსების წესში ცვლილებები მიიღო
ცვლილებების შედეგად, მრეწველთა პარტია 600 000 ლარის ოდენობის ყოველწლიურ საბიუჯეტო დაფინანსებას მიიღებს.
20 აპრ.'18 12:57
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
ევროკავშირის დელეგაციამ ევროპის საბჭოში საქართველოს შესახებ გენერალური მდივნის ანგარიშის საპასუხოდ განცხადება გამოაქვეყნა.
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
80