Civil.ge-ს შესახებ
Eng | ქარ | Рус
ბოლო განახლება: 23:53 - 22 სექ.'17
RSS
Mobile
Twitter
Facebook
საქართველომ სტამბოლის კონვენციის სარატიფიკაციო სიგელი წარადგინა
Civil Georgia, Tbilisi / 19 მაი.'17 / 18:27

საქართველოს საგარეო საქმეთა მინისტრმა მიხეილ ჯანელიძემ, რომელიც კვიპროსს სტუმრობს ევროპის საბჭოს მინისტრთა კომიტეტის 127-ე სესიაზე დასასწრებად, ევროპის საბჭოს გენერალური მდივნის მოადგილეს, გაბრიელა ბატანი-დრაგონის ქალთა მიმართ ძალადობისა და ოჯახში ძალადობის პრევენციისა და აღკვეთის შესახებ სტამბოლის კონვენციის სარატიფიკაციო სიგელი გადასცა. 

კონვენცია, რომელიც ქალთა მიმართ ძალადობის ყველა ფორმას განსაზღვრავს და მათ სისხლისსამართლებრივ პასუხისმგებლობას ადგენს, რომელთა შორისაა ოჯახური ძალადობაც, ევროპის საბჭოს მინისტრმა კომიტეტმა 2011 წლის 7 აპრილს მიიღო. საქართველო ევროპის საბჭოს 23-ე ქვეყანაა, რომელმაც კონვენციის რატიფიცირება მოახდინა. ქვეყანა სტამბოლის კონვენციას 2014 წელს შეუერთდა, ხოლო მისი რატიფიკაცია 2017 წლის მაისში მოახდინა.

„საქართველოს მხრიდან აღნიშნული კონვენციის რატიფიცირება, ხაზს უსვამს იმ ფაქტს, თუ რამდენად დიდ მნიშვნელობას ანიჭებს ქვეყანა ევროპის საბჭოს იმ ღირებულებების დაცვას, როგორიცაა ადამიანის უფლებები, კანონის უზენაესობა და დემოკრატია“, - განაცხადა საქართველოს საგარეო საქმეთა სამინისტრომ 19 მაისს გავრცელებულ პრესრელიზში.  

კონვენციის მხარეები ძალადობის პრევენციისა და დაზარალებულთა დაცვის ვალდებულებას იღებენ. სხვა გზებთან ერთად, ამისათვის შესაძლებელია დაუყოვნებლივი საფრთხის შემთხვევაში პოლიციისათვის დამნაშავის თავის სახლიდან გაყვანის უფლებამოსილების მინიჭება, ადვილად ხელმისაწვდომი თავშესაფრებისა და კრიზისის რეფერალური ცენტრების შესაბამისი რაოდენობით მოწყობა და 24/7 საგანგებო ცხელი ხაზების უზრუნველყოფა.

კონვენციის ერთ-ერთი უმნიშვნელოვანესი დებულებაა დამოუკიდებელ ექსპერტთა ჯგუფის (GREVIO) შექმნა, რომელიც პასუხისმგებელია მხარეთა მიერ კონვენციის განხორციელების მონიტორინგზე. GREVIO თავის პირველ დასკვნას მიმდინარე წლის ბოლოს გამოაქვეყნებს. ვინაიდან საქართველომ მხოლოდ ახლახან მოახდინა კონვენციის რატიფიცირება, ანგარიში საქართველოს შესახებ მოგვიანებით მომზადდება.

კვიპროსში ვიზიტის ფარგლებში, 18 მაისს მიხეილ ჯანელიძე თავის კვიპროსელ კოლეგას იოანის კასულიდის შეხვდა. ვიზიტის ფარგლებში საქართველოს საგარეო საქმეთა მინისტრი ევროპის საბჭოს მინისტერიალის ფარგლებში სიტყვით გამოვა, სადაც საქართველოს ოკუპირებულ ტერიტორიებზე ადამიანის უფლებების კუთხით არსებულ  ვითარებაზე ისაუბრებს, იტყობინება საქართველოს საგარეო საქმეთა სამინისტრო.

უახლესი ამბები
22 სექ.'17 23:53
საქართველოს ხელისუფლება ოკუპირებულ სამხრეთ ოსეთში ქართველთა სახლების განადგურებას ეხმაურება
სოფელ ერედვში მიმდინარე სამუშაოებს საქართველოს ხელისუფლება „გენოციდის გაგრძელებად“ აფასებს. 
22 სექ.'17 22:53
მთავრობამ აშშ-ში ლობირებისთვის თითქმის მილიონი დახარჯა
სულ ბოლოს მთავრობამ კომპანია StrateVarious LLC-სთან მოაწერა კონტრაქტს ხელი.
22 სექ.'17 17:17
კვირიკაშვილი: საქართველო იზრდება, ის არის სიცოცხლით სავსე და მტკიცე გამოწვევებთან ბრძოლაში
საქართველოს პრემიერ-მინისტრი გაეროს გენერალურ ასამბლეაზე სიტყვით გამოვიდა.
22 სექ.'17 17:00
ადგილობრივ არჩევნებზე 23 პარტია, 5 საარჩევნო ბლოკი და 200-ზე მეტი საინიციატივო ჯგუფი დარეგისტრირდა
რამდენიმე დღეში საარჩევნო ადმინისტრაცია სარეგისტრაციო პროცედურებს დაასრულებს და კანდიდატთა საბოლოო სიებს გამოაქვეყნებს.
22 სექ.'17 12:00
პრემიერ-მინისტრის გამოსვლა გაეროს გენერალურ ასამბლეაზე
გიორგი კვირიკაშვილი ნიუ-იორკში საქართველოს დელეგაციას ხელმძღვანელობს. 
21 სექ.'17 18:36
რუსეთი სოხუმში საბაჟო პუნქტს გახსნის
პუნქტი მთელ აფხაზეთს მოიცავს, რუსეთის კანონმდებლობით იმუშავებს, მისი თანამშრომლები კი იმუნიტეტით ისარგებლებენ.
21 სექ.'17 18:19
მმართველი პარტია ბონუსის სისტემაზე უარს ამბობს
მომდევნო საპარლამენტო არჩევნებზე, პარტიებს საარჩევნო ბლოკებში გაერთიანების უფლება ექნებათ.
21 სექ.'17 17:49
რესპუბლიკური პარტია ერთნაირი სქესის მქონე პირთათვის სამოქალაქო პარტნიორობას ლობირებს
პარტიამ 2016 წლის საპარლამენტო არჩევნებში დამოუკიდებლად მიიღო მონაწილეობა, თუმცა ხმების საკმარისი რაოდენობა ვერ მოიპოვა.
21 სექ.'17 12:04
საქართველო ღია მმართველობის პარტნიორობის თავმჯდომარე გახდა
პრემიერ-მინისტრმა კვირიკაშვილმა OGP-ის თავმჯდომარეობა საფრანგეთის პრეზიდენტისგან ოფიციალურად გადაიბარა.
20 სექ.'17 17:58
რუსი მინისტრი: მოსკოვი სამხრეთ ოსეთის მიმართ აღებულ ფინანსურ ვალდებულებებს ‘ადასტურებს’
მინისტრი ჩრდილოეთ კავკასიის საკითხებში ლევ კუზნეცოვი ორდღიანი სამუშაო ვიზიტით ცხინვალს სტუმრობს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
73