Civil.ge-ს შესახებ
Eng | ქარ | Рус
ბოლო განახლება: 18:32 - 17 ნოე.'17
RSS
Mobile
Twitter
Facebook
ქართველი პოლიტიკოსები ევროკავშირის სპეციალურ წარმომადგენელს ცხინვალში გაკეთებული განცხადების გამო აკრიტიკებენ
Civil Georgia, Tbilisi / 18 მაი.'17 / 14:03

ქართველმა პოლიტიკოსებმა მწვავედ გააკრიტიკეს სამხრეთ კავკასიაში ევროკავშირის სპეციალური წარმომადგენლის ჰერბერტ ზალბერის მიერ გაკეთებული განცხადება, რომელმაც ცხინვალის ახალ ლიდერს ანატოლი ბიბილოვს 9 აპრილს სეპარატისტულ რეგიონში გამართულ საპრეზიდენტო არჩევნებში გამარჯვება მიულოცა.

დეპუტატმა და ყოფილმა საგარეო საქმეთა მინისტრმა, სალომე ზურაბიშვილმა განაცხადა, რომ ზალბერის განცხადება „არა მხოლოდ პრინციპულად მიუღებელია, არამედ საკითხის მიმართ მის უცოდინარობას ავლენს“. მისი თქმით, საქართველომ ის პერსონა ნონ გრატად უნდა გამოაცხადოს.

საქართველოს კიდევ ერთმა ყოფილმა საგარეო საქმეთა მინისტრმა და ნაციონალური მოძრაობის წევრმა, გრიგოლ ვაშაძემ ზალბერის განცხადებას „უკიდურესად უმეცარი, საზიანო და უადგილო“ უწოდა.

მისი თქმით, მან ეს განცხადება გააკეთა „იმ რეგიონში ყოფნისას, რომელიც რუსეთის აგრესიის შედეგად ოკუპირებულია. ერთი ფრაზით ამ ადმაიანმა გერმანიისა და ბრიუსელის პოზიციების დამახინჯება მოახერხა, რაც საქართველოს ტერიტორიულ მთლიანობასა და სუვერენიტეტს შეეხება. ასევე, ზიანი მიაყენა იმ პოზიციას, რომელსაც ჟენევის თანათავმჯდომარეები უნდა იკავებდნენ ამ მოლაპარაკებებზე“.

ვაშაძემ ასევე აღნიშნა, რომ ცხინვალში ძალის გამოუყენებლობის დოკუმენტის შესახებ საუბრისას ზალბერმა ისე წარმოაჩინა თავი, თითქოს ის მხარე იყო და არა თანათავმჯდომარე. ვაშაძემ განაცხადა, რომ „ბრიუსელმა უნდა გააკეთოს აუცილებლად მკაცრი განცხადება ამ თემაზე და თვითონ ბატონ ზალბერს უნდა მოვთხოვოთ თავისივე ფრაზის დეზავიურება“.

ერთიანმა ნაციონალურმა მოძრაობამ ასევე გამოაქვეყნა ცალკე განცხადება, სადაც ზალბერის განცხადების თაობაზე „უკიდურეს შეშფოთებას“ გამოხატავს და აცხადებს, რომ ეს პირველი შემთხვევა არ არის, როდესაც იგი საქართველოს სახელმწიფო ინტერესების საზიანო განცხადებას აკეთებს.

ნაციონალურმა მოძრაობამ ასევე აღნიშნა, რომ ვინაიდან ზალბერის განცხადებები უხეშად ხელყოფს საქართველოს ტერიტორიულ მთლიანობას და „რადიკალურად განსხვავდება ევროკავშირის ოფიციალური პოზიციისაგან“, მის მიერ ევროკავშირის ოფიციალური წარმომადგენლის რანგში საქმიანობის გაგრძელება, „პირდაპირ ზიანს აყენებს როგორც ჩვენი ქვეყნის ინტერესებს, ასევე საქართველო-ევროკავშირის სტრატეგიულ ურთიერთობებს“. ნაციონალურმა მოძრაობამ მიმართა საქართველოს ხელისუფლებას, „დაუყონებლივ მოითხოვოს ზალბერის გათავისუფლება დაკავებული თანამდებობიდან და აღკვეთოს მისთვის მანდატის გაგრძელება“.

მოძრაობა თავისუფლებისთვის - ევროპულმა საქართველომ საკითხის კომენტირებისას განაცხადა, რომ ზალბერის განცხადება ეწინააღმდეგება საქართველოს ინტერესებს

„არანაირი "არჩევნები" ოკუპირებულ ტერიტორიებზე არ ტარდება, რადგან იქ ეთნიკური წმენდა განხორციელდა და ათასობით ადგილობრივი მოსახლე ძალისმიერად იქნა გამოდევნილი“, - ნათქვამია ევროპული საქართველოს განცხადებაში.

პარტიამ ასევე აღნიშნა, რომ ის დარწმუნებულია, რომ ზალბერის განცხადება ევროკავშირის ოფიციალურ პოზიციას არ წარმოადგენს, თუმცა მიუხედავად ამისა, „ასეთი განცხადებები უმწვავესი დიპლომატიური, მათ შორის, საკადრო რეაგირების გარეშე არ უნდა რჩებოდეს“.

უახლესი ამბები
17 ნოე.'17 18:32
სახალხო დამცველმა აფხაზეთის გამშვები პუნქტების დახურვაზე ანგარიში გამოაქვეყნა
უჩა ნანუაშვილს მიაჩნია, რომ გალში ადამიანის უფლებების მდგომარეობა „უფრო და უფრო უარესდება“.
17 ნოე.'17 16:48
პრაღაში აბაშიძის და კარასინის მორიგი შეხვედრა გაიმართა
მოსკოვის თქმით, 2011 წლის ვმო-ს შეთანხმებაზე ექსპერტების შეხვედრა გაიმართება.
17 ნოე.'17 15:37
არასამთავრობოები პარტიების დაფინანსების წესში საპარლამენტო უმრავლესობის წარმომადგენელთა მიერ ინიცირებულ ცვლილებებს ეწინააღმდეგებიან
საია-მ, საერთაშორისო გამჭვირვალობა-საქართველომ და სამართლიანმა არჩევნებმა ერთობლივი განცხადება გაავრცელეს.
17 ნოე.'17 13:28
შინაგან საქმეთა მინისტრის სამი მოადგილე დაინიშნა
ახალ მინისტრს, გიორგი გახარიას, სამი მოადგილე ჰყავს.
16 ნოე.'17 18:31
საქართველომ „ლაპის ლაზულის“ სატრანზიტო დერეფნის შეთანხმებას მოაწერა ხელი
საქართველოსთან ერთად, შეთანხმებას ხელი ავღანეთის, თურქმენეთის, აზერბაიჯანის და თურქეთის წარმომადგენლებმაც მოაწერეს.  
16 ნოე.'17 17:56
აშშ-ის მიერ დაფინანსებული ახალი პროგრამა საქართველოს ტერიტორიის თავდაცვისკენ იქნება მიმართული
თავდაცვის მინისტრმა ლევან იზორიამ აშშ-ში ვიზიტის დროს წვრთნის ახალ პროგრამაზე ისაუბრა.
16 ნოე.'17 17:50
სახალხო დამცველი მომავალი ომბუდსმენის შერჩევაში „საზოგადოების მონაწილეობის“ აუცილებლობაზე საუბრობს
არასამთავრობო სექტორში ომბუდსმენის პოსტზე რამდენიმე კანდიდატურა განიხილება.
16 ნოე.'17 11:52
СENN გარემოს დაცვის სამინისტროს რეორგანიზაციის ფართო განხილვას მოითხოვს
კავკასიის გარემოსდაცვითი არასამთავრობო ორგანიზაციების ქსელმა მთავრობის სტრუქტურულ რეორგანიზაციასთან დაკავშირებით განცხადება გაავრცელა.
15 ნოე.'17 18:49
პოლონეთის და შვედეთის საგარეო საქმეთა მინისტრებმა საქართველოს ევროპული მისწრაფებების მხარდაჭერა დაადასტურეს
ვიტოლდ ვაშჩიკოვსკი და მარგოტ ვალსტრომი აღმოსავლეთ პარტნიორობის სამიტის წინ საქართველოს ხელმძღვანელობას შეხვდნენ.
15 ნოე.'17 13:20
პუტინი მოსკოვში სამხრეთ ოსეთის ლიდერს შეხვდა
მოსკოვის გადაწყვეტილებით, სავალდებულო სამედიცინო დაზღვევის პროგრამა ცხინვალის რეგიონში მცხოვრებ რუსეთის მოქალაქეებზეც გავრცელდება.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
82