Civil.ge-ს შესახებ
Eng | ქარ | Рус
ბოლო განახლება: 18:32 - 17 ნოე.'17
RSS
Mobile
Twitter
Facebook
თბილისმა ევროკავშირის სპეციალური წარმომადგენლის მიერ ცხინვალზე გაკეთებული განცხადების გამო ელჩი დაიბარა
Civil Georgia, Tbilisi / 17 მაი.'17 / 20:23

საქართველოს საგარეო საქმეთა სამინისტრომ 17 მაისს ევროკავშირის ელჩი იანოშ ჰერმანი დაიბარა, რათა პროტესტი გამოეთქვა სამხრეთ კავკასიაში ევროკავშირის სპეციალური წარმომადგენლის ჰერბერტ ზალბერის მიერ წინა დღეს ცხინვალში გაკეთებული განცხადების გამო.

ჰერბერტ ზალბერი, რომელიც ჟენევის საერთაშორისო დისკუსიების თანათავმჯდომარეა ევროკავშირის მხრიდან, ცხინვალს გაეროდან და ეუთოდან დანარჩენ ორ თანათავმჯდომარესთან ერთად სტუმრობდა, 20-21 ივნისს დაგეგმილი დისკუსიების მოსამზადებლად.

16 მაისს სეპარატისტული რეგიონის ხელისუფლების წარმომადგენლებთან შეხვედრის დროს, ზალბერმა რეგიონის ახალ ლიდერს, ანატოლი ბიბილოვს 9 აპრილს არჩევნებში გამარჯვება მიულოცა.

„პირველ რიგში, ნება მომეცით, ცოტა ხნის წინ გამართულ არჩევნებში გამარჯვება მოგილოცოთ და ასევე მოგილოცოთ ამ თანამდებობის, ამ მნიშვნელოვანი თანამდებობის დაკავება“, - მიმართა ზალბერმა ბიბილოვს.

საქართველოს საგარეო საქმეთა მინისტრის მოადგილემ, დავით დონდუამ განაცხადა საპასუხოდ, რომ „ის, რაც დღეს ჩვენ მოვისმინეთ ევროკავშირის სპეციალური წარმომადგენლის და ჟენევის თანათავმჯდომარის მხრიდან, რბილად რომ ვთქვათ, მიუღებელი და გაუგებარია“.

„ის ეწინააღმდეგება საერთაშორისო სამართლის პრინციპებს და ხელს არ უწყობს როგორც საქართველოს, ისე საერთაშორისო თანამეგობრობის ძალისხმევას კონფლიქტის მშვიდობიანი მოწესრიგებისთვის. ჩვენ კავშირზე ვართ ევროკავშირის ხელმძღვანელობასთან და იმედი გვაქვს, რომ ამას მოჰყვება სათანადო რეაქცია ბრიუსელის მხრიდან“, - განაცხადა დონდუამ ევროკავშირის ელჩთან იანოშ ჰერმანთან შეხვედრაზე.

თავის მხრივ, ჰერმანმა განაცხადა, რომ მას უნდა კიდევ ერთხელ მკაფიოდ განაცხადოს, რომ ევროკავშირი „არ აღიარებს იმ ჩარჩოს, რომლის ფარგლებში ეს ე.წ. არჩევნები გაიმართა საქართველოს სეპარატისტულ რეგიონში, სამხრეთ ოსეთში“. ჰერმანმა განაცხადა, რომ თუ ასეთი ჩარჩო არ არის აღიარებული, „ლოგიკურია იმის დამატებაც, რომ ამიტომ არც მის შედეგებს ვაღიარებთ“. მან ასევე აღნიშნა, რომ სწორედ საქართველოს სუვერენიტეტი და ტერიტორიული მთლიანობაა, რასაც ევროკავშირი „მტკიცედ უჭერს მხარს“.

დონდუამ დაადასტურა, რომ ელჩთან შეხვედრაზე „კიდევ ერთხელ გაჟღერდა ევროკავშირის ურყევი პოზიცია და მხარდაჭერა საქართველოს ტერიტორიული მთლიანობისადმი, სუვერენიტეტისადმი და მხარდაჭერა იმ სამშვიდობო პოლიტიკისადმი, რომელსაც საქართველოს ხელისუფლება ახორციელებს“. მისი თქმით, „როდესაც ცხინვალის რეგიონში ჩატარდა ე.წ. არჩევნები და ე.წ. რეფერენდუმი - ევროკავშირი ერთ-ერთი პირველი იყო, ვინც გამოეხმაურა და დაგმო რუსეთის ფედერაციის ეს პროვოკაციული ქმედება საქართველოს ტერიტორიაზე“.

განცხადება ძალის გამოუყენებლობის შესახებ

ცხინვალში ზალბერმა ასევე ისაუბრა ჟენევის დისკუსიებზე ძალის გამოუყენებლობის შესახებ დოკუმენტზე მუშაობის შესახებ და ხაზი გაუსვა, რომ „ძალის გამოუყენებლობის საკითხი ძალიან მნიშვნელოვანია რეგიონში უსაფრთხოებისთვის“. ზალბერმა ასევე აღნიშნა, რომ საბოლოო მიზანია ამ საკითხზე იურიდიულად სავალდებულო დოკუმენტის მიღება, მაგრამ მან იმედი გამოთქვა, რომ პირველ ეტაპზე „მოკლე ტექსტი“ იქნება მიღებული, რომელიც „შემდეგ სამუშაოს“ იმპულსს მისცემს.

ამ საკითხზე კომენტარი დონდუამაც გააკეთა. იანოშ ჰერმანთან შეხვედრის შემდეგ საუბრისას, საგარეო საქმეთა მინისტრის მოადგილემ განაცხადა, რომ ჟენევაში 2012 წლის შემდეგ ერთობლივი განცხადების ტექსტზე „დიდი მუშაობა არის გაწეული“.

„ბოლო პერიოდში მოხერხდა ერთგვარი დაახლოება პოზიციების, მაგრამ ჯერ კიდევ არის ფუნდამენტური განსხვავებები მონაწილეების მიდგომებში, რაც არ იძლევა იმის საშუალებას, რომ ვილაპარაკოთ რაიმე მნიშვნელოვან პროგრესზე“, - განაცხადა დონდუამ.

უახლესი ამბები
17 ნოე.'17 18:32
სახალხო დამცველმა აფხაზეთის გამშვები პუნქტების დახურვაზე ანგარიში გამოაქვეყნა
უჩა ნანუაშვილს მიაჩნია, რომ გალში ადამიანის უფლებების მდგომარეობა „უფრო და უფრო უარესდება“.
17 ნოე.'17 16:48
პრაღაში აბაშიძის და კარასინის მორიგი შეხვედრა გაიმართა
მოსკოვის თქმით, 2011 წლის ვმო-ს შეთანხმებაზე ექსპერტების შეხვედრა გაიმართება.
17 ნოე.'17 15:37
არასამთავრობოები პარტიების დაფინანსების წესში საპარლამენტო უმრავლესობის წარმომადგენელთა მიერ ინიცირებულ ცვლილებებს ეწინააღმდეგებიან
საია-მ, საერთაშორისო გამჭვირვალობა-საქართველომ და სამართლიანმა არჩევნებმა ერთობლივი განცხადება გაავრცელეს.
17 ნოე.'17 13:28
შინაგან საქმეთა მინისტრის სამი მოადგილე დაინიშნა
ახალ მინისტრს, გიორგი გახარიას, სამი მოადგილე ჰყავს.
16 ნოე.'17 18:31
საქართველომ „ლაპის ლაზულის“ სატრანზიტო დერეფნის შეთანხმებას მოაწერა ხელი
საქართველოსთან ერთად, შეთანხმებას ხელი ავღანეთის, თურქმენეთის, აზერბაიჯანის და თურქეთის წარმომადგენლებმაც მოაწერეს.  
16 ნოე.'17 17:56
აშშ-ის მიერ დაფინანსებული ახალი პროგრამა საქართველოს ტერიტორიის თავდაცვისკენ იქნება მიმართული
თავდაცვის მინისტრმა ლევან იზორიამ აშშ-ში ვიზიტის დროს წვრთნის ახალ პროგრამაზე ისაუბრა.
16 ნოე.'17 17:50
სახალხო დამცველი მომავალი ომბუდსმენის შერჩევაში „საზოგადოების მონაწილეობის“ აუცილებლობაზე საუბრობს
არასამთავრობო სექტორში ომბუდსმენის პოსტზე რამდენიმე კანდიდატურა განიხილება.
16 ნოე.'17 11:52
СENN გარემოს დაცვის სამინისტროს რეორგანიზაციის ფართო განხილვას მოითხოვს
კავკასიის გარემოსდაცვითი არასამთავრობო ორგანიზაციების ქსელმა მთავრობის სტრუქტურულ რეორგანიზაციასთან დაკავშირებით განცხადება გაავრცელა.
15 ნოე.'17 18:49
პოლონეთის და შვედეთის საგარეო საქმეთა მინისტრებმა საქართველოს ევროპული მისწრაფებების მხარდაჭერა დაადასტურეს
ვიტოლდ ვაშჩიკოვსკი და მარგოტ ვალსტრომი აღმოსავლეთ პარტნიორობის სამიტის წინ საქართველოს ხელმძღვანელობას შეხვდნენ.
15 ნოე.'17 13:20
პუტინი მოსკოვში სამხრეთ ოსეთის ლიდერს შეხვდა
მოსკოვის გადაწყვეტილებით, სავალდებულო სამედიცინო დაზღვევის პროგრამა ცხინვალის რეგიონში მცხოვრებ რუსეთის მოქალაქეებზეც გავრცელდება.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
84