Civil.ge-ს შესახებ
Eng | ქარ | Рус
ბოლო განახლება: 19:57 - 25 სექ.'17
RSS
Mobile
Twitter
Facebook
სეპარატისტული სამხრეთ ოსეთის მთავრობის ახალი ხელმძღვანელი დაინიშნა
Civil Georgia, Tbilisi / 17 მაი.'17 / 18:04


ერიკ ფუხაევი , სეპარატისტული სამხრეთ ოსეთის მთავრობის თავმჯდომარე. ფოტო: rso-government.org

სეპარატისტული სამხრეთ ოსეთის პარლამენტმა 16 მაისს ერიკ ფუხაევი რეგიონის 12-წევრიანი მთავრობის ახალ თავმჯდომარედ დაამტკიცა.

ფუხაევი, რომელიც წინა მთავრობის თავმჯდომარის მოადგილედ მსახურობდა, ამ პოსტზე სეპარატისტული რეგიონის ახალმა ლიდერმა ანატოლი ბიბილოვმა შეარჩია, რომელმაც შემდეგ მისი კანდიდატურა რეგიონის 34-წევრიან პარლამენტს 5 მაისს წარუდგინა. 16 მაისს გამართულ კენჭისყრამდე ბიბილოვი დეპუტატების წინაშე სიტყვით გამოვიდა და ფუხაევს „გამოცდილი მენეჯერი“ და „წესიერი ადამიანი“ უწოდა.

„ჩვენ ყველამ ვიცით მისი საქმიანი თვისებები, გამოცდილი მენეჯერის თვისებები, რომელსაც შეუძლია შედეგზე ორიენტირებული სამუშაოს განხორციელება, წესიერი და ღირსეული ადამიანი, რომელმაც საკუთარი თავი ხალხის სამსახურს მიუძღვნა“, - განუცხადა ბიბილოვმა დეპუტატებს.

სეპარატისტული რეგიონის ახალი ლიდერი ფუხაევის პრიორიტეტებსაც შეეხო და განაცხადა, რომ მან რიგი საკითხები უნდა მოაგვაროს, მათ შორის ჯანდაცვის, განსახლების, ინფრასტრუქტურის, საფინანსო სექტორის, ეკონომიკური განვითარების, უმუშევრობის, სოფლის მეურნეობის და სხვა საკითხები.

პარლამენტში გამოსვლისას ფუხაევმა პირობა დადო, რომ ანატოლი ბიბილოვის წინასაარჩევნო პროგრამას განახორციელებს და „აქტიური და მიზანმიმართული სოციალურ-ეკონომიკური პოლიტიკის“ განხორციელების საჭიროებაზე ისაუბრა.

ფუხაევის კანდიდატურას სხდომაზე დამსწრე 32-ვე დეპუტატმა დაუჭირა მხარი. მოგვიანებით, ფუხაევის ახალ თანამდებობაზე დანიშვნის შესახებ შესაბამისი განკარგულება გამოსცა ანატოლი ბიბილოვმაც. 

სეპარატისტულ რეგიონში 9 აპრილს გამართულ საპრეზიდენტო არჩევნებში ანატოლი ბიბილოვმა გაიმარჯვა. ორი კვირის თავზე, 24 აპრილს, მთავრობა გადადგა. არჩევნებიდან ცოტა ხანში, 2 მაისს ბიბილოვი სოჭში რუსეთის პრეზიდენტს ვლადიმირ პუტინს შეხვდა.

ერიკ ფუხაევი ადრე რეგიონის სტატისტიკის დეპარტამენტის უფროსად მუშაობდა. 2014 წლიდან 2017 წლამდე კი იგი მთავრობის თავმჯდომარის მოადგილედ მსახურობდა.

უახლესი ამბები
25 სექ.'17 19:57
პრეზიდენტი საკონსტიტუციო ცვლილებების მესამე მოსმენით მიღების წინააღმდეგ გამოდის
რიგგარეშე სხდომის მოწვევაზე პრეზიდენტის უარის მიუხედავად, პარლამენტი საკონსტიტუციო ცვლილებების საბოლოო მიღებისათვის 26 სექტემბერს შეიკრიბება.
25 სექ.'17 17:27
არჩევნები 2017: ყოველკვირეული მიმოხილვა №3
მიმოხილვის მესამე გამოცემაში 18-24 სექტემბრის კვირაში მომხდარ მნიშვნელოვან მოვლენებს გაგაცნობთ.
25 სექ.'17 15:42
ბალტიისპირეთის საგარეო საქმეთა სამინისტროები ევროკავშირში წევრობის პერსპექტივაზე
Civil.ge-მ აღმოსავლეთ პარტნიორობის მომავალ სამიტთან დაკავშირებით ევროკავშირის წევრი სახელმწიფოების საგარეო უწყებებს მიმართა.
25 სექ.'17 14:31
ვენეციის კომისია საქართველოს კონსტიტუციის პროექტის შესახებ
ვენეციის კომისიის თქმით, პროპორციულ სისტემაზე გადასვლის გადავადება სამწუხაროა, ხოლო ბონუსის სისტემა უნდა გაუქმდეს.
22 სექ.'17 23:53
საქართველოს ხელისუფლება ოკუპირებულ სამხრეთ ოსეთში ქართველთა სახლების განადგურებას ეხმაურება
სოფელ ერედვში მიმდინარე სამუშაოებს საქართველოს ხელისუფლება „გენოციდის გაგრძელებად“ აფასებს. 
22 სექ.'17 22:53
მთავრობამ აშშ-ში ლობირებისთვის თითქმის მილიონი დახარჯა
სულ ბოლოს მთავრობამ კომპანია StrateVarious LLC-სთან მოაწერა კონტრაქტს ხელი.
22 სექ.'17 17:17
კვირიკაშვილი: საქართველო იზრდება, ის არის სიცოცხლით სავსე და მტკიცე გამოწვევებთან ბრძოლაში
საქართველოს პრემიერ-მინისტრი გაეროს გენერალურ ასამბლეაზე სიტყვით გამოვიდა.
22 სექ.'17 17:00
ადგილობრივ არჩევნებზე 23 პარტია, 5 საარჩევნო ბლოკი და 200-ზე მეტი საინიციატივო ჯგუფი დარეგისტრირდა
რამდენიმე დღეში საარჩევნო ადმინისტრაცია სარეგისტრაციო პროცედურებს დაასრულებს და კანდიდატთა საბოლოო სიებს გამოაქვეყნებს.
22 სექ.'17 12:00
პრემიერ-მინისტრის გამოსვლა გაეროს გენერალურ ასამბლეაზე
გიორგი კვირიკაშვილი ნიუ-იორკში საქართველოს დელეგაციას ხელმძღვანელობს. 
21 სექ.'17 18:36
რუსეთი სოხუმში საბაჟო პუნქტს გახსნის
პუნქტი მთელ აფხაზეთს მოიცავს, რუსეთის კანონმდებლობით იმუშავებს, მისი თანამშრომლები კი იმუნიტეტით ისარგებლებენ.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
56