Civil.ge-ს შესახებ
Eng | ქარ | Рус
ბოლო განახლება: 19:09 - 20 აპრ.'18
RSS
Mobile
Twitter
Facebook
მოსკოვი თბილისს აკრიტიკებს ლუჟკოვისთვის საქართველოში შემოსვლის აკრძალვის გეგმების გამო
Civil Georgia, Tbilisi / 16 მაი.'17 / 14:39

რუსეთის საგარეო საქმეთა სამინისტრომ საქართველოს ხელისუფლება იმ განზრახვის გამო გააკრიტიკა, რომ მოსკოვის ყოფილი მერი იური ლუჟკოვი სეპარატისტულ აფხაზეთსა და სამხრეთ ოსეთში წარსულში განხორციელებული ვიზიტების გამო არასასურველ პირთა სიაში შეიყვანოს.

ლუჟკოვი საქართველოს მაისის დასაწყისში იმყოფებოდა, რამაც ქვეყანაში კრიტიკა გამოიწვია, ვინაიდან წარსულში ლუჟკოვმა არაერთხელ დაარღვია საქართველოს კანონი ოკუპირებული ტერიტორიების შესახებ, რომელიც სეპარატისტულ აფხაზეთსა და სამხრეთ ოსეთში უკანონო შესვლას კრძალავს. ვიზიტის შემდეგ საქართველოს შინაგან საქმეთა მინისტრის მოადგილემ, შალვა ხუციშვილმა განაცხადა, რომ ლუჟკოვს სპეციალურ სიაში შეიყვანენ, რის შედეგადაც მას საქართველოში ხელახლა შემოსვლა აეკრძალება.

რუსეთის საგარეო საქმეთა სამინისტრომ ამ გადაწყვეტილების საპასუხოდ 15 მაისს განცხადება გამოაქვეყნა, რომლის თანახმადაც „ოფიციალური თბილისი განაგრძობს სისტემატურ პროვოკაციებს, რაც ძირს უთხრის რუსეთთან ურთიერთობების გაუმჯობესების პროცესს“. „რთულია ამგვარი ქმედების რაციონალურად ახსნა, ვინაიდან რუსეთ-საქართველოს ნორმალიზების პროცესს საქართველოს ეკონომიკისა და მოქალაქეებისთვის ხელშესახები სარგებელი მოაქვს“, - განაცხადა სამინისტრომ.

რუსეთის საგარეო საქმეთა სამინისტრომ ასევე განაცხადა, რომ „იძულებულია“ ურჩიოს რუსეთის მოქალაქეებს საქართველოში მოგზაურობის რისკები ზედმიწევნით აწონ-დაწონონ და აღნიშნა, რომ „დიპლომატიური ურთიერთობების არარსებობის პირობებში, რომელიც საქართველომ გაწყვიტა“, რუსეთის ინტერესთა სექციას შვეიცარიის საელჩოში თბილისში „ძალიან შეზღუდული შესაძლებლობები აქვს, რათა თანამოქალაქეები ხელისუფლების თვითნებობისგან დაიცვას“.

სამინისტრომ ასევე აღნიშნა, რომ საქართველოს ხელისუფლებამ „ვერ გაბედა ოკუპირებული ტერიტორიების შესახებ კანონით გათვალისწინებული სანქციების გამოყენება ლუჟკოვის წინააღმდეგ და მხოლოდ მას შემდეგ გამოაცხადა „ვერდიქტი“, რაც მან „სტუმართმოყვარე საქართველო“ დატოვა“. სამინისტრომ ასევე დასძინა, რომ „ბოლო წლებში, სამწუხაროდ, იყო სხვა შემთხვევებიც - რუსეთის მოქალაქეები ანალოგიურ შემთხვევებში არაერთხელ დააჯარიმეს და დააპატიმრეს კიდეც. შეგახსენებთ, რომ ზემოთხსენებული კანონი ითვალისწინებს ჯარიმას 3 000 აშშ დოლარამდე, ან პატიმრობას 4 წლამდე ვადით“.

უახლესი ამბები
20 აპრ.'18 19:09
ევროპის საბჭომ საქართველოში კონფლიქტის შესახებ ანგარიში გამოაქვეყნა
ანგარიში აფხაზეთსა და ცხინვალის რეგიონში უსაფრთხოების და ადამიანის უფლებათა დაცვის კუთხით არსებულ ვითარებას აფასებს.
20 აპრ.'18 16:04
პარლამენტმა პარტიების დაფინანსების წესში ცვლილებები მიიღო
ცვლილებების შედეგად, მრეწველთა პარტია 600 000 ლარის ოდენობის ყოველწლიურ საბიუჯეტო დაფინანსებას მიიღებს.
20 აპრ.'18 12:57
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
ევროკავშირის დელეგაციამ ევროპის საბჭოში საქართველოს შესახებ გენერალური მდივნის ანგარიშის საპასუხოდ განცხადება გამოაქვეყნა.
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
79