Civil.ge-ს შესახებ
Eng | ქარ | Рус
ბოლო განახლება: 18:26 - 18 დეკ.'17
RSS
Mobile
Twitter
Facebook
ბელარუსის საგარეო საქმეთა მინისტრი თბილისში შეხვედრებს მართავს
Civil Georgia, Tbilisi / 20 დეკ.'16 / 13:28

ბელარუსის საგარეო საქმეთა მინისტრი ვლადიმერ მაკეი 20 დეკემბერს თბილისს  სამუშაო ვიზიტით ეწვია და პირველი შეხვედრა თავის ქართველ კოლეგასთან მიხეილ ჯანელიძესთან გამართა.

ორდღიანი ვიზიტის ფარგლებში ასევე დაგეგმილია ბელარუსი დიპლომატის შეხვედრები პრეზიდენტ გიორგი მარგველაშვილთან, პარლამენტის თავმჯდომარესთან ირაკლი კობახიძესთან და საქართველოს კათალიკოს-პატრიარქთან ილია მეორესთან. 

„მხარეები განიხილავენ ბელარუს-ქართული ურთიერთობების მთელ სპექტრს, მათ შორის პოლიტიკური და სავაჭრო-ეკონომიკური თანამშრომლობის საკითხებს, ბელარუსის ექსპორტის გაზრდას, საერთაშორისო ორგანიზაციებში ურთიერთქმედებასა და ჰუმანიტარულ სფეროში თანამშრომლობას“, - იტყობინება ბელარუსის საგარეო უწყება.

ვიზიტის ცენტრალური მოვლენაა ასევე საქართველოში ბელარუსის საელჩოს გახსნა. ეს საკითხი ბელარუსის პრეზიდენტმა ალექსანდრე ლუკაშენკომ 2015 წლის აპრილში თბილისში ვიზიტის დროს განიხილა.  საქართველომ მინსკში საელჩო 2007 წელს გახსნა.

საქართველოს საგარეო უწყების ცნობით, ბელარუსის საგარეო უწყების ხელმძღვანელი ვიზიტის ფარგლებში პატივს მიაგებს საქართველოს ერთიანობისთვის დაღუპული მებრძოლების ხსოვნას და ასევე მოინახულებს სამხრეთ ოსეთის საოკუპაციო ხაზთან მდებარე სოფელ ხურვალეთს.

 

უახლესი ამბები
18 დეკ.'17 18:26
საქართველომ და ბელარუსმა საიდუმლო ინფორმაციის გაცვლის შესახებ შეთანხმებას მოაწერეს ხელი
სახელმწიფო უსაფრთხოების სამსახურის უფროსი, ვახტანგ გომელაური მინსკს სტუმრობს.
18 დეკ.'17 17:54
სირიაში საქართველოს მოქალაქე მოკლეს
გავრცელებული ინფორმაციით, გიორგი მარგოშვილი ჰამას პროვინციაში ასადის ძალების წინააღმდეგ ბრძოლის დროს დაიღუპა. 
18 დეკ.'17 16:13
პარლამენტში ქართული ოცნების კიდევ ორი ფრაქცია შეიქმნება
მმართველი პარტიის წევრები უარყოფენ მედიის ინფორმაციას, რომ ეს ცვლილება შიდა უთანხმოებას უკავშირდება.
18 დეკ.'17 12:37
2018 წლის აპრილში პარლამენტის შუალედური არჩევნები გაიმართება
არჩევნები ჩატარდება ვანისა და ხონის მაჟორიტარულ ოლქში, რომლის დეპუტატმაც პარლამენტიდან სუს-ში გადაინაცვლა.
17 დეკ.'17 17:14
ევროპარლამენტის ცხრა წევრი მერაბიშვილის გათავისუფლებას მოითხოვს
ევროპარლამენტარები მოუწოდებენ საქართველოს, პატივი სცეს ევროსასამართლოს გადაწყვეტილებას.   
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
80