Civil.ge-ს შესახებ
Eng | ქარ | Рус
ბოლო განახლება: 19:27 - 17 იან.'18
RSS
Mobile
Twitter
Facebook
EBRD–ის მხარდაჭერით შექმნილმა ინვესტორთა საბჭომ პირველი შეხვედრა გამართა
Civil Georgia, Tbilisi / 29 ოქტ.'15 / 18:51

ინვესტორთა საბჭომ, რომელიც ევროპის რეკონსტრუქციისა და განვითარების ბანკის (EBRD) მხარდაჭერით  მთავრობასა და ბიზნესს შორის მაღალი დონის დიალოგის ხელშეწყობის მიზნით შეიქმნა, 29 ოქტომბერს პირველი სხდომა გამართა.

პრემიერ–მინისტრმა ირაკლი ღარიბაშვილმა, რომელიც ინვესტორთა საბჭოს თავმჯდომარეობს, მონაწილეებს განუცხადა, რომ მთავრობა არის „ღია მოვისმინოთ თქვენგან მოსაზრებები, კრიტიკული შენიშვნები“.

EBRD–მ განაცხადა 29 ოქტომბერს გავრცელებულ პრესრელიზში, რომ მთავრობისა და ადგილობრივი ბიზნეს ასოციაციებისა და საერთაშორისო საფინანსო ინსტიტუტების წარმომადგენლებმა „ბიზნეს გარემოზე გავლენის მქონე ძირითადი გამოწვევები და კერძო სექტორის განვითარების შემდგომი ხელშეწყობის გზები განიხილეს“.

ევროპის რეკონსტრუქციისა და განვითარების ბანკის რეგიონულმა დირექტორმა კავკასიაში, მოლდავეთსა და ბელარუსში, ბრუნო ბალვანერამ განაცხადა, რომ საქართველომ „მნიშვნელოვანი წინსვლა განიცადა ქვეყნის ბიზნეს გარემოს გაუმჯობესების კუთხით“.

„თუმცა, ჯერ კიდევ ბევრი ხარვეზია გამოსასწორებელი. ევროკავშირთან ასოცირების ხელშეკრულების მოთხოვნების ფონზე, მნიშვნელოვანია საქართველოს ხელშეწყობა ევროპის კავშირის სტანდარტებთან შესაბამისობის მიზნით შემდგომი რეგულაციების დანერგვის საქმეში“, – განაცხადა მან.

შეხვედრას არ ესწრებოდა  საერთაშორისო სავაჭრო პალატის (ICC) ქართული წარმომადგენლობა. მისმა თავმჯდომარემ, ფადი ასლიმ, რომელიც მთავრობის ეკონომიკური პოლიტიკის კრიტიკოსია, განაცხადა, რომ ორგანიზაციამ იმის გამო არ მიიღო სხდომაში მონაწილეობა, რომ, როგორც მან აღნიშნა, ინვესტორთა საბჭომ უარი თქვა დღის წესრიგში შეეტანა საკითხი, რომელიც შემოსავლების სამსახურის მიერ ბიზნესის დაშინებას ეხება. ფადი ასლიმ ასევე განაცხადა, რომ ICC საქართველოს ზოგიერთი წევრი კომპანია  საგადასახადო გამოძიებების გაჭიანურებულ პროცესში იმყოფება, რის გამოც მათი ქონება დაყადაღებულია და ეს მათ ბიზნეს საქმიანობას აფერხებს. მან ასევე განაცხადა, რომ შემოსავლების სამსახურის წარმომადგენლები „განგსტერებივით იქცევიან“.

ინვესტორთა საბჭოს სამდივნოს ხელმძღვანელმა მარიამ მეღვინეთუხუცესმა განაცხადა, რომ ICC საქართველოს მიერ დაყენებული საკითხი საბჭოს მომდევნო სხდომაზე იქნება განხილული, რომელიც დეკემბერში იგეგმება.

ინვესტორთა საბჭოს შექმნა მაისში გადაწყდა, როდესაც საქართველოს EBRD–ის პრეზიდენტი სუმა ჩაკრაბარტი სტუმრობდა.

 

 

 

უახლესი ამბები
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
82