Civil.ge-ს შესახებ
Eng | ქარ | Рус
ბოლო განახლება: 19:27 - 17 იან.'18
RSS
Mobile
Twitter
Facebook
საქართველო და EBRD-ი ინვესტორთა საბჭოს ქმნიან
Civil Georgia, Tbilisi / 13 მაი.'15 / 13:12

ევროპის რეკონსტრუქციის და განვითარების ბანკის (EBRD) მხარდაჭერით, საქართველოს მთავრობა ინვესტორთა საბჭოს აყალიბებს ბიზნეს საზოგადოების მონაწილეობით, იმ კონკრეტული დაბრკოლებების გამოვლენისა და მოგვარების მიზნით, რომლის წინაშეც ინვესტორები დგანან.
 
EBRD–ის პრეზიდენტმა სუმა ჩაკრაბარტიმ და საქართველოს პრემიერ–მინისტრმა ირაკლი ღარიბაშვილმა 12 მაისს თბილისში საბჭოს ჩამოყალიბების თაობაზე ურთიერთგაგების მემორანდუმს მოაწერეს ხელი.

15–წევრიან ინვესტორთა საბჭოს პრემიერ–მინისტრი უხელმძღვანელებს და მის შემადგენლობაში შევლენ ბიზნეს ომბუდსმენი და მთავრობის სხვა წარმომადგენლები, ასევე ბიზნეს ასოციაციების წარმომადგენლები და საერთაშორისო ინვესტორები.

„ეს ინვესტორთა საბჭო მნიშვნელოვანი პლატფორმაა კერძო და სახელმწიფო სექტორებს შორის კონსტრუქციული დიალოგის ხელშეწყობისთვის, ასევე ადგილობრივი და უცხოური ინვესტიციების სტიმულირებისთვის იმ კონკრეტული დაბრკოლებების მოგვარების გზით, რომელთა წინაშეც ინვესტორები დგანან“, – განაცხადა EBRD–ის პრეზიდენტმა სუმა ჩაკრაბარტიმ მემორანდუმის ხელმოწერის შემდეგ.

„ამ ინიციატივით საქართველო მნიშვნელოვან ნაბიჯს დგამს კერძო სექტორის განვითარების შემდგომი გაუმჯობესებისკენ“, – დასძინა მან.

EBRD–ი ინვერსტორთა საბჭოს სამდივნოს საქმიანობას აფინანსებს.

„ინვესტორთა საბჭო მთავრობასა და ბიზნეს სექტორს შორის შექმნის დიალოგის ახალ პლატფორმას და ხელს შეუწყობს ურთიერთთანამშრომლობის განვითარებასა და ბიზნეს გარემოს გაუმჯობესებას საქართველოში“, – განაცხადა პრემიერ–მინისტრმა ღარიბაშვილმა.  

„მემორანდუმის ფარგლებში საქართველოს მთავრობა მოახდენს იმ კონკრეტული სფეროების იდენტიფიცირებას, რომელშიც საქართველოს მთავრობის მოქმედებები და ბანკის მხარდაჭერა შესაძლებელს გახდის ბიზნეს გარემოს მნიშვნელოვან გაუმჯობესებას. ჩვენ, რა თქმა უნდა, ყურადღებით განვიხილავთ და განვახორციელებთ იმ წინადადებებს, რომელსაც ბიზნეს საზოგადოება შემოგვთავაზებს და რა თქმა უნდა, განხილვა მოხდება ინვესტორთა საბჭოს სხდომებზე“, – განაცხადა მან.

EBRD–ის პრეზიდენტის სუმა ჩაკრაბარტის ვიზიტი წინ უსწრებს ბანკის ყოველწლიურ შეხვედრას და ბიზნეს ფორუმს თბილისში 14–15 მაისს. ამ ღონისძიებისთვის თბილისში, დაახლოებით, 60 ქვეყნის სამთავრობო დელეგაციები ჩამოვლენ.

ასევე 12 მაისს EBRD–ის პრეზიდენტმა და საქართველოს ფინანსთა მინისტრმა ნოდარ ხადურმა ხელი მოაწერეს შეთანხმებას 7 მილიონი ევროს ოდენობის შეღავათიანი სესხის გამოყოფის თაობაზე ქვემო ქართლის მყარი ნარჩენების პროექტის განხორციელების მიზნით. პროექტი მიზნად ისახავს ქვემო ქართლის რეგიონში ახალი ნაგავსაყრელის მშენებლობას, მყარი ნარჩენების ტრანსპორტირებისა და ნაგავსაყრელის ფუნქციონირებისათვის საჭირო ტექნიკის შეძენას. პროექტს ფინანსურ მხარდაჭერას შვედეთის საერთაშორისო თანამშრომლობის სააგენტოც (SIDA) აღმოუჩენს  3 მილიონი ევროს ოდენობის გრანტის სახით.

უახლესი ამბები
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
83