Civil.ge-ს შესახებ
Eng | ქარ | Рус
ბოლო განახლება: 18:26 - 18 დეკ.'17
RSS
Mobile
Twitter
Facebook
ადგილობრივი არჩევნების წინასწარი შედეგები
Civil Georgia, Tbilisi / 26 ივნ.'14 / 14:01

15 ივნისის ადგილობრივი არჩევნები ჯერ არ დასრულებულა, ვინაიდან წინ 29 ივნისს 14 უბანში დაგეგმილი  განმეორებითი კენჭისყრები, მეორე ტურები და საბოლოო შედეგების შეჯამების პროცესებია. 

სულ ცოტა 21 ადგილას 8 ქალაქში მერისა და 13 მუნიციპალიტეტში გამგებლების ასარჩევად მეორე ტურები გაიმართება, რომლის თარიღიც შემაჯამებელი ოქმების მიღებისა და ყველა სასამართლო დავის დასრულების შემდეგ დაინიშნება.

მეორე ტურები შესაძლოა ივლისის შუა რიცხვებში ან ივლისის ბოლოს გაიმართოს. ასევე შესაძლებელია, რომ სხვადასხვა ადგილას მეორე ტურებისთვის სხვადასხვა თარიღი განისაზღვროს.  

ქვემოთ მოცემულია 15 ივნისის არჩევნების წინასწარი შედეგები 25 ივნისის მდგომარეობით:

ქართული ოცნება

მმართველი კოალიცია ქართული ოცნება ქვეყნის მასშტაბით არსებულ 71–ივე ოლქის საკრებულოში სავარაუდოდ ადგილების უმრავლესობას მოიპოვებს; მისმა კანდიდატებმა პირველივე ტურში მოიგეს მერის არჩევნები ოთხ ქალაქში, ხოლო დანარჩენ რვა თვითმმართველ ქალაქში მეორე ტურში მოუწევთ ბრძოლა.

ქართულმა ოცნებამ პარტიული სისტემით არჩევნებში 50.83% მიიღო, რაც 11 პროცენტული პუნქტით  ნაკლებია მმართველი კოალიციის საპრეზიდენტო კანდიდატის მიერ რვა თვის წინანდელ არჩევნებზე მიღებულ შედეგზე.

ქართული ოცნების კანდიდატები გამგებლის არჩევნებს 59 ოლქიდან 46–ში იგებენ და დანარჩენ 13 მუნიციპალიტეტში მის კანდიდატებს მეორე ტურში მოუწევთ ბრძოლა (ეს რაოდენობა შესაძლოა კიდევ გაიზარდოს იმ შემთხვევაში, თუ ხმების გადათვლას და განმეორებით კენჭისყრას მარნეულის ზოგიერთ უბანზე წინასწარი მონაცემებისგან განსხვავებული შედეგები მოყვება).

71 საკრებულოდან 27–ში პარტიული სისტემით ჩატარებულ არჩევნებში ქართულმა ოცნებამ ხმების 50%–ზე ნაკლები მოიპოვა.

ქართულმა ოცნებამ საუკეთესო შედეგები აჩვენა საკრებულოს პარტიული სისტემით ჩატარებულ არჩევნებში დედოფლისწყაროს (84.46%) და საჩხერის (82.9%) ოლქებში.  დედოფლისწყარო კოალიცია ქართული ოცნების ლიდერის, პრემიერ–მინისტრ ირაკლი ღარიბაშვილის მშობლიური რაიონია, ხოლო საჩხერე ყოფილი პრემიერ–მინისტრის ბიძინა ივანიშვილის.

ყველაზე უარესი შედეგები ქართულმა ოცნებამ გორში (36.09%) და მცხეთაში (38.88%) მიიღო.

ქვეყნის მასშტაბით არსებული 1 049 მაჟორიტარული ადგილიდან ქართულმა ოცნებამ 800–ზე მეტი მოიპოვა.

ერთიანი ნაციონალური მოძრაობა

ნაციონალურმა მოძრაობამ პარტიული სისტემით ჩატარებულ არჩევნებში ქართული ოცნების შემდეგ საუკეთესო შედეგები აჩვენა -  22.41%, თითქმის იგივე, რაც ნაციონალური მოძრაობის საპრეზიდენტო კანდიდატმა რვა თვის წინანდელ არჩევნებში მიიღო (21.72%).

ნაციონალურმა მოძრაობა თავის წევრებს პარტიული სიით ერთის გარდა ყველა საკრებულოში შეიყვანს ქვეყნის მასშტაბით. ნაციონალურმა მოძრაობამ 4%–იანი ბარიერი ვერ გადალახა ყაზბეგის ოლქში, სადაც ამომრჩეველთა ყველაზე მცირე რაოდენობაა (5 242) დარეგისტრირებული.

ნაციონალური მოძრაობა მეორე ადგილს იკავებს პარტიული სისტემით 55 საკრებულოში, თუმცა დანარჩენ 16 საკრებულოში მეორე ადგილი სხვა პარტიებმა მოიპოვეს.

ის ოლქები, სადაც ნაციონალური მოძრაობა პარტიული სისტემით მესამე ადგილზეა, არის: ლაგოდეხი, ბოლნისი, წალკა, გორის რაიონის და ქალაქ გორის საკრებულოები, ბორჯომი, ახალქალაქი, ონი, ლანჩხუთი, მარტვილი (სადაც ნაციონალური მოძრაობა და ბურჯანაძის კოალიცია ძალიან ახლოს არიან 21.29%–ით და 21.88%–ით, შესაბამისად) და ვანი.

ნაციონალური მოძრაობა მეოთხე ადგილზეა პარტიული სიით ლენტეხის და ოზურგეთის საკრებულოებში და მეხუთეზე – დუშეთსა და თიანეთში; მცხეთის საკრებულოში ნაციონალური მოძრაობა მეშვიდე ადგილზეა 4.59%–ით – მცხეთის საკრებულო ყველაზე მრავალფეროვანი იქნება ქვეყანაში, რადგანაც იქ შვიდ პარტია იქნება წარმოდგენილი. 

ნაციონალურმა მოძრაობამ საუკეთესო შედეგები აჩვენა ზუგდიდის ოლქში, სადაც მან 40.48% მოიპოვა პარტიული სიით.

სხვა ადგილები, სადაც ნაციონალურმა მოძრაობამ ბევრად უკეთესი შედეგები აჩვენა, ვიდრე ქვეყნის მასშტაბით მისი საშუალო მაჩვენებელია, არის: ხონი (37.22%); ქალაქი ზუგდიდი (34.37%); თერჯოლა (34.1%); ახალციხე (31.58%); წყალტუბო (31.49%); ჩხოროწყუ (31.35%) და წალენჯიხა (30.23%).

იმ 8 ქალაქიდან, სადაც მერის არჩევნების მეორე ტური გაიმართება, ნაციონალური მოძრაობა 4 ქალაქში იბრძოლებს – თბილისი, რუსთავი, ბათუმი და თელავი.

13 ოლქიდან, სადაც წინასწარი ოფიციალური შედეგებით, გამგებლის პოსტისთვის მეორე ტური გაიმართება, ნაციონალური მოძრაობა 5 ოლქში იბრძოლებს: ყვარელი, თელავი, თერჯოლა, ხონი და ქობულეთი.

ბურჯანაძე – ერთიანი ოპოზიცია

ნინო ბურჯანაძის კოალიცია ერთიანი ოპოზიციის მიერ პარტიული სისტემით მიღებული შედეგები 10.23%–ს შეადგენს – თითქმის იგივეა, რაც ბურჯანაძემ საპრეზიდენტო არჩევნებში მიიღო (10.19%).

ადგილობრივ არჩევნებში ბურჯანაძე თავად არ იყრიდა კენჭს; ერთიანი ოპოზიციის მიერ თბილისში დასახელებულმა მერობის კანდიდატმა დიმიტრი ლორთქიფანიძემ 12.82% მიიღო.

ერთიანმა ოპოზიციამ ქვეყნის მასშტაბით არსებული 1 049 ერთმანდატიანი ოლქიდან 28–ში მოიგო მაჟორიტარული არჩევნები და 66 ოლქში გადალახა 4%–იანი ბარიერი. ბურჯანაძის კოალიცია გარდაბნის საკრებულოს პროპორციულ არჩევნებში არ მონაწილეობდა.

თბილისის საკრებულოში ბურჯანაძე-ერთიანი ოპოზიცია სავარაუდოდ 3 მანდატს მოიპოვებს პარტიული სიით, რადგან მან ხმების 10.35% მიიღო.

ბურჯანაძის კოალიციამ მხოლოდ ოთხ ოლქში ვერ შეძლო ბარიერის გადალახვა და მას შემდეგ საკრებულოებში არ ეყოლება პარტიული სიით წარმომადგენლები: ზუგდიდი, დედოფლისწყარო, ახალციხე და ნინოწმინდა.

13 ოლქიდან, სადაც გამგებლის ასარჩევად მეორე ტური გაიმართება, ბურჯანაძის კოალიციის კანდიდატები, წინასწარი მონაცემებით, ქართული ოცნების კანდიდატებს დაუპირისპირდებიან ოთხ ოლქში – მარტვილი, ტყიბული, ახმეტა და თიანეთი.

პატრიოტთა ალიანსი

წინასწარი ოფიციალური შედეგებით, საქართველოს პატრიოტთა ალიანსმა თბილისში პარტიული სიით 6.34% მიიღო, რაც დედაქალაქის საკრებულოში მისაღებ ორი ადგილს ნიშნავს. თბილისში მისმა მერობის კანდიდატმა ირმა ინაშვილმა ხმების 5.37% დააგროვა.

პატრიოტთა ალიანსმა 71-დან 47 საკრებულოს პროპორციულ არჩევნებში მიიღო მონაწილეობა და მიღებული ხმების საერთო რაოდენობა 4.72%–ს შეადგენს.

ამ 47 მუნიციპალიტეტიდან და ქალაქიდან საკრებულოს პროპორციულ არჩევნებში 4%–იანი ბარიერი მან 30–ში გადალახა, რაც იმას ნიშნავს, რომ პატრიოტთა ალიანსს 30 საკრებულოში, მათ შორის თბილისში, ეყოლება თავის წარმომადგენლობა.

იმ მუნიციპალიტეტებს და ქალაქებს შორის, სადაც ალიანსმა 4%–იანი ბარიერი ვერ დაძლია, არის: სიღნაღი, ლაგოდეხი, თელავის მუნიციპალიტეტი, მარნეული, ბოლნისი, წალკა, ქალაქი გორი და გორის მუნიციპალიტეტი, ქალაქი ახალციხე და ახალციხის მუნიციპალიტეტი, მესტია, ხარაგაული, საჩხერე, ზესტაფონი, სამტრედია, აბაშა და ქედა.     

პატრიოტთა ალიანსის მიერ დასახელებული მერობის კანდიდატები ორ ქალაქში მეორე ტურში იბრძოლებენ და ისინი ფოთსა და ოზურგეთში ქართული ოცნების კანდიდატებს დაუპირისპირდებიან.

გამგებლობის კანდიდატები პატრიოტთა ალიანსიდან ქართული ოცნების კანდიდატებს ლანჩხუთსა და ხულოს მუნიციპალიტეტებში დაუპირისპირდებიან მეორე ტურში.

სხვა პარტიები

მართალია სხვა პარტიებმა და ბლოკებმა ქვეყნის მასშტაბით დათვლილ საკრებულოს პროპორციულ არჩევნებში თითოეულმა ხმების 4%–ზე ნაკლები მიიღეს, მაგრამ ზოგიერთმა მათგანმა შეძლო 4%–იანი ბარიერის გადალახვა კონკრეტულ ოლქებში და საკრებულოს მანდატები მიიღო. ამ პატარა პარტიებიდან ზოგიერთი კონკრეტულ რაიონებზე უფრო ამახვილებდა ყურადღებას, ვიდრე ქვეყნის მასშტაბით კამპანიის წარმოებაზე.

ლეიბორისტული პარტია, რომელსაც შალვა ნათელაშვილი ხელმძღვანელობს, ქვეყნის მასშტაბით 71-ვე საკრებულოს არჩევნებში მონაწილეობდა და 27 ოლქში გადალახა 4%–იანი ბარიერი.

ეს მუნიციპალიტეტები და ქალაქებია: საგარეჯო (4%); გურჯაანი (4.99%); ყვარელი (5.72%); ქალაქი თელავი (5.29%); თელავის მუნიციპალიტეტი (4.96%); ახმეტა (5.34%); თიანეთი (5.8%); რუსთავი (5.47%); გარდაბანი (5.67%); ქალაქი მცხეთა (7.25%); მცხეთის მუნიციპალიტეტი (10.34%); დუშეთი (12.22%); ყაზბეგი (5.27%); კასპი (5.6%); ქალაქ გორის საკრებულო (4.36%); ქარელი (5.07%); ხაშური (8.76%); ბორჯომი (8.1%); ამბროლაურის საკრებულო (4.7%); ქალაქ ამბროლაურის საკრებულო (4.02%); ცაგერი (4.38%); ზესტაფონი (4.06%); ბაღდათი (4.73%); წყალტუბო (5.31%); ქუთაისი (4.64%); ოზურგეთი (4.67%) და სენაკი (5.16%).

არასაპარლამენტო ოპოზიციამ - ახალი მემარჯვენეების და თავისუფალი საქართველოს  ბლოკმა 8 საკრებულოში გადალახა ბარიერი პარტიული სიით.

არასაპარლამენტო ოპოზიციამ საუკეთესო შედეგი ახალქალაქში აჩვენა, სადაც მან პარტიული სიით 29.62% მიიღო. მას პარტიული სიით მანდატები დამატებით შემდეგ საკრებულოებში ერგება: ხარაგაული (9.08%); ქალაქ თელავის საკრებულო (5.98%); ხობი (5.45%); ქალაქ ამბროლაურის საკრებულო (5.15%); ლენტეხი (5.12%); მარტვილი (5.1%) და ზესტაფონი (4.3%).

საქართველოს გზამ, ყოფილი საგარეო საქმეთა მინისტრის სალომე ზურაბიშვილის მიერ დაარსებულმა პარტიამ, შვიდ საკრებულოში გადალახა ბარიერი:  ოზურგეთი (6.57%); ჭიათურა (5.77%); ბათუმი (5.22%); აბაშა (4.72%); მესტია (4.42%) და ბაღდათი (4.32%).  

მისმა კანდიდატმა კარგი შედეგები აჩვენა ბაღდათის გამგებლის არჩევნებში, სადაც მეორე ტურში ქართული ოცნების კანდიდატს გაუწევს ოპონირებას.

საქართველოს ძალოვან ვეტერანთა და პატრიოტთა პოლიტიკურმა მოძრაობამ ხუთ საკრებულოში გადალახა ბარიერი: ნინოწმინდა (8.6%); ყაზბეგი (6.47%); გარდაბანი (5.73%); ახალქალაქი (4.98%) და ცაგერი (4.51%).

მწვანეთა პარტიას სამ საკრებულოში ეყოლება წევრები: ქალაქი მცხეთა (9.86%), ასევე თიანეთის (6.45%) და მესტიის (4.67%) მუნიციპალიტეტები. 

თვითმმართველობა ხალხს, სამართლიანი საქართველოსთვის და ევროპელი დემოკრატების მიერ ჩამოყალიბებულმა საარჩევნო ბლოკმა, ორ ოლქის საკრებულოში გადალახა 4%–იანი ბარიერი: ნინოწმინდა (7.13%) და სამტრედია (4.71%).

ჩვენი საქართველო, რომელმაც მხოლოდ თბილისის და სამი ოლქის საკრებულოს პროპორციულ არჩევნებში იყარა კენჭი, ყაზბეგის (8.42%) და რუსთავის (7.59%) საკრებულოებში შეიყვანა თავისი წევრები. ამ პარტიის მიერ რუსთავში დასახელებულმა მერობის კანდიდატმა ეროსი კიწმარიშვილმა 12.07% მიიღო და მესამე ადგილზე გავიდა ქართული ოცნების და ნაციონალური მოძრაობის კანდიდატების შემდეგ.

ქართულმა პარტიამ, რომელიც ყოფილი თავდაცვის მინისტრის ირაკლი ოქრუაშვილის დაფუძნებულია, მხოლოდ გორზე გააკეთა აქცენტი კამპანიის დროს და გორის ქალაქის საკრებულოში ხმების 28.23% მიიღო პარტიული სიით, ხოლო გორის მუნიციპალურ საკრებულოში 25.91%. ქართული პარტიის მერობის კანდიდატმა გორში 29.27% მიიღო და ის მეორე ტურში ქართული ოცნების კანდიდატს დაუპირისპირდება.

სახალხო პარტიას სამ საკრებულოში ეყოლება წევრები: ქალაქ მცხეთაში (6.23%); მცხეთის მუნიციპალურ საკრებულოსა (5.3%) და წალენჯიხაში (4.23%).     

ერთიანობის დარბაზს წევრები ეყოლება ბათუმის საკრებულოში, სადაც მან ხმების 4.64% მიიღო და შუახევის საკრებულოში (5.41%).

ქრისტიან–დემოკრატიულ პარტიას ლენტეხის საკრებულოში ეყოლება წევრები, სადაც მან პარტიული სიით 16.28% მიიღო. 

თავისუფლება – ზვიად გამსახურდიას გზამ მხოლოდ მარტვილის ოლქში მიიღო არჩევნებში მონაწილეობა, სადაც მან პარტიული სიით საკრებულოს ადგილების მოსაპოვებლად საჭირო ბარიერი გადალახა (4.16%). 

მერაბ კოსტავას საზოგადოებას სიღნაღის საკრებულოში ეყოლება წევრი, სადაც მან პროპორციული სისტემით 4.25% დააგროვა.

უახლესი ამბები
18 დეკ.'17 18:26
საქართველომ და ბელარუსმა საიდუმლო ინფორმაციის გაცვლის შესახებ შეთანხმებას მოაწერეს ხელი
სახელმწიფო უსაფრთხოების სამსახურის უფროსი, ვახტანგ გომელაური მინსკს სტუმრობს.
18 დეკ.'17 17:54
სირიაში საქართველოს მოქალაქე მოკლეს
გავრცელებული ინფორმაციით, გიორგი მარგოშვილი ჰამას პროვინციაში ასადის ძალების წინააღმდეგ ბრძოლის დროს დაიღუპა. 
18 დეკ.'17 16:13
პარლამენტში ქართული ოცნების კიდევ ორი ფრაქცია შეიქმნება
მმართველი პარტიის წევრები უარყოფენ მედიის ინფორმაციას, რომ ეს ცვლილება შიდა უთანხმოებას უკავშირდება.
18 დეკ.'17 12:37
2018 წლის აპრილში პარლამენტის შუალედური არჩევნები გაიმართება
არჩევნები ჩატარდება ვანისა და ხონის მაჟორიტარულ ოლქში, რომლის დეპუტატმაც პარლამენტიდან სუს-ში გადაინაცვლა.
17 დეკ.'17 17:14
ევროპარლამენტის ცხრა წევრი მერაბიშვილის გათავისუფლებას მოითხოვს
ევროპარლამენტარები მოუწოდებენ საქართველოს, პატივი სცეს ევროსასამართლოს გადაწყვეტილებას.   
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
42